Hébreux 9:14 - Ma Zhiklè

¹⁴ holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

Mofa New Testament

¹⁴ holhola'a pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè m'metsa'a, man kala a deɓa ma, a nga gi mizlinè Zhiklè man a zhè a nshèffè.

Hébreux 9:14 ပူးပေါင်းရင်းမြစ်များ

II Samuel 4:11

Holholaʼa aman ndohi shèwa to do a ta keɗe ndo nzuraʼa te gi na, a sam mʼmènè na — i da jhèdè nshèffè nengaʼa te ri kinè, a i gedas kinè aussa tʼherkeda.

II Rois 19:16

Fu zlembaɗ a ka tsenaʼa! Ndo nzi pèc pècèk, pu dai a ka rkaʼa! Tsun ma man Sanchérib a nzlündo haha, a ndurɗo Zhiklè man a zhè a nshèffè a vna.

Job 15:16

holholaʼa ndo man ambaɓai, ngedassaʼa, man a gi malai, ara iyam man a si a hwaɗ.

Psaumes 51:2

a pats man Nathan, ndo nhadka ma, a mshkè a sam na, te deɓaʼa man a gu mphömè a Bath-Shéba.

Exode 12:5

Skwi slavslav kata, man mvi stadgenè, ko kra tambak, ko kra ɓok.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 53:9

Ta gu gi dzavi nengaʼa te ndev ndohi malai, ta rda a va ndohi mèshèlè, ko nengaʼa a nʼnga skwi ambaɓia ɓai, a ntsakala ma ɓai.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Ezéchiel 45:18

Bi Zhiklè a goɗ ar haha: Ki nshèlèku-raʼa, a pats nshèlèkuraʼa, co kra marai nsuɗekɗekaʼa, a ka zliaʼa a géɗ malai sam nkezlaʼa.

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Lèv. 22:20

Kin va na mohtsomba skwi bai, man bai Zhiklè a wuffè a gédèʼa azbai.

Nombres 28:11

A mvèng kia, a pats nshèlèkuraʼa, va-ndara na skwi a Ndo nzi pèc pècèk: matsaraɗ zlèhi cèw, drok staɗ, wud tambaki 7, mvi staɗ, nsuɗekɗekaʼa.

Nombres 28:3

Ka gaɗa ta a vaʼa: Na haha skwi man kin va na Ndo nzi pèc pècèk te vogwa: wud tambaki cèw, mvi staɗ, nsuɗekɗekaʼa, a pèc pècèk; skwi haha kin ndarayè a pèc pècèk a mèdèp.

Nombres 28:9

A pats nshèk va, wud tambakihi cèw, mvi staɗ, nsuɗekɗekaʼa, a gufa dau agoda cèw, mbsoma a mbar, a movar a skwi nsi a vaʼa.

Matthew 12:28

Aman i jèr madzagihi auda a Mèzhèɓ Zhiklè, nasa kokwar-Bi-Zhiklè nshkè a sam kinè ma.

Matthew 16:16

Simon Pierre a mʼmbeɗa na a ma: Ka Kristi, kra Zhiklè, Zhiklè man a zhè a nshèffè.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 7:11

Ani haha kinè ndohi ambaɓihiaʼa, a kin sun mvi skwi man amba a wudahi kinè. Bab kinè te zhiklè a fenaʼa, aman a va ta skwi man amba a tengaʼa man ta jhèɗè azɓi ɗè?

Luke 1:74

Aman te deɓaʼa, aman nga mbel nga te ri ndohi mayamhi nga ma, a gi aman nga gi mizline nengaʼa a zlau ka ɓai,

Luke 12:24

Va-rka ɗiakihai, ta zleki azɓai, ta ɓicè skwi azɓai, ta ngatsa gi a wov ɓai, a Zhiklè a mva ta skwi nʼndi gene. A kin fen ta ɗiakihi a vata ba!

Luke 12:28

Aman Zhiklè a va na va a kuza arsa, nengaʼa man a patsna a zhè, angoslèm ta wusheda vogwa, a sam kinè a gi arsa holholaʼa azɓi dè? Kinè ndohi man kin ca a ndav kumba ɓai!

Luke 4:18

Mèzhèɓ Bai a géɗ ga; nengaʼa a faɗayè mbar a gèɗ, man i njè ta ma mbelaʼa a ndohi ntawassaʼa. A nzlindekayè (man i bid ta ndohi man ndav ta a kuɗai,) a i njè ta ndohi dangai, ta pra ma,

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Actes 1:2

man a hün mizlinè na, ha pats man Zhiklè a nceda a zhiklè. Ga a dè na zhiklè, a mva ta ma nengaʼa te Mèzhèɓ Zhiklè nkezlaʼa a ri a ndohi sak, man Zhiklè a mpar ta.

Actes 10:38

kin suna, ara man Zhiklè a va na wuɗai a Yèsu ndo Nazareth haha, te Mèzhèɓ Zhiklè nkezlaʼa. A nengaʼa a nsawala, a ngu man amba, a mʼmbel ta ndohi tèlèba man bi madzagi a ga ta, te man Bi Zhiklè a zhè a nda nengaʼa.

Actes 14:15

Kinè ndohai, kin gi mè? Nga ba, nga ndohi lèmèlèmè ara kinè, a nga njè kinè ma mbelaʼa, aman kin ngwèdè ndav, a kin menkada deɓa te mʼmbèh skwi ambalai a sam Zhiklè a nshèffè, nengaʼa man a gu giɗfèk a herkeda, a iyam mbiaʼa a skwi tèlèba te pa.

Actes 15:9

a pèr ndo mpèrè ka ɓai, a mpana ndav tengaʼa man ta co a ndav lèmèlèmè ara man a nga.

Romans 1:20

Skwi Zhiklè, man ndo a slaha a nrka a di ɓai, ara wuɗi nengaʼa a mèdèp, ara ngi nengaʼa, ndo a shinè daga ngakaɗ herkeda, te skwi man Zhiklè a ngau. Gar haha Bi Zhiklè a jèke ta azɓai.

Romans 1:4

nengaʼa kra Zhiklè man Mè-zhèɓ Zhiklè nkezlaʼa a mva na wuɗai, a nslambaɗkaɗ na te ndev ndohi mʼmetsaʼa).

Romans 11:12

Aman a géɗ man ta kalahai, ndohi herkeda ta ngots skwi mèshèlè; a skwi man a gedas ta a ngu a skwi mèshèlè ndohi nte deɓa, holholaʼa arsa, aman ta da co a ndav tèlèba.

Romans 11:24

Aman ta ngel ka te wof tʼhèshèkèɗ, man te nhinkaɗ na skwi hèshèkèɗ, a ta kal ka a wof nte gi lak, holholʼa ri wofhi géɗagèɗ, ta da kal ta a wof nte gi lak tengaʼa zaʼa.

Romans 6:13

Kin pa na nfèfèn va kinè a malai a ngi skwi ambaɓiaʼa a vna ɓai! Aman va-vau va kinè a Bi Zhiklè a ri kinè, ara ndohi mʼmetsaʼa, man antanta ta zhè a nshèffè. Va-pa na nfèfèn va kinè a Zhiklè a ngi skwi nzuraʼa a vna.

Romans 6:22

Aman antanta, kin pra te mali ma, a kin gi ɓèlèlihi Zhiklè, skwi ntul kinè, nshèffè nkezlaʼa. Nʼndikèma nengaʼa, nshèffè a mèdèp.

1 Corinthians 15:45

Ara man ta Windo: Adam, ndo nshèlè-kuraʼa a gu a ndo, a nshèffè te ndav. A Adam man a deɓa a gu a Mèzhèɓ, man a vi nshèffè.

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

Galates 2:19

Aman ma kita Zhiklè a gu aman i metsi ga a sam ma kita Zhiklè ma, aman i nzi a nshèffè a Zhiklè: i gezlala a nda Kristi.

Ephésiens 2:5

– nga ba ndohi mʼmetsaʼa a géɗ, malai — a mva nga nshèffè ba a nda Kristi (a pombai kin mbel kinè),

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Deutéronome 15:21

Man va nengaʼa ambaɓai, a tèfè, di azɓai, man skwi ngiɗè a zhè, ka da zla na Ndo nzi pèc pècèk, Zhiklè ngaya, ɓai.

Deutéronome 17:1

Zlè a tambak man skwa a dza ta, man va ambaɓai, ka da zla na Ndo nzi pèc pècèk, Zhiklè ngaya, ɓai! Skwi haha a ndara na Ndo nzi pèc pècèk, Zhiklè ngaya.

Deutéronome 31:27

Aman i sun ndav ngaya man a huɓètè, i suna ara man ka salay va a gèɗ. Aman kin slambaɗa na va a Ndo nzi pèc pècèk, te va man i zhè a nshèffè dai, te ndev kinè, holholaʼa man i da mets ga ma!

Deutéronome 33:27

Zhiklè man a zhè a mèdèp, sam nlèaʼa; a ri man ta nzi a mèdèp tʼhwaɗaʼa. A dzama ndo mayam auda a ma ngaya, a ngaɗa: Ngedassa!

Deutéronome 5:26

Ndo wa, man a ntsena daʼai Zhiklè man a gaɗka te va vogwa, lèmèlèmè ara nga, a za nzi a nshèffè genè?

1 Thessalonians 1:9

Ko wawa ngreda a géɗ nga a ri na, ara man nga ngots civèɗ a sam kinè, ara man kin menkaɗa deɓa a sam Zhiklè, te ri vrihai, a kin gi mizlinè Zhiklè nzuraʼa, man a zhè a nshèffè,

1 Timothy 1:17

A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staɗgenè, nslébèrdè a nʼnjèlè pèc pècèk a mèdèp! Amen!

1 Timothy 3:15

Te deɓaʼa ko i nzi dai, ka suna, ara man ka gi mizlinè te gi Zhiklè, nengaʼa mpi ndohi Zhiklè, a Zhiklè man a zhè a nshèffè; nengaʼa sak gai, verzi kwa ma nzuraʼa.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 1:3

Nengaʼa a ngreda nʼnjèl Zhiklè auda; nengaʼa mèzhèɓ va na, a gshè skwi tèlèba a ma wuɗi nengaʼa; te deɓaʼa man a mpana ta ndohi te mali ta ma, a nʼnza hai te ri mandi Bi mbiaʼa te géɗèʼa.

Hébreux 10:10

Te skwi man a woyaʼa haha, ndav nga nkezla sak staɗ te deɓaʼa klèng, te Yèsu Kristi, man a vau va na.

Hébreux 10:12

Aman ndo haha, man a va na skwi staɗgenè a Zhiklè a géɗ malihai, te deɓaʼa klèng, antanta a nza tʼhai te ri mandi Zhiklè a mèdèp,

Hébreux 10:2

Aman a matsa a slaha, ar mizlinè mvi skwi a Zhiklè klèng. A ndohi man ta gu mizlinè Zhiklè, aman ndav ta mpana sak staɗ, te deɓaʼa klèng, ar ta hér malihi te deɓaʼa asaɓai.

Hébreux 10:22

Gar haha ngo-herdokoy va a ndav nzuraʼa, a ncè-a-ndav tèlèba, mèzhèɓ ndav nga man ambaɓai ngucaʼa, a va mpanaʼa a iyam nkéɗècèʼa.

Hébreux 11:21

A géɗ ncè-a-ndav nengaʼa, Jacob a mpshè ta ma wudahi Joseph cèw, ga a metsi na, a ntsu ri a Zhiklè, a ntho gèɗ a gada.

Hébreux 13:12

Gar haha Yèsu ba, aman a nkezle ta ndohi nengaʼa a pombaz va nengaʼa, a mʼmets na a dal kokwar.

Hébreux 3:12

Va-gu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffe.

Hébreux 6:1

Gar haha nga woya a nga jèkeda ngèdè a géɗ ma nhin Kristi. Aman ngo-dokoy a ma ma a nga ndi a ndohi Zhiklè nshfaʼa. Nga woy a nga minè gèɗèʼa asaɓai, a gèɗ ma ncè Zhiklè a ndav, ngwèdè ndav a mizlinè ambalai man a da na ma a mʼmetsai, man kala a deɓa ma,

Hébreux 7:16

Aman a gu a ndo mvi skwi a Zhiklè a géɗ ndo, a ma kita Zhiklè ka ɓai, aman a géɗ wuɗi nshèffè man a ndivè azɓai a mèdèp.

Hébreux 7:27

Nengaʼa ara bihi ndohi mvi skwi a Zhiklè ngiɗè ka ɓai; nengaʼa a zli skwi a Zhiklè a nciɗ sam a nciɗ sam a géɗ malihi na nshèlèkuraʼa azɓai, ga ta giaʼa a géɗ mali ndohi ngiɗè. Skwi haha a ngau sak staɗ, man a vau nshèffè na a ri na, te deɓaʼa klèng.

Hébreux 9:12

A mbeza a pa a sam nkezlaʼa sak staɗ, te deɓaʼa klèng; a Pombaz ɓok a wud zlè ka ɓai, aman a Pombaz va nengaʼa, a nʼngatsa nga skwi mʼmbel nga a mèdèp.

Hébreux 9:26

Man ar haha, ar a nsu matakwan te nhinkaɗ herkeda pats ngiɗè pats ngiɗè kumba. Aman antanta, man patshi herkeda ta woy a ta ndiv ta, a ngudko va a di sak staɗ, a mvau nshèffè a ri na a skwi mpil gèɗ mali nga.

Hébreux 9:7

Aman a gi te civèɗ ndzeɓa ngiɗè, sèi bi ndohi mvi skwi a Zhiklè a mdo a pa, a mvi a mvai sak staɗgenè. A dè azɓai, man Pombaz a te ri na ɓai, Pombaz skwi man a zlau a géɗ va nengaʼa, a géɗ ndohi ba, a géɗ mali man ta senaha ɓai.

Hébreux 9:9

Nengaʼa tèlèba skwi nlèmdè a patshi haha genè. Skwi man a viaʼa, a skwi man a zlia aranta, a slaha a ntil mèzhèɓ ndav ndo man a gi mizlinè Zhiklè, jèlèlè ɓai.

1 Peter 1:19

aman pombaz Kristi nzalaʼa, nara kra tambak man mohtsomb skwi ka ɓai.

1 Peter 2:22

Nengaʼa a nʼnga mali ɓai, a ntsakala ma ɓai.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 Peter 4:2

Te deɓaʼa, man a zhè tʼherkeda dai, a jèjèr ntétékè va na azɓai, aman a nzi a nshèffè, a gi skwi man Zhiklè a woyaʼa.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 3:5

Km suna, Yèsu a shkè, aman a cè mali auda; mali a te nengaʼa ɓai.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.