Hébreux 5:7 - Ma Zhiklè

⁷ Te va man a zhè a géɗ herkeda dai, a ntsu ri a kuɗa a dai, a ngu mbuh mbuh, a mbèhè a Zhiklè, man a slaha a mbelaʼa te mʼmetsai. A Zhiklè a ntsena ntsi ri nengaʼa, a géɗ man a mʼmanda gèɗ a hai pèc pècèk.

Mofa New Testament

⁷ Te va man a zhè a géƋ herkeda dai, a ntsu ri a kuƋa a dai, a ngu mbuh mbuh, a mbèhè a Zhiklè, man a slaha a mbela'a te m'metsai. A Zhiklè a ntsena ntsi ri nenga'a, a géƋ man a m'manda gèƋ a hai pèc pècèk.

Hébreux 5:7 ပူးပေါင်းရင်းမြစ်များ

Psaumes 22:24

Va-nzala Ndo nzi pèc pècèk, kin man kin slébèrdèʼa a zlau. Tser Jacob tèlèba do slubordo nengaʼa, tser Israel da gu huyokokoʼa a sam na.

Psaumes 69:1

Man a David.

Psaumes 88:1

Dimèsh. Psaume ndohi Koré. Dimèsh Héman, ndo Ezrach.

Esaie 49:8

Ndo nzi pèc pècèk a goɗ ar haha: A pats man amba, i co ntsi ri ngaya. A pats mbelè, i takaha ka. I fe ka, a i ge ka a ndo nderzlè ma ndohai, man i takaha kokwar zaʼa, a i kezla ta nʼndi gai man nksaraʼa a ndohi zaʼa.

Esaie 53:11

A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Esaie 53:3

A ndara ta ndohai, a ndohi ta jèkeda, ndo man va a dza na, a sun matakwan, ara ndo man nga pizle di nga a pa. A ndara nga holholaʼa, a nga rkaʼa ara ndo ambalai.

Lèv. 2:2

Da hulkoɗi a sam wudahi Aaron, ndohi mvi skwi a Zhiklè. Ndo mvi skwi a Zhiklè da hul gufa, zlukri staɗ, a mbar, a burdi, tèlèba, da fa na vogwa a skwi man a va na Zhiklè, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

Matthew 27:46

A Yèsu a mboho a wuɗai, a ngaɗa: Eli, Eli, lama sabachthani? Ara man a gaɗa: Zhiklè ga, Zhiklè ga, ka jèkyè èhèmè?

Matthew 27:50

A Yèsu a mboho a wuɗi zaʼa, a mva na Mèzhèɓ na a ri a Zhiklè.

Marc 15:34

Eloi, Eloi, lama sabachthani? ara ngèɗè:

Marc 15:37

Aman Yèsu a mboho a wuɗai a vata, a mʼmets na.

Luke 23:46

A Yèsu a mboho a wuɗai: Bab ga, i vi mèzhèɓ ga a ri ngaya! Aman a ngoɗ arsa, a mʼmets na.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 11:35

A Yèsu a nkuɗau, kuda a dai.

Jean 11:42

Aman i suna, ka cè ma ga pèc pècèk. Aman a gèɗ ndohi man ta zlatsa haha, i gèɗè ma ar haha; aman ta cè a ndav ta, ka, ka nzlindekayè.

Jean 17:1

Aman Yèsu a nʼndeva ma haha, a mpu di a zhiklè, a ngaɗa: Bab ga, tiɗè sama ma! Nzala kra ngaya, aman kra ngaya ba da nzal ka!

Romans 8:3

Skwi man ma kita Zhiklè a slaha a ngia ɓai, te man wuɗi na azɓai a géɗ ndo, Zhiklè a ngau, aman a zlindkoɗi kra nengaʼa a géɗ malai, a nʼngaʼa lèmèlèmè ara ndo. Zhiklè a phomde mali te ndo;

Galates 4:4

Aman tiɗè sama ma, Zhiklè a nzlündo kra nengaʼa, man ngwoz a myau, a mfeda a hwaɗ ma kita,

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Hébreux 10:10

Te skwi man a woyaʼa haha, ndav nga nkezla sak staɗ te deɓaʼa klèng, te Yèsu Kristi, man a vau va na.

Hébreux 10:5

Gar haha aman Kristi a shkè a herkeda, a ngaɗa: Zhiklè, mvi a nzli skwai ambaha ka ɓai. Aman ka tilay va ma.

Hébreux 11:7

A géɗ ncè-a-ndav na, Noé a ngu zlau Zhiklè, a ngu wurom, man a mbela gi nengaʼa, aman a ntsena ma Zhiklè, a géɗ skwi man nʼnga di ɓai. Ncè-a-ndav nengaʼa a nfa na mali a gèɗ a herkeda; aman nengaʼa a ngots ngi-zuraʼa, man nga ngè-cèʼa, a géɗ man nga co Zhiklè a ndav nga.

Hébreux 12:28

Gar haha, aman nga ngècè kokwar-bi man a gidè va azɓai, ngo-shüdokoy gèɗ, ngo-gokoy mizlinè Zhiklè, ara man ambaha, a nslébèrdèʼa a zlau.

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Hébreux 2:14

Ara man wudahi ta ngots gada va a Pombaz ara ndohai, nengaʼa ba lèmèlèmè. Aman te mʼmetsi nengaʼa a nguzlo wuɗi te ri bi madzagai, man a ngots wuɗi mʼmetsai.

1 John 4:3

a mèzhèɓ staɗ staɗ tèlèba man a ngrédè Yèsu azɓai, a shkè te Bi Zhiklè ka ɓai. Nengaʼa mèzhèɓ mayam Kristi. Te nengaʼa kin tsena labar maʼa, ara man a di a shkè, antanta a zhè tʼherkeda ma.

2 John 1:7

Ndohi mpi ndohi a wi kumba ta zlèzlèmè tʼherkeda, a ta ngrédè azɓai, Yèsu Kristi a mshkè, nʼnga ara ndo. Nasa ndo mpi ndo a wai, a mayam Kristi.