II Rois 10:6 - Ma Zhiklè

⁶ A Jéhu a nzlinda ta ɗèlèwer macecè-waʼa a ngaɗa ta: Aman kin fi gèɗ a ma ga, angoslèm a sam aranta, va-ngulkoɗi gèɗ ndohi nte gi bi kinè, a kin hulkoɗa sam ga a kokwar Jizreel. Wudahi bai, ta 70, ta a sam mbibihiaʼa te kokwar, man ta gra a sam ta.

II Rois 10:6 ပူးပေါင်းရင်းမြစ်များ

II Rois 10:5

Ndo mɓer gèɗ bai, a ndo mɓer kokwar, a ndohi nhalaʼa a ndohi man wudahi bai ta gra a sam ta, ta zlinde ndo a sam Jéhu, a ta gada: Nga ɓèlèlihi ngaya, nga woy a nga gi skwi tèlèba ara man ka da ngra nga. Nga vi ndo a bi azɓai. Gau ara man ka woyaʼa!

II Rois 10:7

Aman ta ngots ɗèlèwèr, ta ngelama ta gèɗ a tengaʼa 70, a ta peda gèdhi a gadagar, a ta zuɓda a kokwar Jizreel.

II Rois 10:9

A prèk, Jéhu a mshkè auda, a nzlatsa a sam ndohi tèlèba, a ngaɗa ta: Mali kinè ka ɓai! Iyè i hüno mvhè ma a géɗ bi ga, a i keɗaʼa. Aman ndohi haha, mbozlko wa?

II Rois 9:32

A nengaʼa a nceda gèɗ a zhiklè, a mpu di a pa, a ngaɗa: Ndo ndayè a va a iyè wa? A ndohi mizlinè bi ngiɗè cèw, man makar, ta ngelda di auda a nvakavar zaʼa.

Job 21:19

Bi Zhiklè da kalda ndo nengaʼa a matakwan ɓai, da ga na kita a gèɗ, a shinèʼa,

Nombres 25:4

Te deɓaʼa Ndo nzi pèc pècèk a ngaɗa na Moise: Parka ta bihi ndohi tèlèba, a ka dizl ta a wof a sam Ndo nzi pèc pècèk, a pats. Aman Ndo nzi pèc pècèk a manda ndav worwora sa a hai a géɗ Israel.

Matthew 12:30

Ndo man nga a vna ka ɓai, nengaʼa mayam ga. Ndo man nga ɓicè skwi a vna ka ɓai, a ksarda skwi aussa.

Luke 9:50

A Yèsu a ngaɗa na: Kin gedassa skwi nengaʼa ɓai! Ndo man ndo mayam kinè ka ɓai, nengaʼa mandal kinè.

Deutéronome 5:9

ka gurɓa a sam tengaʼa ɓai, ka tsu ri a tengaʼa ɓai, aman iyè Ndo nzi pèc pècèk, Zhiklè ngaya, i Zhiklè i srak, man, a gi kita a sam wudahai a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.