Hébreux 5:9 - Ma Zhiklè

⁹ Te deɓaʼa man nʼngaʼa jèlèlèʼa ma, nʼngaʼa a verzi skwi mbél ndohi man ta fa na gèɗ, a mèdèp,

Mofa New Testament

⁹ Te deɓa'a man n'nga'a jèlèlè'a ma, n'nga'a a verzi skwi mbél ndohi man ta fa na gèƋ, a mèdèp,

Hébreux 5:9 ပူးပေါင်းရင်းမြစ်များ

Psaumes 45:17

Te di man a bab ngaya, ka da gshè va a wudahi ngaya; ka da pe ta a bi kokwar tèlèba.

Psaumes 51:6

I gu mali a sam ngaya staɗgenè, i gau skwi man ambaha ka ɓai. Kita man ka ngélèʼa, kita nzuraʼa. Aman ka gi kita, ndo a slaha a nfa ka mali a gèɗ ɓai.

Psaumes 51:8

Ka, ka woya skwi nzuraʼa te ndav tʼhwaɗaʼa, ngray maya te ndav ga tʼhwaɗaʼa.

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 50:10

Te ndev kinè ndo man a gi zlau Ndo nzi pèc pècèk, da tsena ma ɓèl nengaʼa! Ndo man a dè te ruva, skwi nhél sam az a sam na ɓai, da pu ndav a nzlembaɗ Ndo nzi pèc pècèk, da gso va a Zhiklè na!

Esaie 55:3

Va-fu zlembaɗ, vo-washkè a sam ga, va-tsenaʼa, a kin nzi a nsheffè. I woya aman nga derzlokoy ma nga a nda kinè a mèdèp, aman i va kinè pombai man i pasla na ri a David.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Zacharie 6:15

Ndohi man ta zhè a sam ndraʼa, ta da shkè, a ta rèm gi Ndo nzi pèc pècèk. A kin da suna, Zhiklè bi mbiaʼa a nzlindkayè. Skwi haha a da gai, aman kin fi gèɗ a ma Ndo nzi pèc pècèk, Zhiklè kinè a vava.

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Luke 13:32

Vo-do, a kin gaɗa na zhüzhok ndoʼa: Na haha i jèr madzagihai, i mbél ndohi matakwan, a patsna, angoslèm dai. Te pats mamakaraʼa i da ndeva mizlinè ga ma.

Jean 19:30

Aman Yèsu a tor iyam, a ngaɗa: Nrufa ma! A nkalda gèɗ na hai, a mʼmets na.

Actes 3:15

Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha.

Actes 4:12

Skwi mʼmbel ndo te ndo ngiɗè azɓai, tʼhwaɗ giɗfèk nzlembaɗ ngiɗè azɓai, man ta vi a ndohai, aman nga mbel nga.

Actes 5:32

Nga ndohi malwuɗihi te skwi sa; nga a Mèzhèɓ Zhiklè nkezlaʼa, man Zhiklè a va ta tengaʼa man ta fi gèɗ a ma nengaʼa.

Romans 1:5

A géɗ Yèsu Kristi, Bi nga, nga ngots pombai, nga ngots mizlinè ndo sak, aman a nzlembaɗ nengaʼa ndohi herkeda tèlèba ta cè a ndav, a ta fi gèɗèʼa.

Romans 10:16

Aman tèlèba ta fa na gèɗ a ma mbelaʼa ɓai. Aman Esaie a gaɗa: Bai, a nco njè-ma nga a ndav wa?

Romans 15:18

I woy a i gèɗè ma azɓai a géɗ skwi man Kristi a gu a iyè. Aman ndohi nte deɓa ta jèjèrèʼa, te ma, te skwi man ta giaʼa,

Romans 2:8

Aman ndohi man ta Sala na va a gèɗ, man ta fa na gèɗ a ma nzuraʼa azɓai, aman ta jèjèr ma man az zura ɓai, a phomde ta, a ga ta ndzoan.

Romans 6:17

Aman nga shid gèɗa Zhiklè, kinè man ɓèlèlihi mali te va nasa, kin fu gèɗ a ndav tèlè a ma man ta njè kinè.

2 Corinthians 10:5

Nga gédèshè skwi man amba man ta huro amba man a woya a gre gèɗ na a sam nshin Zhiklè, a nga gseda nhér gèɗ ndohi tèlèba a hai a ta fi gèɗ a ma Kristi.

Philippiens 2:12

Gar haha kinè dalahimam ga, ara man kin fi gèɗ a ma ga pèc pècèk, va-gu arsa man i zhè a sam kinè genè ka ɓai, aman ko antanta ba, man iyè az a sam kinè ɓai. Va-gu a zlau a ngudzai, aman kin mbél kinè.

2 Thessalonians 1:8

te nèʼèn vogwa, a ga ta kita a ndohi man ta sun Zhiklè ɓai, a ndohi man ta fa na gèɗ a ma mbelaʼa Bi nga Yèsu ɓai.

2 Thessalonians 2:16

Aman nengaʼa, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,

2 Timothy 2:10

Gar haha i zuɓ skwi tèlè, a géɗ ndohi man Zhiklè a mpar ta, aman tengaʼa ba ta ndikè a sam mbelaʼa a nʼnjèlè man a ndivè azɓai a mèdèp, te Yèsu Kristi.

Hébreux 1:14

Tengahi tèlèba mèzhèɓhi man ta gi mizlinè Zhiklè, man a takaha ta ndohai, aman ta ngècè skwi mʼmbel ta, ara nʼndi gai.

Hébreux 11:40

Zhiklè a nhur skwi mbelaʼa holholaʼa a géɗ nga; aman nga da gi a njèlèlèʼa a nda tengaʼa.

Hébreux 11:8

A géɗ ncè-a-ndav na, Abraham a ndzodzor ma Zhiklè, aman a baha na, a ndo a sam man Zhiklè a gaɗa na do a pa, aman a da ngècèʼa a nda ndohi nʼndi gi nengaʼa. A nengaʼa a mdo, ko a sun sam man a dè a pa ɓai.

Hébreux 12:2

Ngo-pokoy di a Yèsu, ndo nhinè a ndo nrufa ncè-a-ndav; nengaʼa man a géɗ mwuffe man a zhè a ma nengaʼa, a nco wof ngézlèl na, nʼnga hori ɓai, te deɓaʼa a nʼnzahai a civèɗ ri mandi sam nʼnzi bi Zhiklè.

Hébreux 2:10

Zhiklè, a géɗ nengaʼa skwi tèlèbá a zhè, a skwi tèlèba a zhè te nengaʼa, a nʼnga Yèsu a ndo ncè ma ndohai a sam mʼmbel ndo, jèlèlèʼa te matakwan, aman a de ta wudahi kumba a sam nʼnjèlè.

Hébreux 2:3

kos nga da mbél te mè, aman nga fi gèɗ a skwi mʼmbel ndo mbiaʼa aranta azɓai. Aman Bai Yèsu a njè nga skwi mʼmbel ndo haha nshèlèkuraʼa a ri na, a ndohi man ta tsenaʼa ta da na va.

Hébreux 9:12

A mbeza a pa a sam nkezlaʼa sak staɗ, te deɓaʼa klèng; a Pombaz ɓok a wud zlè ka ɓai, aman a Pombaz va nengaʼa, a nʼngatsa nga skwi mʼmbel nga a mèdèp.

Hébreux 9:15

Ar haha nengaʼa ndo mbezda nga nderzlè-ma mɓuaʼa; aman a géɗ mʼmetsi nengaʼa, skwi mbel ndo te malai a sam nderzlè-ma mʼmovaʼa a zhè, a ndohi man Bi Zhiklè a baha ta, ta ngècè mpèsl rai a nʼndi skwi gi a mèdèp.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

1 Peter 1:22

A géɗ man ndav kinè mpana, va-fu gèɗ a ma nzuraʼa, va-woy kramam kinè te Kristi! Va-woy va kinè, ngiɗè a ngiɗè, pèc pècèk a ndav tèlè!

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

Jude 1:21

va-ɓür va kinè te mwoy-ndo Zhiklè, vo-zhoro aman Bi nga Yèsu Kristi a va kinè nshèffè a mèdèp, a géɗ man nga sia te va.