II Samuel 1:20 - Ma Zhiklè

²⁰ Kin gaɗa ta ndohi te Gath ɓai, kin njè ta ndohi a civèɗ te Askalon ɓai, aman dalahi Philistie da da wuffa ɓai, a dalahi ndohi ngwon nʼngelɓiaʼa da da wuffa a ta sli dimèsh ɓai!

II Samuel 1:20 ပူးပေါင်းရင်းမြစ်များ

Ezéchiel 16:27

Na haha i tara ka ri a dai, i cèma ka skwi ngaya. I va ka a ri ntétékè mayamhi ngaya, dalahi Philistie, man hori a keɗ ta a géɗ maya nshèffè ngaya man ambaɓi a vata.

Ezéchiel 16:57

Ga ta ngredko ka auda, ka adai. Gar haha antanta ma, dalahi Aram a nslamagihi tenga tèlèba, ta ngwossaha ka, a dalahi Philistie man ta zhè a tsagi ngaya, ta kwol ka.

Michée 1:10

Kin njè ta te Gath ɓai! Kin kuɗau te Acco ɓai! Va-nza a mèrwèc te Beth-Leaphra!

Juges 11:34

Aman Jephthé a mshkè ngwai a kokwar Mitspa, a sam gi nengaʼa, dem nengaʼa a mshkè auda te gi nengaʼa, aman ta zli gèɗ, a dakocèr, a gècè. Dem nengaʼa staɗgenè. Ko nguraʼa ngiɗè azɓai, dem ngiɗè azɓai.

Juges 14:19

A Mèzhèɓ Ndo nzi pèc pècèk a mshkè a géɗ Samson, a ndo Askalon. A mbazl ta ndohi te pa 30, a mhul maslaka tengaʼa, a mva ta a ndohi man ta ngra na verziaʼa, a ngu ndav kumba, a ndo a deɓa a gi bab na.

I Samuel 14:6

Jonathan a ngaɗa na gol nzuɓa na skwi var nengaʼa: Washkè, ngo-do auna a sam nʼngélè ndohi man ngwon ta nʼngel ɓi mpaʼa. Gar Ndo nzi pèc pècèk a takaha nga. A sam Ndo nzi pèc pècèk wuɗi a te pa ɓai, a gi a ngul skwai, ko ndo a vata, ko ndo az a vata ɓai.

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.

I Samuel 18:6

Aman ta shkè ngwai, te deɓ man David a gu a ngul ndo Philistie ma, ngwozi ta shkè auda te kokwar Israel tèlèba a ta sli dimèsh, a ndohi ta gècè, a ta zli gèɗ a bi Saul, a ganga, a ganzavar, a ta wuffè.

I Samuel 31:4

Saul a ngaɗa na gol nzuɓa na skwi var nengaʼa: Pho kafahi gwèsh a ka kedyè. I woya aman ndohi ngwon nʼngela ɓai ta kedyè ɓai, a ta da ngwossahayè. Aman gol nzuɓa na skwi var nengaʼa a woya ɓai, a gi zlau holholaʼa. A Saul a nco kafahi gwèsh, a nkalda na va a gèɗ.

I Samuel 6:17

Na haha skwi nlèmdè mblè guro man Philistie a va na Ndo nzi pèc pècèk a skwi mpil gèɗ: staɗ a gèɗ Asdod, staɗ a gèɗ Gaza, staɗ a gèɗ Askalon, staɗ a gèɗ Gath, staɗ a gèɗ Ekron.