II Rois 7:6 - Ma Zhiklè

⁶ Bi-Zhiklè a ngau a ta tsena nhèzlèwè kiki var a sam sak plèshihai a nguzli var mbiaʼa, a ta goɗ a va ta: Bi Israel a mbaha ta bihi Heth a bihi Egypte, a ta humda a ta da dum nga!

II Rois 7:6 ပူးပေါင်းရင်းမြစ်များ

II Samuel 10:6

Aman ndohi Ammon tarkaʼa, David a ngu ndav a géɗ tengaʼa, ta zlinde ta ndohi a sam ndohi Syrie te Beth-Rehob, a ndohi Syrie te Tsoba, a ta ngots sojèhi te pa: ndohi sak 20.000. A sam bai te Maaca ndohi 1.000, a sam ndohi Tob 12.000. A ta takaha ta a ngi var.

II Samuel 5:24

Aman ka tsena kuɗ te wof, ka ngezla ta va. Nasa Ndo nzi pèc pècèk a zhè a ma ngaya, a ka bazl ta ndohi var Philistie.

I Rois 10:29

Gani kiki var staɗ man a shkè te Egypte, a gi Suli 120.000. A plèsh staɗ a gi 30.000. Kiki var a plèsh man bihi Heth a bihi Syrie ta suma, a bezkaɗa ri ndohi gani Salomon.

I Rois 20:20

A golahi bi Achab tèlèba, ngiɗè a kéɗè a na, ngiɗè a kédè a na. Ben-Hadad, bi Syrie, amʼmbel na a deɓ plèsh, a ndohi plèsh a verzi na. Ndohi Syrie ta hu ta, a ndohi Israel ta hu a verzi ta.

II Rois 19:7

Na haha i woy a i hodko na ma a gèɗ a mèzhèɓ, a minè a deɓa a kokwar na, te pa i da keɗaʼa a tsakwal.

II Rois 7:5

A ta slambaɗa, a sam ratakwaʼa, a to do a sam ndohi var Syrie mɓicaʼa, a ta ndikè a pa, a kuma sam man ndohi Syrie ta ɓicda va a pa. Aman ndo a te pa ɓai.

Job 15:21

Ma man a tsena na a zlembaɗ, a pra na zlau a va; man a nza a gumai, ndo ngedassa-ndo a kala na va.

Psaumes 14:5

Zlau mbiaʼa a dza ta, a sam man zlau az a pa ɓai; aman a zhè a sam verzi ndohi nzuraʼa.

Esaie 31:1

Wobau a géɗ ndohi man ta dè hi a kokwar Egypte, a ta hèsh skwi ntakaha ta te pa. Ndohi man ta pi ndav a plèsh a kiki var, man ta zhè kumba, a ta pi ndav a ndohi plèsh, man ta zhè a vata, aman ta pa ndav a Zhiklè ɓai, a ta jhèɗè te ri nengaʼa azɓai.

Esaie 36:9

Ka woy a ka dzama ntabaw ɓèl bi ngaya, ko staɗgenè ɗè? Ka gshè va a Egypte a géɗ kiki var a ndohi plèsh nengaʼa ɗè?

Jérémie 46:21

Ko ndohi mizlinè suli a sam nengaʼa, ta ara zlèhi ngraʼa. Tengaʼa ba ta hi ta, ta zlècèhi azɓai, a géɗ man pats matakwan kalkaɗa a géɗ tengaʼa ma, pats kita ta.

Ezéchiel 1:24

Aman ta dè, kelpasl tengaʼa a hèzlèwè, ara iyam mbiaʼa, ara daʼai Bi Zhiklè man a gèɗè, ara nhèzlèwè ndohi var. Aman ta zlatsa tʼhai, ta pizla kelpasl ta;

Ezéchiel 10:5

Nhèzlèwè kelpasl chérubimhai a tsenkaɗi a gala tʼuda, ara daʼai Zhiklè man wuɗi na zhè, man a gèdè.

Apocalypse 9:9

limbèt ara züdo a ndav, kuɗ kelpaslihi ta ara kuɗ mota plèshi var, man ta hi a sam var.

Juges 7:21

A ta zlatsahi a samaʼa, a ta tèuda sam man ta ɓiceda va a pa, a ndohi Madian ta slambaɗa a ta hu ta toɗoɗom-toɗoɗomaʼa, a ta tsu lalau, a ta hu ta.

I Samuel 14:15

Zlau a ngs ta ndohi var mɓicaʼa tèlèba, a ndohi mɓer dal var ba, a nʼngélè mpaʼa ta gi zlau. Herkeda a gudzai, a zlau Zhiklè a ndza ta.

I Samuel 26:6

David a nhüno a ngaɗa na Achimélec, ndo Heth, a Abishai, kra Tseruja, kramam Joab: Nwoya a ndzadzarkayè, a nga dè a sam man nda Saul ta ɓiceda va a pa, wa? Abishai a ngaɗa: Ngo do a ka.