II Rois 13:3 - Ma Zhiklè

³ A ndza na a ndav Ndo nzi pèc pècèk kumba a géɗ ndohi Israel, a mpe ta a ri a Hazael, bi Syrie, a ri a Ben-Hadad, kra Hazael, pèc pècèk.

II Rois 13:3 ပူးပေါင်းရင်းမြစ်များ

I Rois 19:17

A da gi ar haha: Ndo man a da mbel ha te ri tsakwal Hazaél, Jéhu a da keɗaʼa; a ndo man a da mbel na te ri tsakwal Jéhu, Elisée a da keɗaʼa.

II Rois 12:17

Hazael, bi Syrie, a ndo a ngu var a Gath, a ndumaʼa. Te deɓaʼa Hazael a woya a ndè a ngi var a Jérusalem.

II Rois 13:22

Hazael, bi Syrie, a nga ta matakwan a ndohi Israel, a pats nshèffè Joachaz tèlèba.

II Rois 17:20

A Ndo nzi pèc pècèk a nkwol ta ndohi Israel, a mʼmanda ta gèɗ a hai, a mpe ta a ri metsarhai, ha a ndzam ta auda a sam di nengaʼa dra.

Jérémie 49:27

I da fi vogwa a zlazlar Damas, a nʼndeda gi bi te Ben-Hadad a ma.

Lèv. 26:17

I ngwoda kinè gèɗ a va, a mayamhi kinè ta da dum kinè. Ndohi shèwa ta gi bi a gèɗ kinè, a kin hi kinè, ko ndo nha a verzi kinè ɓai.

Amos 4:10

I pra kinè gidiɓèr a va, ara man i gu te kokwar Egypte, i bazl ta golahi kinè a tsakwal, a ta helda plèsh kinè a ma. A sam man kin ɓiceda pa, skwi man a zhkèha kinè dukedukeʼa. Ko ar haha kin menkada deɓa a sam ga ɓai, Ndo nzi pèc pècèk a gaɗa.

Deutéronome 28:25

Ndo nzi pèc pècèk a gi a ndohi mayamhi ngaya ta gi ngul ngaya. Kin dè a sam ta, te civèɗ staɗ, kin da hi auda a sam ta a kin venda gèɗ tèlèba, a kokwar-bihi herkeda tèlèba ta gi hori a géɗ ngaya.

Hébreux 12:29

Aman Zhiklè nga, vogwa man a ndi skwi tèlèba.

Juges 2:14

A ndza na a ndav a Ndo nzi pèc pècèk a vata a géɗ ndohi Israel, a mpe ta a ri a ndohi metsarhai, a ta helama ta skwi a metsar, a mpre ta ma a ri a mayamhi a tsagi tengaʼa, a ta slaha ta njèl va a sam mayamhi ta ɓai.

Juges 3:8

A Ndo nzi pèc pècèk a ngu ndav kumba a géɗ ndohi Israel, a mpre ta ma a ri Kushan-Risheathaim, bi Mésopotamie. A ndohi Israel ta gu ɓèlè a sam Kushan-Risheathaim, mvi 8.