II Rois 2:7 - Ma Zhiklè

⁷ Golahi ndohi nhadka ma 50 to do a verzi tengaʼa, a ta zlatsa zuraʼa a ma tengaʼa, dra kètè. Elie a Elisée to do a ma woyam Jourdain.

II Rois 2:7 ပူးပေါင်းရင်းမြစ်များ

I Rois 18:13

Ta ngra ka ɓi dè, skwi man i gau, aman Jézabel a mbazl ta ndohi nhadka ma Ndo nzi pèc pècèk, a i ngheda te va ndohi nhadka ma nengaʼa 100, 50 te slrats za ngiɗè, 50 te slrats za ngiɗè, a i va ta movar a iyam te pa?

I Rois 18:4

Aman Jézabel a mbazl ta ndohi nhadka ma Ndo nzi pèc pècèk, Abdias a mhul ndohi nhadka ma 100, a nʼnghede ta, 50 te slrats za ngiɗè, 50 te slrats za ngiɗè, a mva ta movar a iyam.

I Rois 20:35

A ndo ngiɗè te va ndohi nhadka ma a ngaɗa na mandal na, ara man Ndo nzi pèc pècèk a ngaɗa na: Tsyè dakwa! Aman ngiɗè a woya a ntsia ɓai.

II Rois 2:15

Golahi ndohi nhadka ma te Jé-richo, man ta zlatsa te wud woyam, ta rkaʼa ta goɗ a va ta: Mèzhèɓ Elie a zhè a géɗ Elisée. A ta shkè, aman ta zli gèɗ a vna, a ta gurɓahai a sam na.

II Rois 2:16

Ta gada na: Na haha te va ɓèlèlihi ngaya ngul ndohi 50 ta zhè. Va ta civèɗ, a ta da woyko babgi ngaya. Nsun wa, gar Ndo nzi pèc pècèk a mco, a nkalda a géɗ za ngiɗè, gar a nkulgodok ngiɗè. Aman nengaʼa a ngaɗa: Kin do ɓai!

II Rois 2:17

A ta jèjèrèʼa genè, a ta gada na genè, a nengaʼa a ngaɗa: Vo-do! A ta zlinde ta ndohi 50 man ta woyo, mʼmèn makar, aman ta ngatsa ɓai.

II Rois 4:1

Ngwoz gol ndohi nhadka ma ngiɗè a ntsu ri a sam Elisée, a ngaɗa: Baki ga, hel ngaya, mʼmets na. Ka ha ka suna, ɓèl ngaya a nslubordo Zhiklè. Ndo man dua nengaʼa a zhè te ri na, a mshke, a woy aman a helamay wudahi ga cèw, a ga ta a ɓèlèlihai.

II Rois 5:22

A nengaʼa a ngaɗa: Amba tèlè genè! Bi ga a nzlindekayè, a i menda ka: Na haha, golahi nhadka ma Zhiklè cèw ta shkè a sam ga te za Ephraim. Vay Suli gozhèm 50.000 man i da ta, a dawar cèw.

II Rois 6:1

Pats ngiɗè, golahi ndohi nhadka ma ta gada na Elisée: Sam man nga nzi a pa a haha, a slra nga ɓai.

II Rois 9:1

Elisée, ndo nhadka ma a mbaha na gol ndohi nhadka ma staɗ, a ngaɗa na: Dzawa va ngaya, co gatsak mbar haha, a ko do Ramoth te Galaad.

Amos 7:14

Amos a mʼmbeɗa na a ma Amatsia: I ndo nhadka ma ka ɓai, i gol ndo nhadka ma ka ɓai. I ndo mɓer skwai, i pèr kslor.

I Samuel 10:5

Te deɓaʼa ka da ndikè a sam Guibéa Zhiklè, a sam gi slaslam bi ndohi Philistie. Aman a pa ka de a kokwar, kin da zli gèɗ a ndohi nhadka ma mɓicaʼa, man ta shkèhai te za. Ta tsi ganzavar, ta tsi ganga, ta vèdè shingelèk, a ta tsi tèzlèzlèu a ma tengaʼa, a ta hodko ma.