i woy a i pshè ka ma, a i gi ndohi verzi ngaya kumba, ara bantihai a giɗfek, ara wyak te woyam, a ndohi verzi ngaya ta da kwèr ntamagi kokwar ndohi mayamhi ngaya.
Hur bèlèlihi ngaya, Abraham, Isaac a Israel, aman ka mbada ta a ma ngaya, a ka gada ta, i woya man i ga kinè tser a vata, a kin mènè a vata, ara bantihai te gidfèk, a kokwar haha tèlèba, man i gada i da va kinè, i woy a i va ta ndohi verzi kinè a mèdèp.
Na haha, i va kinè kokwaraʼa, vo-do, va-duma kokwar man Ndo nzi pèc pècèk a mpasla ta ri a babhi kinè a mbèdè, a gaɗa i da va ta a Abraham, Isaac, a Jacob, a ndohi te verzi ta.
Ndo man a ga kinè skwi ambaɓiaʼa, kin menda na a deɓa a skwi ambaɓia ɓai. Ndzoan ba, kin menda a deɓa a ndzoan ɓai; aman va-pshè ta ma katak. Zhiklè a baha kinè a pa, aman kin ngècè mpshè ma.