Hébreux 6:1 - Ma Zhiklè

¹ Gar haha nga woya a nga jèkeda ngèdè a géɗ ma nhin Kristi. Aman ngo-dokoy a ma ma a nga ndi a ndohi Zhiklè nshfaʼa. Nga woy a nga minè gèɗèʼa asaɓai, a gèɗ ma ncè Zhiklè a ndav, ngwèdè ndav a mizlinè ambalai man a da na ma a mʼmetsai, man kala a deɓa ma,

Mofa New Testament

¹ Gar haha nga woya a nga jèkeda ngèƋè a géƌ ma nhin Kristi. Aman ngodokoy a ma ma a nga ndi a ndohi Zhiklè nshfa'a. Nga woy a nga minè gèƌè'a asaɓai, a gèƌ ma ncè Zhiklè a ndav, ngwèdè ndav a mizlinè ambalai man a da na ma a m'metsai, man kala a deɓa ma,

Hébreux 6:1 ပူးပေါင်းရင်းမြစ်များ

Proverbes 4:18

Civèɗ ndohi nzuraʼa, nara skwi nhél sam man a hél sam a ma ma, ha géɗ pats.

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Matthew 21:29

A nengaʼa a mʼmbeɗa na a ma: Bai, i dè! Aman nʼnda ɓai.

Matthew 21:32

Aman Jean a mshkè a sam kinè, a civèɗ ngi-zuraʼa, kin ca a ndav ɓai. Ndohi ncèkèlè skwai a ngwozi man ta gi baki a dala, ta co a ndav ta. Aman kinè, ko kin rka ta, kin kuda a gèɗ mali kinè ɓai, a kin ca a ndav azɓai.

Matthew 3:2

a ngaɗa: Va-ngwode ndav kinè, aman kokwar-Bi-Zhiklè a zhe ndul ndul.

Matthew 4:17

A pats nasa, Yèsu a nhüno man a njè ta ma Zhiklè, a ngaɗa: Va-ngwode ndav kinè, aman kokwar-Bi-Zhiklè a zhè ndul ndul!

Matthew 5:48

Gar haha sèi kin ndikè a sam jèlèlèʼa, ara Bab kinè te zhiklè, jèlèlèʼa.

Matthew 7:25

Aman iyam a shkè nchè-nchè, a iyam a hèy va hai, a kozlar a gai, a tsi gi tiv-tivaʼa, gai a mbeɗè azɓai, te man na géɗ pra.

Marc 1:1

Nhin ma mbelaʼa te Yèsu Kristi, kra Zhiklè,

Marc 6:12

A to do, a ta njè ta ma Zhiklè, aman ndohi ta ngwèdè ndav ta.

Luke 6:48

Nengaʼa lèmèlèmè ara ndo man a rèm gai, a ri vèvèɗ, a pi verzi gi nengaʼa a géɗ pra. A iyam mbiaʼa a hai, a tsi gai, a slaha man a mbeɗè azɓai, te man verzi nengaʼa nra amba.

Jean 12:44

A Yèsu a mboho, a ngaɗa: Ndo man a ciyè a ndav na, a ciyè ka ɓai, aman nengaʼa man a zlindekayè.

Jean 14:1

Kin gu zlau te ndav kinè ɓai! Vo-co Zhiklè a ndav kinè, va-ciyè a ndav kinè ba!

Jean 5:24

A vava, a vava, i gaɗa kinè: Ndo man a tsena ma ga, a nco ma nengaʼa man a zlindekayè a ndav na, a nʼngotso nshèffè a mèdèp, a ngècè kita a gèɗ na azɓai, aman a ntsoko gèɗ na auda te mʼmetsai, a nʼndo a nshèffè.

Actes 11:18

Aman ta tsenaʼa, ta nza tètè, a ta slubordo Zhiklè, a ta gaɗa: Gar haha Zhiklè a gi aman ndohi te verzi ta tsaɗ tsaɗ ta ngwèdè ndav ta, a ta ngècè nshèffè.

Actes 17:30

Zhiklè a hér pats man kin sun nengaʼa ɓai, ani asaɓai. Aman antanta a ngaɗa ta ndohi tèlèba, a sam herkeda tèlèba, aman ta ngwèdè ndav ta, a ta tsi rai.

Actes 2:38

A Pierre a ngaɗa ta: Va-ngwoda ndav kinè, va-gu baptême staɗ staɗ tèlèba a nzlembaɗ Yèsu Kristi a mpra mali kinè, a kin ngècè Mèzhèɓ Zhiklè nkezlaʼa.

Actes 20:21

a i gu malwudai a sam ndohi Juif a ndohi man Juif ka ɓai cèw ba, aman ta ngwodko ndav a sam Zhiklè, a ncè Bi Yèsu Kristi a ndav.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Actes 3:19

Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana.

1 Corinthians 13:10

Aman skwi nʼngaʼa jèlalaʼa ma, skwi nkèshèa kala a deɓa.

1 Corinthians 2:6

Ma man i gèɗèʼa, nengaʼa ba ma maya a sam ndohi njèlèlèʼa; aman maya ndohi herkeda a bihi herkeda sata man ta da ndiv ta ka ɓai.

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

2 Corinthians 7:10

Nlèyè te ndav man a shkè te ri Zhiklè, a de nga a sam mʼmbélè; aman nlèyè herkeda a de nga a sam mʼmetsai.

Ephésiens 2:1

Kinè halaʼa ndohi mʼmetsaʼa a géɗ maharam a malai.

Ephésiens 2:5

– nga ba ndohi mʼmetsaʼa a géɗ, malai — a mva nga nshèffè ba a nda Kristi (a pombai kin mbel kinè),

Ephésiens 4:12

aman a til ta ndohi Zhiklè nkezlaʼa a sam mizlinè ta. Arsa va Kristi a grè a ma ma,

Colossiens 1:28

Nga njè nengaʼa, a nga bid ta ndohi tèlèba, a nga senda ta ndohi tèlèba, a maya tèlèba, aman nga slaha nga Zlatseda ndo staɗ staɗ jèlèlèʼa te Kristi.

Colossiens 3:14

A géɗ skwi tèlèba, va-feda mwòy-ndo a va, nengaʼa a humdè kinè a njèlèlèʼa.

Colossiens 4:12

Epaphras a ga kinè mbalai, gwoli kinè, ɓèl Yèsu Kristi, man a tsi ri a géɗ kinè pèc pècèk, a vazaza a va, a géɗ man kin zlatsa jèlèlèʼa, a kin shin skwi tèlèba man Zhiklè a woyaʼa, a vava.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

1 Timothy 6:19

Arsa ta ɓicè skwi man amba a géɗ patshi man a ma, a ta gshè va a nshèffè nzuraʼa.

2 Timothy 2:19

Aman Bi Zhiklè a fu verzi man wuɗi na zhè, ma haha mwindèa a pa: Bai Yèsu a sun ndohi na, a ndo man a baha na nzlembaɗ Bai Yèsu, do do auda a sam skwi ambaɓiaʼa.

Hébreux 11:6

Aman ndo man a nca a ndav ɓai, ambaha Zhiklè ɓai. Ko wawa man a herda na va a Zhiklè, sèi do co a ndav na, Zhiklè a zhè, a va ta skwi ntul ta a tengahiaʼa man ta hèshèʼa.

Hébreux 12:13

Vo-do a civèɗ saraʼa, aman ko ndo vedal a kèlèhi azɓai, aman a mbel na.

Hébreux 7:11

Aman agassa mizlinè mvi skwi a Zhiklè te Lévi nʼngaʼa jèlèlèʼa ma – a sam nengaʼa ndohi ta ngots ma kita Zhiklè – ar ta feda ndo mvi skwi a Zhiklè ngiɗè ara Melchisédek èhèmè? Ara Aaron azɓi èhèmè?

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

Jacques 1:4

Nzhèr skwia dai a da ndivè mizlinè na, a kin ndikè a sam man kin gaʼa a ndohi nshfaʼa, ma az a géɗ kinè ɓai, a skwi man kin ngatsa ɓi ba, azɓai.

1 Peter 1:21

Te nengaʼa kin co Zhiklè a ndav, man a slambaɗda te ndev ndohi mʼmetsaʼa, a mva na nʼnjèlè, aman kin slaha a kin cè Yèsu a ndav, a kin zhèr Zhiklè te ndav.

1 Peter 5:10

Aman Zhiklè pombi tèlèba, man a baha kinè a sam nʼnjèl nengaʼa man a nzi a mèdèp te Kristi, a di a til kinè, a nzal kinè, a va kinè wuɗai, a pi verzi nshèffè kinè man a gidè va azɓai, kinè man antanta skwa a dza kinè kèshkata.

1 John 4:12

Ko ndo staɗ a nrka Bi Zhiklè ɓai. Aman nga woy ndo, ngiɗè a woy ngiɗè, Zhiklè a nzi te ndav nga, a mwoy-ndo nengaʼa nʼngaʼa jèlèlèʼa te ndav nga.