II Rois 6:1 - Ma Zhiklè

¹ Pats ngiɗè, golahi ndohi nhadka ma ta gada na Elisée: Sam man nga nzi a pa a haha, a slra nga ɓai.

II Rois 6:1 ပူးပေါင်းရင်းမြစ်များ

I Rois 20:35

A ndo ngiɗè te va ndohi nhadka ma a ngaɗa na mandal na, ara man Ndo nzi pèc pècèk a ngaɗa na: Tsyè dakwa! Aman ngiɗè a woya a ntsia ɓai.

II Rois 2:15

Golahi ndohi nhadka ma te Jé-richo, man ta zlatsa te wud woyam, ta rkaʼa ta goɗ a va ta: Mèzhèɓ Elie a zhè a géɗ Elisée. A ta shkè, aman ta zli gèɗ a vna, a ta gurɓahai a sam na.

II Rois 2:3

Golahi ndohi nhadka ma te Béthel ta shkè a sam Elisée, a ta gada na: A patsna Ndo nzi pèc pècèk a da cèma ka babgi ngaya, ka sun dè? A nengaʼa a ngaɗa ta: I ba i suna. Va-nze kinè tètè genè!

II Rois 2:5

Golahi ndohi nhadka ma te Jéricho ta shkè a sam Elisée a ta gada na: A patsna Ndo nzi pèc pècèk a da cèma ka babgi ngaya, ka sun dè? A nengaʼa a gada: I ba i suna: Va-nze kinè tètè genè!

II Rois 2:7

Golahi ndohi nhadka ma 50 to do a verzi tengaʼa, a ta zlatsa zuraʼa a ma tengaʼa, dra kètè. Elie a Elisée to do a ma woyam Jourdain.

II Rois 4:1

Ngwoz gol ndohi nhadka ma ngiɗè a ntsu ri a sam Elisée, a ngaɗa: Baki ga, hel ngaya, mʼmets na. Ka ha ka suna, ɓèl ngaya a nslubordo Zhiklè. Ndo man dua nengaʼa a zhè te ri na, a mshke, a woy aman a helamay wudahi ga cèw, a ga ta a ɓèlèlihai.

II Rois 4:38

Elisée a mʼmen na a deɓa a kokwar Guilgal, te va man mi a gi a kokwar. Aman golahi ndohi nhadka ma ta nza a sam na, a ngaɗa na ndo mizlinè nengaʼa: Ngeda shiɗèf mbiaʼa a vogwa, a ka ta ta skwi a golahi ndohi nhadka ma!

II Rois 6:2

Ngo-dokoya a ma woyam Jourdain, staɗ staɗ tèlèba a ngel wof, a nga gi gi nga a pa. A nengaʼa a ngaɗa: Vo-do!

Job 36:16

Mwèl va ngaya a zlakede ka, a géɗ man matakwan a mwinèha ka ma ɓai, skwa a mpa ka zlau a va ɓai, zluèɗ mwuzhè a wurom.

Hébreux 11:34

ta mbatsa wuɗi vogwa, ta mbel ta te ri kafahi gwèsh, ta ngots wuɗai, man nshèlèkuraʼa wuɗi ta azɓai, ta ngots wuɗai a sam var, ta gu aman ndohi var mayamhai ta mindè va ta a deɓa.

Josué 17:14

Ndohi Joseph ta shkè a sam Josué, aman ta gaɗa na: Ka va nga sam man ji-mèr a kala na a gèɗ, staɗgenè, èhèmè? Nga ndohi kumba. Ndo nzi pèc pècèk a mpshè nga ma ha patsna.

Josué 19:47

Kuma herkeda ndohi Dan a ndikè a wud kokwar ta, te man ndohi Dan to do a ta gu var a ndohi Léshem. Ta dumaʼa, ta bazl ta a tsakwal, ta ndeda kokwar a ma, ta nza te pa, a ta baha na Dan, ara nzlembaɗ Dan, bab ta.

I Samuel 19:20

A Saul a nzlinde ta golahi nengaʼa, aman ta cko David. Aman ta rka mɓicè ndohi nhadka ma man ta hodko ma, a Samuel a ma tengaʼa, Mèzhèɓ Zhiklè a mshkè a gèɗ golahi Saul, a tengaʼa ba ta hodko ma.