Hébreux 3:6 - Ma Zhiklè

⁶ Aman Kristi nlèɓèslèʼa, nengaʼa kra gi nengaʼa. Nga, gi nengaʼa, aman nga gshè va a nʼnjèl skwi man nga zhèrè te ndav, a nga fi gèɗ a vna, ha ndikèmaʼa.

Mofa New Testament

⁶ Aman Kristi nlèɓèslè'a, nenga'a kra gi nenga'a. Nga, gi nenga'a, aman nga gshè va a n'njèl skwi man nga zhère te ndav, a nga fi gèƋ a vna, ba ndikèma'a.

Hébreux 3:6 ပူးပေါင်းရင်းမြစ်များ

Psaumes 2:12

a nengaʼa a da gi ndav azɓai; a civèɗ kinè a zede kinè azɓai. Aman ndav nengaʼa a slèmbèɗè tsam-tsam. Mwuffe a sam ndohi tèlèba man ta pi ndav ta a nengaʼa.

Ezéchiel 46:10

Kra bai da shkè a gai a nda tengaʼa, a dè auda, man ta dè auda.

Matthew 10:22

Tèlèba ta da gi shèwa a kinè, a géɗ nzlembaɗ ga. Aman nengaʼa man a dè a ma ma a slagama, ha skwi a ndev na, a mbel na.

Matthew 16:18

Aman iyè ba, i gaɗa ka: Ka Pierre: a géɗ pra haha i woya man a i til mpi ndohi Zhiklè ga. Mʼmetsai a da slaha ta azɓai.

Matthew 24:13

Aman ndo man a dè a ma ma a slagama, ha skwa a nʼndev na, a mbél na.

Romans 11:22

Gar haha sèi ka pi di a pombi Zhiklè, man a skwi wali ka ɓai a sam tengaʼa man ta kalahai. Aman pombi Zhiklè a sam ngaya, sèi ka nzi te pombi nengaʼa. Man ɓai, ta da ngel ka lèmèlèmè.

Romans 12:12

Va-wuffa te nzhèrè te ndav, vo-zhor skwi a dai te matakwan, va-tsu rai, kin ndeva ɓai!

Romans 15:13

Aman Bi Zhiklè nzhèrè te ndav, da ndha ndav kinè a mwuffè tèlèba, a gumai te ncè-a-ndav, aman kin ngots nzhèrè te ndav tèlèba a wuɗi Mèzhèɓ nkezlaʼa.

Romans 5:2

Te Yèsu, a ncè-a-ndav, nga ngots civèɗ pombi haha. Nga-wuffokoya, a nga zhèr nʼnjèl Zhiklè te ndav, man a di a shkè, man Zhiklè a da va nga.

1 Corinthians 3:16

Kin sun ɓi ɗè? Va kinè, gi Zhiklè, a Mèzhèɓ Zhiklè a zhè te ndav kinè.

1 Corinthians 6:19

Kin sun bi dè, va kinè gi Mèzhèb Zhiklè nkezlaʼa, man a zhè te ndav kinè, a kin ngots te ri Zhiklè; kinè, skwi kinè ka bai.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

Galates 6:10

Gar haha aman nga slaha dai, ngo-gokoy skwi man amba a sam ndohi tèlèba, holholaʼa a sam gwoli nga te ncè-a-ndav.

Galates 6:9

Ngo-gokoy skwi man amba, a nga ngézhè azɓai. Aman nga jèkeda ɓai, a pats nasa a di nga da ɓicè skwai.

Ephésiens 3:12

Te nengaʼa nga ngots civèɗ te ncè-a-ndav, aman nga herda na va a Zhiklè, a nga fi gèɗ a vna a zlau ka ɓai.

Colossiens 1:23

Aman sèi kin nzi taraʼa te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbelaʼa te ndav azɓai, man kin tsenaʼa, a ta njèʼa a géɗ herkeda tèlèba. Iyè Paul, i gaʼa a ndo mizlinè nengaʼa.

1 Thessalonians 5:16

Va-wuffa pèc pècèk,

2 Thessalonians 2:16

Aman nengaʼa, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,

1 Timothy 3:15

Te deɓaʼa ko i nzi dai, ka suna, ara man ka gi mizlinè te gi Zhiklè, nengaʼa mpi ndohi Zhiklè, a Zhiklè man a zhè a nshèffè; nengaʼa sak gai, verzi kwa ma nzuraʼa.

Hébreux 1:2

Antanta, man tiɗè sama ma, a ngaɗa nga ma te kra nengaʼa. Zhiklè a ngu nengaʼa a ndo ngècè skwi Zhiklè tèlèba. Te nengaʼa ba a ngu herkeda.

Hébreux 10:19

Gar haha, dalahimam ga, te pombaz Yèsu, nga ngots civèɗ, aman nga dè a sam nkezlaʼa,

Hébreux 10:21

a nga ngots ndo mvi skwi a Zhiklè mbiaʼa a géɗ ndohi Zhiklè.

Hébreux 10:23

Ngo-nzokoy taraʼa te nʼngrédè skwi man nga zhèrè te ndav; aman nengaʼa man a mpasla nga rai, nengaʼa nlèɓèslèa.

Hébreux 10:35

Gar haha kin kwola nfi gèɗ a ncè-a-ndav ɓai! Skwi ntul nengaʼa mbiaʼa.

Hébreux 11:1

Aman ncè-a-ndav, nengaʼa man nga suna, nga ngècè skwi man nga zhèrè te ndav, skwi man nga rka a di ɓai, aman nga sun te ndav nga, na zhè a vava.

Hébreux 3:14

Aman nga gaʼa a ndohi man nga humda a nda Kristi, aman sèi man ndav nga a pa pèc pècèk taraʼa, te nhinkaɗ skwai, a ndè a ma ma ha nʼndikèma skwai.

Hébreux 4:11

Gar haha ngo-gokoy maya, aman nga dè a sam nshèk va haha, aman ndo da kalahi ɓai, a géɗ man a nca a ndav ɓai ara tengaʼa.

Hébreux 4:14

Aman nga ngots bi ndohi mvi skwi a Zhiklè aranta, Yèsu, kra Bi Zhiklè, man a beza a ndev zhiklè te géɗèʼa, ngo-gsokoy va a ma Zhiklè nga!

Hébreux 4:16

Gar haha ngo-hurdokoy va a sam nʼnzi bi na, man pombi a ngècè a pa, a nga fi gèɗ a vna, a nga da ngècè nsi ndo te va a pombai a pats man a woy skwi ntakaha nga a zhè.

Hébreux 6:11

Aman nga woya aman staɗ staɗ te ndev kinè a dè a ma ma a ngi gazawa, ara man a gshè va a skwi man a zhèrè te ndav, ha ndikèmaʼa.

Hébreux 6:18

Aman a skwi cèw man ta ngwèdè azɓai—aman Zhiklè a slaha a ncèkèlma azɓai—nga ngots skwi mbid nga nzuraʼa, nga man nga gshè va a nzhèrè te ndav man a zhè a ma nga.

Hébreux 7:19

Ma kita a slaha a ntil skwi jèlèlèʼa azɓai; a ta cko skwi man nga zhèrè te ndav, amba holholaʼa, te nengaʼa nga herda na va a Zhiklè.

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

1 Peter 4:17

Tiɗè sama ma, aman kita Zhiklè a hinè a sam ndohi gi nengaʼa. Aman a hüno a sam nga, ndohi Zhiklè, aranta, a da gi a sam ndohi man ta co ma mbelaʼa Zhiklè a ndav ta ɓai, kè?

Apocalypse 2:18

Winda na tsuvom mpi ndohi Zhiklè te kokwar Thyatire: Kra Zhiklè man di nengaʼa a vècè ara nèʼèn vogwa, a sak nengaʼa a si di ara züdo guro, a goɗ ar haha:

Apocalypse 2:25

Aman skwi man kin ngotso, va-ɓüro, ha i shkè.

Apocalypse 2:26

A ndo man nʼngaʼa a ngulaʼa, a ɓir mizlinè ga, ha ndikèma na, i woy a i va na wuɗi-bai a géɗ ndohi herkeda.

Apocalypse 3:11

Na haha, i shkè ndul ndul; ɓür skwi man ka ngotso, ndo ngiɗè da cèma ka mpèɗè gèɗ ngaya ɓai!