II Rois 5:7 - Ma Zhiklè

⁷ Aman bi Israel a njongo ɗèlèwèr ma, a nkuratseda maslaka nengaʼa aussa, a ngaɗa: I Zhiklè dè, man a i gu keɗa ndo, a i va na nshèffè a ndo — aman a i suɗa na hutsoɗ auda a va ndo haha? Va-rkaʼa, ndo haha a woy ma ga!

II Rois 5:7 ပူးပေါင်းရင်းမြစ်များ

Genèse 30:2

A Jacob a ngu ndav a géɗ Rachel, a ngaɗa na: Aman Bi Zhiklè a mva ka kra ɓai, iyè i Zhiklè ɗè?

Genèse 37:29

Aman Ruben a mshkè a deɓa a sam vèvèɗ iyam, a nʼngatsa Joseph te pa bai. A nkuratseda maslaka nengaʼa aussa a va.

Genèse 50:19

A Joseph a ngaɗa ta: Kin gu zlau ɓai! I Zhiklè ɗè?

II Samuel 1:11

David a ngso maslaka a va na, a nkuratsedaussa, a ndohi a sam nengaʼa tèlèba ta gu arsa.

I Rois 20:7

A bi Israel a mbaha ta ndohi nhalaʼa te kokwar tèlèba, a ngaɗa: Va-rka, ndo haha a hér skwi man ambaɓai! Aman a zlündo ndo a sam ga, a ndzhoɗo ngwozi a wudahi ga, a verzhègenè a guro ga, i gada na i gada i via azɓi ɓai.

II Rois 11:14

A mrka bai a sam man a nzlatsa a pa, a tsagi sak gai, ara man ta gia te kokwar ta, a bihi sojè a golahi bai a tsagi na. A ndohi tèlèba ta wuffè a ta tsu tolom. A Athalie a nkuratseda maslaka nengaʼa aussa, a ntsu lalau: Ta gay ri a gèɗ, ta gay ri a gèɗ!

II Rois 18:37

Te deɓaʼa Eliakim, kra Hilkija, ndo mɓer gèɗ bai, a Shebna, ndo mwindè ɗèlèwèr, a Joac, kra Asaph, ndo mɓer ɗèlèwèr, ta shkè a sam Ezéchias, a maslaka nkuratsaʼa a va, a ta menda na ma man Rabshaké a goɗa.

II Rois 5:6

A mva na ɗèlèwèr a bi Israel, a nengaʼa a njongo: Aman ka ngots dèlèwèr haha, suna, i zlinde Naaman, ndo mizlinè ga, a sam ngaya, aman a ka suɗa na hutsoɗ auda a va.

Jérémie 36:24

Ta ga zlau ɓai, ta kuratsa maslaka tengaʼa ɓai, bai a golahi nengaʼa tèlèba man ta tsena ma haha.

Daniel 2:11

Skwi man bi a jhèɗèʼa, bav a pa, ndo ngiɗè a slaha a ngreda na bi azɓai, sèi zhiklèhai; aman tengaʼa ta az a sam ndohi tʼherkeda ɓai.

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Nombres 14:6

Josuè, kra Nun, a Caleb, kra Jephunné, te va ndohi man ta zeɓkoɗi kokwar, ta kuratseda maslaka ta aussa.

Matthew 26:65

A bi ndohi mvi skwi a Zhiklè a nkuratsa maslaka nengaʼa, a ngaɗa: A derde Zhiklè! Kos nga woy ma malwuɗi ngiɗè za dè? Antanta kin tsenaʼa ara man a derɗi Zhiklè.

Luke 11:54

A ta pa na di a ma, ta woy a ta pinè a géɗèʼa.

Actes 14:14

Aman Barnabas a Paul, ndohi sak, ta tsenaʼa, ta kuratseda maslaka tengaʼa aussa, a ta hu te ndev ndohai, a ta goɗ a wuɗai:

Deutéronome 32:29

Aman agassa maya ta zhè, ar ta tsena skwi haha, a ta sun skwi man ta ngècè te deɓaʼa.

Deutéronome 32:39

Va-suna, iyè nengaʼa man i zhè, Zhiklè ngiɗè az a tsagi ga ɓai. Iyè man i kéd ndo, iyè man i vi nshèffè a ndo; i tsau, a i tilèʼa; ndo man a mbèlè auda te ri ga azɓai.

I Samuel 2:6

Ndo nzi pèc pècèk a cè nshèffè, a vi nshèffè, a kédè ndo a vèvèɗ, a ckoɗauda te vèvèɗ.