Hébreux 9:22 - Ma Zhiklè

²² Aman te ma kita, njèkè kèshkata a ngi skwi tèlèba, Pombaz a pènèʼa. Aman pombaz mbadahi ɓai, mprè mali azɓai.

Mofa New Testament

²² Aman te ma kita, njèkè kèshkata a ngi skwi tèlèba, pombaz a pènè'a. Aman pombaz mbaƋahi ɓai, mprè mali azɓai.

Hébreux 9:22 ပူးပေါင်းရင်းမြစ်များ

Ezéchiel 43:18

Bi Zhiklè a ngaɗayè: Ka ndo, Bi Zhiklè a goɗ ar haha: Na haha ma nkwèr sam mvi skwi a Zhiklè, a pats man a da gau, a ta da feda skwi man ta ndara na Zhiklè a pa, a ta gucèɗa pombaz a pa.

Lèv. 14:14

Te deɓaʼa ndo mvi skwi a Zhiklè da co Pombaz skwi man a zlau a géɗ skwi mpil gèɗ haha, da faɗda a bkwi zlembaɗ ndo man a woya a til va na, te civèɗ ri mandai, a babgi ri te civèɗ ri mandai, a babgi sak te civèɗ ri mandai.

Lèv. 14:25

Te deɓaʼa da zloho kra tambak a géɗ skwi mpil gèɗ, a ndo mvi skwi a Zhiklè da co Pombaz skwi mpil gèɗ haha, da faɗda a bkwi zlembaɗ te civèɗ ri mandi nengaʼa man a til va na, a babgi ri mandi nengaʼa, a babgi sak te civèɗ ri mandi nengaʼa.

Lèv. 14:6

Ɗiak man a zhè a nshèffè, da co a va wof ɗawai, a maslaka vèvèzh, a hysope, da geda tèlèba a Pombaz ɗiak man ta keɗa a géɗ iyam nlèlè,

Lèv. 17:11

Aman nshèffè skwi a zhè te pombaz, a i va kinè a gèɗ sam mvi skwi a Zhiklè, a gi a skwi mpil gèɗ kinè. Pombaz a gi a skwi mpil gèɗ, a géɗ nshèffè man te pa.

Lèv. 4:20

Da gu a mari haha lèmèlèmè ara man a giaʼa a mari ngiɗè man ta via a géɗ malai, da gu arsa. A ndo mvi skwi a Zhiklè a ngatsa ta skwi mpil gèɗ, a mali tengaʼa mpra.

Lèv. 4:26

Mbeza nengaʼa tèlèba da fa na vogwa a sam mvi skwi a Zhiklè, lèmèlèmè ara mbeza skwi man ta via te pombai. Aranta ndo mvi skwi a Zhiklè a ngatsa na skwi mpil gèɗ, a géɗ mali na, a mali nengaʼa mpraʼa.

Lèv. 4:35

Mbeza tèlèba sèi ta zlia auda, ara man ta gu a sam skwi man ta zlu te pombai. A ndo mvi skwi a Zhiklè da fa na vogwa a sam mvi skwi a Zhiklè, a deɓ skwi man ta va na Ndo nzi pèc pècèk te vogwa. Aranta ndo mvi skwi a Zhiklè a ngatsa na skwi mpil gèɗ a géɗ mali man a gau, a mali nengaʼa mpraʼa.

Lèv. 5:10

Ngidè da ndara na Zhiklè, ara man Zhiklè a jhèdèʼa. Aranta ndo mvi skwi a Zhiklè a ngatsa na skwi mpil gèɗ a géɗ mali man a gau, a mali nengaʼa mpraʼa.

Lèv. 5:11

Aman a slaha a ngècè ngudokwarhi cèw bai, a slaha a ngècè nkuɗhomhi cèw man ta gra tok-tok bai, da vau gufa agoda cèw a géɗ mali na man a gau. Nasa skwi man a va na Zhiklè a géɗ malai. Mbar a burdi a te dia ɓai. Nasa skwi man a via a géɗ malai.

Lèv. 5:12

Da hulkoɗa a sam ndo mvi skwi a Zhiklè, a ndo mvi skwi a Zhiklè da hul zlukri staɗ a mva na Zhiklè, a nfa na vogwa a sam mvi skwi a Zhiklè, a va skwi man a va na Ndo nzi pèc pècèk te vogwa. Nasa skwi man a via a géɗ malai.

Lèv. 5:18

Da cko drok te va rèwè, nsuɗekeɗekaʼa, a kin livè te di skwi man kin va na Zhiklè a skwi mpil gèɗ, a ndo mvi skwi a Zhiklè da ngatsa na skwi mpil gèɗ mali man a nga na a rai, a mali nengaʼa mpra.

Lèv. 6:7

Nta ma nkwèrè a géɗ movar man kin va na Zhiklè: Wudahi Aaron sèi ta hulkoɗi a sam Ndo nzi pèc pècèk, a sam mvi skwi a Zhiklè.