II Samuel 12:13 - Ma Zhiklè

¹³ David a ngaɗa na Nathan: I gau malai a sam Ndo nzi pèc pècèk. Nathan a mʼmbeɗa na a ma David: Gar haha Ndo nzi pèc pècèk a mpra ka malai. Ka metsi azɓai.

II Samuel 12:13 ပူးပေါင်းရင်းမြစ်များ

Genèse 39:9

Nengaʼa ba a fenyè te gi haha azɓai. A mvay skwi tèlèba; sèi ka man ka ngwoz nengaʼa a mvay ɓai. A i gi mphömè mbiaʼa arsa, a i gi mali a sam Zhiklè ɗè?

II Samuel 24:10

Te deɓ nengaʼa, mèzhèɓ ndav a nʼngra na David: i gau ambaɓai, a géɗ man i nger ta ndohai. A ngaɗa na Ndo nzi pèc pècèk: I gau malai te skwi man i gau. Anai, Ndo nzi pèc pècèk, pray malai. I gau ara ndo nrzlaʼa.

I Rois 13:4

Aman bi a ntsena ma ndo Zhiklè man a boho, a nderɗa sam mʼmbèh skwi te Béthel a vna, a ntor ri a géɗ sam mʼmbèh skwai, a ngaɗa: Vo-gso! A ri nengaʼa man a toro, a ngwor na, a slaha a mendkoɗa deɓa asaɓai.

I Rois 21:20

A Achab a ngaɗa na Elie: Ka ndo mayam ga, kashkè a sam gaza ɗè? A Elie a ngaɗa na: I shkè a sam ngaya zaʼa, te man ka zede gèɗ ngaya, a ka gu skwi man ambaha Ndo nzi pèc pècèk ɓai.

I Rois 22:8

A bi Israel a ngaɗa na Josaphat: Ndo ngiɗè a zhè dai man nga slaha nga jhèɗè Ndo nzi pèc pècèk a sam na; aman i ndo shèwa nengaʼa, a hodkoy ma mbelaʼa ka ɓai, sèi ma ambaɓiaʼa. Nengaʼa Michée, kra Jimla. A Josaphat a ngaɗa: Bi do goɗ arsa ɓai!

II Rois 1:9

A nzlündo tsuvom ndohi 50, a nda ndohi nengaʼa 50, a ta dè a sam nengaʼa. A ndikè a sam na, a nʼnza a géɗ za. Ngidè a ngaɗa na: Ndo Zhiklè, bai a ngaɗa: Washkèhai!

I Chroniques 21:8

Te deɓaʼa a David a ngaɗa na Zhiklè: I gu mali a vata a skwi man i gau. Anai pra na mali a ɓèl ngaya. I gau ara ndo nrzlaʼa.

II Chroniques 16:10

Asa a ngu ndav a géɗ ndo nsun skwai, a mfeda a dangai, a mpa na shèla a sak, a ngu ndav a géɗ nengaʼa. Te ndev nasa Asa a nʼnga ta matakwan a ndohi ngiɗè tsaɗ tsaɗ.

II Chroniques 25:16

Aman a gèɗè, Amatsia a ngaɗa: Bai a ndzhad ka aman ka gèɗè dè? Do ngaya! Ka woya man nga tse ka èhèmè? A ndo nhadka ma a ndo na, a ngaɗa: I suna, Zhiklè a nhur a da gedas ka, a géɗ man ka gu ar haha, a ka tsena ma ga ɓai.

Job 33:27

A da menda ta ma nengaʼa a ndohai, a gada: I gu malai, i tawaɗaha ma kita; aman a ngay kita ara mali ga ka ɓai.

Psaumes 103:12

Ara man nvangkaɗ pats na dra a sam nkèl pats, lèmèlèmè a helda mali nga dra.

Psaumes 51:16

Mbel-yè, te man i ndo nkeɗ ndo, Bi Zhiklè, Zhiklè man a mbelyè; a nèʼèn ga a da njè ngi-zuraʼa ngaya.

Psaumes 51:4

Ponkoy mali ga auda te ndav, a i gi ndzuwaɗaɗaʼa; pa-nyè te maharam ga!

Psaumes 51:6

I gu mali a sam ngaya staɗgenè, i gau skwi man ambaha ka ɓai. Kita man ka ngélèʼa, kita nzuraʼa. Aman ka gi kita, ndo a slaha a nfa ka mali a gèɗ ɓai.

Exode 9:27

A Pharaon a nzlündo ndo, da baha ta nda Moise a Aaron, a ngaɗa ta: Antanta i gu malai. Zhiklè kiriè nzuraʼa, iyè a ndohi ga, nga ndohi nzura ka ɓai.

Proverbes 25:12

Ndo maya man a ngatsa na maya a ndo man a fi gèɗ a ma nengaʼa, nara tèslri guro, nara skwi daʼai mbelaʼa.

Proverbes 28:13

Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Esaie 38:17

A vava, skwi man a dzay te ndav ɗekeɗekeʼa, a nʼngwoda na a gumai; ka ngskay a deɓa a ma vèvèɗ mʼmetsai, man i woya a i kèlèhi a pa. Ka wusheda mali ga tèlèba a deɓ ngaya.

Esaie 43:24

Ka suma burdi a ka vay ɓai. Ka vay mbeza skwi ngaya ɓai. Sèi ka gay wuɗi a mali ngaya, a ka ngezyè a maharam ngaya.

Esaie 44:22

I kalda mali ngaya ara vanai man kozlar a nkalda; i hela mphömè ngaya ara ndodok. Menkaɗa deɓa a sam ga; aman i sumka ka deɓa ma.

Lamentations de Jérémie 3:32

A mbeɗama na ndav; aman a sia te va genè, ara pombi nengaʼa man a ndev ɓai.

Lèv. 20:10

Aman ndo ngiɗè a gi mphömè a ngwoz nslamagi na, sèi ta bazl ta cèw ba, nguraʼa a ngwoz man ta gu mphömè.

Lèv. 24:17

Aman ndo ngiɗè a keɗa ndo ngiɗè, sèi ta keɗaʼa lèmèlèmè.

Zacharie 3:4

Gola a ngaɗa ta golahi ntakaha a sam na: Va-suɗa na maslaka nlizhèʼa auda a va! A ngaɗa na: Na haha, i ca ka mali auda a va. Va-va na maslaka ngolala a va!

Matthew 14:10

A nzlündo ndo, aman a nguzlkoɗi gèɗ Jean Baptiste te gi dangai.

Luke 15:21

A kra nengaʼa a ngaɗa na: Bab ga, i gu malai a sam Zhiklè, a sam ngaya. Ani haha ka bahayè kra ngaya ɓai!

Luke 18:13

A ndo ncèkèlè skwai a nzlatsa dra, a woya a nce gèɗ a zhiklè ɓai, a mpeda ri a ndav, a ngaɗa: Zhiklè, i da se ka te va, i ndo malai!

Actes 2:37

Aman ta tsena ma haha, a mʼmbeɗama ta ndav, a ta gaɗa na Pierre a ndohi sak ngiɗè: Dalahimam nga, nga da gi ma kè?

Hébreux 9:26

Man ar haha, ar a nsu matakwan te nhinkaɗ herkeda pats ngiɗè pats ngiɗè kumba. Aman antanta, man patshi herkeda ta woy a ta ndiv ta, a ngudko va a di sak staɗ, a mvau nshèffè a ri na a skwi mpil gèɗ mali nga.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

I Samuel 15:20

Saul a mʼmbeɗa na a ma Samuel: I fu gèɗ a ma Ndo nzi pèc pècèk, a i do a civèɗ man Ndo nzi pècpè-cèk a nzlindyè a pa. I gso Agag, bi Amalek, a i bazl ta ndohi Amalek tèlèba.

I Samuel 15:30

Saul a ngaɗa: I gau malai, aman sèi ka slebardyè a sam di ndohi nhalaʼa ndohi ga, a sam di Israel. Ngo do a ka, a i tsi ri a Ndo jizi pèc pècèk, Zhiklè ngaya.