Hébreux 9:26 - Ma Zhiklè

²⁶ Man ar haha, ar a nsu matakwan te nhinkaɗ herkeda pats ngiɗè pats ngiɗè kumba. Aman antanta, man patshi herkeda ta woy a ta ndiv ta, a ngudko va a di sak staɗ, a mvau nshèffè a ri na a skwi mpil gèɗ mali nga.

Mofa New Testament

²⁶ Man ar haha, ar a nsu matakwan te nhinkaƋ herkeda pats ngiƋè pats ngiƋè kumba. Aman antanta, man patshi herkeda ta woy a ta ndiv ta, a ngudko va a di sak staƋ, a mvau nshèffè a ri na a skwi mpil gèƋ mali nga.

Hébreux 9:26 ပူးပေါင်းရင်းမြစ်များ

II Samuel 12:13

David a ngaɗa na Nathan: I gau malai a sam Ndo nzi pèc pècèk. Nathan a mʼmbeɗa na a ma David: Gar haha Ndo nzi pèc pècèk a mpra ka malai. Ka metsi azɓai.

II Samuel 24:10

Te deɓ nengaʼa, mèzhèɓ ndav a nʼngra na David: i gau ambaɓai, a géɗ man i nger ta ndohai. A ngaɗa na Ndo nzi pèc pècèk: I gau malai te skwi man i gau. Anai, Ndo nzi pèc pècèk, pray malai. I gau ara ndo nrzlaʼa.

Job 7:21

Ka pray mali ga azɓai èhèmè? Ka fa na kwa a géɗ mali ga azɓi èhèmè? Man i ma, i dè vèvèɗ; aman ka da woy iyè, ka da ngatsyè asaɓai.

Psaumes 103:12

Ara man nvangkaɗ pats na dra a sam nkèl pats, lèmèlèmè a helda mali nga dra.

Esaie 2:2

A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Daniel 10:14

A i shkè, aman i da ngra ka skwi man a da gi a ndohi ngaya, a pats ngiɗè man a ma. Skwi haha ba a goɗ a gèɗ ndikè-ma skwai.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Michée 4:1

Aman a pats nʼndikè-ma skwai, za man gi Zhiklè a nza a géɗèʼa, a nzi taraʼa, ngür nengaʼa a fena zahi ngiɗè, a ndohi herkeda kumba ta hi a pa.

Matthew 13:39

Ndo mayam man a wushe dau zizlè, nasa bi-madzagai. Pats man nsla, nengaʼa pats man herkeda a ndev na. Ndohi ntsi dau, tengaʼa golahi Zhiklè.

Matthew 13:40

Lèmèlèmè ara man ta ɓicè dau zizlè a ta wusheda a vogwa, lèmèlèmè a da gi a pats man herkeda a da ndev na.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 17:24

Bab ga, i woya aman tengaʼa man ka pokoyè, ta zhè a sam ga, a ta rka nʼnjèl ga man ka vokoyè, a géɗ man ka woy iyè a ndav ngaya, aman herkeda nʼnga di ɓai.

1 Corinthians 10:11

Skwi haha a gau a sam tengaʼa a ndi a skwi malwuɗai. A ta Windo a géɗ nga, aman nga gi maya. Ndikèma herkeda a zhè ndul ndul.

Galates 4:1

Aman i gaɗa: Aman ndo nʼndi gai ngra di ɓai, ko a gi bai a géɗ skwi tèlèba, a fena ɓèlè di azɓai.

Ephésiens 1:10

A da rufaʼa, aman a mɓica tèlèba te Kristi, ko skwi te zhiklè te géɗèʼa, ko skwi a géɗ herkeda.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 1:2

Antanta, man tiɗè sama ma, a ngaɗa nga ma te kra nengaʼa. Zhiklè a ngu nengaʼa a ndo ngècè skwi Zhiklè tèlèba. Te nengaʼa ba a ngu herkeda.

Hébreux 10:10

Te skwi man a woyaʼa haha, ndav nga nkezla sak staɗ te deɓaʼa klèng, te Yèsu Kristi, man a vau va na.

Hébreux 10:12

Aman ndo haha, man a va na skwi staɗgenè a Zhiklè a géɗ malihai, te deɓaʼa klèng, antanta a nza tʼhai te ri mandi Zhiklè a mèdèp,

Hébreux 10:26

Aman nga gi mali a wuɗai, te deɓaʼa man nga sun ma nzuraʼa ma, nga slaha nga zli skwi a géɗ malihi asaɓai.

Hébreux 10:4

Aman Pombaz ɓok wai a marihi a slaha a ncè malihi azɓai.

Hébreux 4:3

Aman nga, man nga co a ndav, nga dè a pa a sam nshèk va, ara man Zhiklè a gaɗa: I gu ndav, a i mbaɗa, aman ta dè a sam nshèk va ga azɓai. Ko mizlinè nengaʼa nʼnga ma daga nhinkaɗ herkeda.

Hébreux 7:27

Nengaʼa ara bihi ndohi mvi skwi a Zhiklè ngiɗè ka ɓai; nengaʼa a zli skwi a Zhiklè a nciɗ sam a nciɗ sam a géɗ malihi na nshèlèkuraʼa azɓai, ga ta giaʼa a géɗ mali ndohi ngiɗè. Skwi haha a ngau sak staɗ, man a vau nshèffè na a ri na, te deɓaʼa klèng.

Hébreux 9:12

A mbeza a pa a sam nkezlaʼa sak staɗ, te deɓaʼa klèng; a Pombaz ɓok a wud zlè ka ɓai, aman a Pombaz va nengaʼa, a nʼngatsa nga skwi mʼmbel nga a mèdèp.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

1 Peter 1:20

Zhiklè a nʼngatseda nengaʼa a hai, ga herkeda a gai, nengaʼa man a ngud-koɗauda tok-tok haha a géɗ kinè.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 Peter 4:7

Ndikè-ma skwi tèlèba a herdeka nga va ma. Gar haha, va-nza a nshèffè a maya, a ntsi rai.

1 John 3:5

Km suna, Yèsu a shkè, aman a cè mali auda; mali a te nengaʼa ɓai.

1 John 3:8

Ndo man a gi malai, nengaʼa ndo bi madzagai, aman bi madzagai ndo mali te nhinkaɗ na. Kra Zhiklè a shkè, aman a ngedassa mizlinè bi madzagai.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 17:8

Skwi dak man ka rkaʼa, a zhè a matsa, ani asaɓai, a da skè auda zaʼa te vèvèɗ mpèltemtemaʼa, a da hi na a sam ngedassaʼa, a ndohi a géɗ herkeda ta da rzl ta, ndohi man nzlembaɗ ta mwindèa te ɗèlèwèr nshèffè ɓai, daga nhinkaɗ herkeda, aman ta rka skwi dak ara man a nza, antanta asaɓai, a da zhè zaʼa.