II Rois 10:5 - Ma Zhiklè

⁵ Ndo mɓer gèɗ bai, a ndo mɓer kokwar, a ndohi nhalaʼa a ndohi man wudahi bai ta gra a sam ta, ta zlinde ndo a sam Jéhu, a ta gada: Nga ɓèlèlihi ngaya, nga woy a nga gi skwi tèlèba ara man ka da ngra nga. Nga vi ndo a bi azɓai. Gau ara man ka woyaʼa!

II Rois 10:5 ပူးပေါင်းရင်းမြစ်များ

I Rois 20:32

A ta peda maslaka sam kuɗa a va, a ta paɗda hubat a gèɗ, a ta shke a sam bi Israel, a ta gada: Ben-Hadad, ɓèl ngaya, a gada: Kam, kam, ka jèkay nshèffè! A nengaʼa a ngaɗa: Na zhè a nshèffè di dè? Nengaʼa kramam ga!

I Rois 20:4

Bi Israel a mʼmbeɗa na a ma, a ngaɗa: Bai, bi ga, ara man ka goɗa. Nga a nda skwi ga man i ngotso tèlèba, a ngaya.

II Rois 10:6

A Jéhu a nzlinda ta ɗèlèwer macecè-waʼa a ngaɗa ta: Aman kin fi gèɗ a ma ga, angoslèm a sam aranta, va-ngulkoɗi gèɗ ndohi nte gi bi kinè, a kin hulkoɗa sam ga a kokwar Jizreel. Wudahi bai, ta 70, ta a sam mbibihiaʼa te kokwar, man ta gra a sam ta.

II Rois 18:14

Ezéchias, bi Juda, a nzlündo ndo a sam bi Assyrie, a kokwar Lakis, a ngaɗa: I gu malai! Mende ndohi var ngaya a deɓa, jèkeda! Man ka woya mpil gèɗ mèmè, i pa ka. A bi Assyrie a ndzhoɗo te ri Ezéchias, bi Juda, verzhè-genè te di 300.000 a guro te di gozhèm gozhèm 1.800.

Jérémie 27:17

Kin fu zlembaɗ ɓai! Va-gu ɓèl bi Babylone, a kin nzi a nshèffè: kokwar haha da gedas na èhèmè?

Nombres 11:12

Ndohi ga dè, iyè a nye ta tèlè dè, aman ka gadayè: Pe ta a ndav ngaya, ara ngwoz man a fi kra na a ndav, a kin do kinè a kokwar man ka mbada ta a hai a babhi tengaʼa!

Jean 12:26

Ndo man a woya a ntakahayè, sèi a dzadzar-kayè. A sam man iyè a pa, ndo ntakahayè ba a pa. Ndo man a takahayè, Bab ga a slébèrdèʼa.

Josué 9:11

Gar haha ndohi nga nhalaʼa a ndohi te kokwar nga tèlèba ta gaɗa nga: Va-peda skwi a gozhèm, vo-do a civèɗ, a kin da zli gèɗ a nda ta. Kin da gaɗa ta: Nga ɓèlèlihi kinè, ngo-durzlokoy ma a nda kinè.

Josué 9:8

A ta gaɗa na Josué: Nga ɓèlèlihi ngaya. Josué a ngaɗa: kinè wa, kin shkè tema?