Hébreux 9:27 - Ma Zhiklè

²⁷ Ara man ndohi sèi ta bèzl ta pats ngiɗè staɗ ndèzl, te deɓ mʼmetsi ta, kita a zhè,

Mofa New Testament

²⁷ Ara man ndohi sèi ta bèzl ta pats ngiƋè staƋ ndèzl, te deɓ m'metsi ta, kita a zhè,

Hébreux 9:27 ပူးပေါင်းရင်းမြစ်များ

Genèse 3:19

Ka ngècè movar ngaya a vazaza a va, ha pats man ka men ngaya a deɓa a va mberfcnèk, man i ce ka te pa. Ka mberfenèk, a ka min ngaya a deɓa a va mberfenèk.

II Samuel 14:14

Nga da metsi nga tèlèba; nga lèmèlèmè ara iyam man ta bada a herkeda, a ta slaha ta cèkèlè te deɓaʼa asaɓai. Aman ndo man ta kwolaʼa, Zhiklè a woya a ngedassa nshèffè nengaʼa azɓai, a woya aman a nza dra ɓai.

Job 14:5

Aman ka pu kuma nshèffè nengaʼa, ka ngra ki nshèffè na, ka hur nʼndikè maʼa, aman a nzi a ma ma azɓai,

Job 19:25

Iyè i suna, ndo nʼnzakay a deɓa a zhè a nshèffè, nengaʼa ndi-kè-ma ndo a géɗ herkeda.

Job 30:23

I suna, ka diyè a sam mʼmetsai, a sam man ndohi tèlèba ta da ɓicè va a pa.

Psaumes 89:48

Ndo nzi pèc pècèk, huro: Nshèffè mè? Ndohi herkeda tèlèba man ka ge ta, ta skwi ambalai.

Ecclésiaste 12:14

A vaʼa: kra ga, sundo maya te skwi haha! Ko mwindè a ɗèlèwèr kumba, a ndiv azɓi genè, nslebi ɗèlèwèr kumba, a ngeza ka va.

Ecclésiaste 12:7

a ngi zlau a géɗ skwi man a zhè te géɗèʼa, skwi mpra ka zlau a va a zhè a civèɗ; a wof a wurzhè; a dzari amba nhi ɓai, nfersi a jèn ɓai,

Ecclésiaste 3:2

Man tiɗè sam nyi kra ma, ta yiaʼa; man tiɗè sam mʼmetsi ma, ta metsai. Man tiɗè sam ngi skwi ma, ta ngiaʼa; man tiɗè sam pce skwi ma, ta pceʼa.

Ecclésiaste 3:20

Tèlèba ta ndikè a sam staɗ: ta shkè te va mberfenèk, tèlè ta da minè a deɓa a va mberfenèk.

Ecclésiaste 9:10

Mizlinè tèlèba man ka ngotso, gu dè te di wuɗi ngaya. A sam mʼmetsai, man ka da dè a pa, mizlinè azɓai, nhér skwi azɓai. Ta sun skwa ɓai, maya ngiɗè azɓai.

Ecclésiaste 9:5

Ndohi man ta zhè a nshèffè ta suna, sèi ta da metsi ta ndèzl; aman ndohi mʼmetsaʼa ta sun skwa ɓai. Skwi ntul ta asaɓai, ndo a hér ta asaɓai.

Luke 20:32

Te deɓ tengaʼa tèlèba, ngwoz ba a mʼmets na.

Actes 17:31

A vava, pats ngiɗè man a woyaʼa, a da gi kita ndohi herkeda tèlèba zuraʼa. Ndo staɗ man a fedahai a ngiaʼa. Aman a slambaɗdekoɗauda te ndev ndohi mʼmetsaʼa, a ngreda nga, a da gi arsa a vava.

Romans 2:5

Aman ka sassaya ndav ngaya, a ka ngwèdè ndav ngaya azɓai, ka hèy ndzoan a géɗ ngaya, ha pats ndzoan, aman kita nzuraʼa man a Zhiklè a da gudko va a dai,

Romans 5:12

Gar haha ara man a géɗ ndo staɗ malai a mshkè a herkeda, a mʼmetsai a mshkè a géɗ malai, mʼmetsai a zlèzlèmè a géɗ ndohi tèlèba, a géɗ man ta tèlèba ta gu malai.

1 Corinthians 4:5

Gar haha kin bazla na mali a gèɗ a ndo ngiɗè tsam tsam ɓai, sèi Bai Yèsu a shkè, nengaʼa a di a cko skwi tèlè auda a sam nhélaʼa, ko skwi man nʼnghedaʼa te ruva, a ngrédè skwi man ndohi ta hérè te ndav ta, auda. Te deɓaʼa Bi Zhiklè a slébèrdè ndo staɗ staɗ, ara man a ngècè a géɗ skwi man a gau.

2 Corinthians 5:10

Aman nga tèlèba, sèi nga da zlècè a sam nʼnzi kita Kristi, a sam man ndo staɗ staɗ a ngè-cèʼa, gar amba, gar ambaɓai, ara man a gu a pats nshèffè na tʼherkeda.

2 Timothy 4:1

Gar haha i bid ka, a vata ba, a sam di Zhiklè a Yèsu Kristi, man a di a shkè, a gi kita ndohi a nshèffè a ndohi mʼmetsaʼa, aman nda gudko va te kokwar-Bi nengaʼa:

Hébreux 10:27

Sèi nga zhèr skwi man mwuɗitpa holholaʼa, kita, a vogwa man a ndi skwi tèlèba, a mayamhi tèlèba.

Hébreux 6:2

ma baptême, ma nfi ri a gèɗ, ma nslambaɗdekaɗ ndohi mʼmetsaʼa auda, a ma kita mbiaʼa a mèdèp.

1 John 4:17

Mwoy-ndo nʼngaʼa njèlèlèʼa a sam nga, aman nga da wuffè a pats kita, te man tʼherkeda haha nshèffè nga lèmèlèmè ara nshèffè Yèsu.

Jude 1:15

aman a gi kita a géɗ ndohi tèlèba, a ngra ta mali a ndohi tèlèba man ta woy civèɗ Zhiklè ɓai, a ngra ta ndérɗè ma tèlèba man ndohi malihai, man ta woy civèɗ Zhiklè ɓai, ta durɗo Zhiklè a vna.

Apocalypse 20:11

A i rka sam nʼnzi bi mbiaʼa nslekaɗa, a ndo man nʼnza a pa: A sam di nengaʼa, herkeda a giɗfèk to do ta, a ta ngatsa sam nʼnzi tengaʼa te deɓaʼa asaɓai.