Hébreux 3:1 - Ma Zhiklè

¹ Gar haha, kramamhi ga a civèɗ Zhiklè, man Zhiklè a baha kinè ba, va-pu di a Yèsu, nengaʼa ndo sak, a bi ndohi mvi skwi a Zhiklè.

Mofa New Testament

¹ Garhaha, kramamhi ga a civèƋ Zhiklè, man Zhiklè a baba kinè ba, vapu di a Yèsu, nenga'a ndo sak, a bi ndohi mvi skwi a Zhiklè.

Hébreux 3:1 ပူးပေါင်းရင်းမြစ်များ

Psaumes 110:4

Ndo nzi pèc pècèk a mʼmbaɗa, nengaʼa a ngwèdè ma na azɓai. Ka ndo mvi skwi a Zhiklè a mèdèp, lèmèlèmè ara Melchisédek.

Esaie 1:3

Marai a sun ndo mʼmono, a kɗèh a sun gi bab na. Aman Israel a senyè ɓai; ndohi ga, maya ta azɓai.

Esaie 41:20

Tèlèba ta da rkaʼa, a ta suna, ta her gèɗ, a ta co a ndav: skwi haha a shkè te ri Ndo nzi pèc pècèk; Zhiklè Israel nkezlaʼa a ngau.

Esaie 5:12

Ta mènè a va skwi nʼndai, a ta sli dimèsh a ganzavar a tèzlèzlèu a ganga a shingelèk; aman skwi man Ndo nzi pèc pècèk a giaʼa, ta hera ɓai, ta rka skwi man ri nengaʼa a gia ɓai.

Ezéchiel 12:3

Aman ka, ndo, ɓica skwi ndè nshèwèlè a di patsaʼa, a sam di ta. Jèkeda kokwar ngaya a sam di ta, a ko do a kokwar ngiɗè! Wa ngiɗè ba ta rkaʼa: aman ta ndohi mèdègèɗ.

Ezéchiel 18:28

A di nengaʼa a mwin na a njèkeda mali na tèlèba man a gau. A da nzi a nshèffè a vava, a da metsi azɓai.

Aggée 1:5

Anai Zhiklè bi mbiaʼa a gaɗa: Va-war skwi man a ga kinè!

Aggée 2:15

Anai va-gu maya, va-hüno a patsna, a ndè a ma ma: Ga ta ɗizlè kwa, ngiɗè a géɗ ngiɗè te gi Zhiklè, kin nzu kè?

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Jean 20:21

A Yèsu a ngaɗa ta zaʼa: Gumi a nda kinè! Lèmèlèmè ara man Bab ga a nzlindekayè, i ba i zlinde kinè.

Jean 20:27

Te deɓaʼa a ngaɗa na Thomas: Cko kra-ri ngaya! Taraha rihi ga! Torko ri ngaya, a ka lama na zlazlar ga! Ambaɓai aman ka ca a ndav ɓai. Co a ndav!

Actes 1:15

A pats nasa, Pierre a nslambaɗa te ndev kramamhi na, a ngaɗa: (ndohi mɓicaʼa a gi 120).

Romans 11:17

Wof te gi lak, ta ngelaha rihiaʼa, tengaʼa ndohi Juif. Ka man Juif ka ɓai, ka ara ri wof tʼhèshèkèɗ, man ta kala na ma nte gi lak. Ka ngots ar haha skwi zluzlor tengaʼa, a iyam wof nengaʼa.

Romans 15:27

Ta gau a ndav amba, te man godèrè Jérusalem ba a zhè a géɗ tengaʼa. Aman ndohi nte deɓa ta ngots skwi ndohi Juif te Mèzhèɓ, amba aman tengaʼa ba ta takaha ta ndohi Juif a skwi man ta ngotso tʼherkeda.

Romans 15:8

Aman i gaɗa: Kristi a gu a ndo ntakaha ta ndohi Juif a géɗ ma nzuraʼa man a Zhiklè, aman a da na va a ma mpesl ri man babhi ta ta ngotso.

Romans 9:24

Nga tengaʼa man a baha nga te ndev ndohi Juif genè ka ɓai, aman te ndev ndohi nte deɓa ba.

1 Corinthians 1:2

a sam mpi ndohi Zhiklè te Corinthe, a sam ndohi man Yèsu Kristi a nkezla ndav ta, man Bi Zhiklè a mbaha ta a ndohi nkezlaʼa; a sam ndohi tèlèba, a sam tèlèba, man ta tsi ri a nzlembaɗ Bi nga Yèsu Kristi – Bi tengaʼa, Bi nga, cèw ba:

1 Corinthians 10:17

Aman movar staɗgenè, a nga kumba va staɗgenè, te man nga ndia tèièba te movar staɗgenè.

1 Corinthians 9:23

Skwi tèlèba i gia a géɗ ma mbelaʼa, aman i ngècè skwi mbelaʼa te pa.

2 Corinthians 1:7

Skwi man nga zhèrè te ndav a géɗ kinè, nga suna, a vava; nga suna, ara man kin ngots matakwan ba, kin da ngècè skwi mbid kinè ba.

2 Corinthians 9:13

Mizlinè kinè haha a gi malwuɗai, a ndohi kumba ta slébèrdè Zhiklè, aman ta rka, ara man kin fi gèɗ a ma nengaʼa, a kin njè ma mbelaʼa te Kristi. A ta shid gèɗ a nengaʼa, a géɗ man kin takaha ta te skwi man ta ngatsa ɓai,

Ephésiens 3:6

Skwi nʼngheda sa a haha: ndohi nte deɓa ba ta ngècè skwi Zhiklè a nda tengaʼa, ta humda a va staɗ, ndohi man ta mba a mpèsl ri Kristi Yèsu te ma mbelaʼa.

Ephésiens 4:1

Gar haha i fa kinè ma a gèɗ, iyè ndo dangai a géɗ Bai Yèsu: Va-nza a maya, ara man kin njèl Zhiklè man a baha kinè.

Ephésiens 4:4

ara man Zhiklè a baha kinè a sam nzhèrè te ndav kinè staɗ.

Philippiens 3:14

a i hi a sam skwi man a zhè a ma, a sam nʼndikè-ma, a sam skwi ntulè, a sam man Zhiklè a baha nga a pa te Yèsu Kristi.

Colossiens 1:12

Gar haha va shüd gèɗ a Bab nga, man a til kinè, aman kin slaha a kin ngècè skwi Zhiklè a nda ndohi Zhiklè a sam nhelaʼa.

Colossiens 1:22

Zhiklè a mʼmenda gumi a hai a nda kinè te kra nengaʼa man a vau va nengaʼa a mʼmetsai. A nda zlatsede kinè ndohi nkezlaʼa, mali az a sam kinè ɓai, ma az a gèɗ kinè ɓai a sam di na.

Colossiens 3:12

Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

1 Thessalonians 2:12

A nga fa kinè ma a gèɗ, aman sèi kin nza a kin nzala Bi Zhiklè, man a baha kinè a sam kokwar-Bi nengaʼa, a sam nʼnjèl nengaʼa.

1 Thessalonians 5:27

I fa kinè a gèɗ a sam di Bi Yèsu, aman kin va ta ɗèlèwèr haha a kramamhi tèlèba, a ta jèngèʼa.

2 Thessalonians 1:11

Gar haha nga tsi ri pèc pècèk a géɗ kinè, aman Zhiklè nga da gu aman kin dè a ma ma te skwi man a baha kinè a pa, da rufa skwi tèlèba man kin woy a kin gi amba, a mizlinè te ncè-a-ndav kinè, a wuɗi na.

2 Thessalonians 2:14

Ma nzuraʼa man Zhiklè a baha kinè a pa, a géɗ ma mbelaʼa man nga njè kinè, a kin ngècè nʼnjèl Bi nga Yèsu Kristi.

1 Timothy 6:12

Gu var man amba te ncè-a-ndav, gso va a nshèf-fè a mèdèp, man ta baha ka a pa.

1 Timothy 6:2

Ndohi man ta ngots babgihi ta man ta co a ndav, da kramam ga. Aman ɓèlèlihi sèi ta gi mizlinè holholaʼa, te man babgihi ta ta co Yèsu a ndav, a ta woya man ta gi skwi man amba. Njè ta ma haha, fa ta ma haha a gèɗ:

2 Timothy 1:9

Zhiklè, nengaʼa a mʼmbel nga, a mbaha nga, a géɗ skwi man nga gu ka ɓai, aman a géɗ man a hur te ndav na, a géɗ pombi man a va nga te Yèsu Kristi, man herkeda nʼnge di ɓai.

2 Timothy 2:7

Hur ma ga haha! Bi Zhiklè a da va ka maya te skwi tèlèba.

Hébreux 10:19

Gar haha, dalahimam ga, te pombaz Yèsu, nga ngots civèɗ, aman nga dè a sam nkezlaʼa,

Hébreux 10:21

a nga ngots ndo mvi skwi a Zhiklè mbiaʼa a géɗ ndohi Zhiklè.

Hébreux 10:23

Ngo-nzokoy taraʼa te nʼngrédè skwi man nga zhèrè te ndav; aman nengaʼa man a mpasla nga rai, nengaʼa nlèɓèslèa.

Hébreux 13:22

Aman i bid kinè, dalahimam ga, va-ɓür ma haha man i bid kinè a vna! I Windo kinè kèshkata genè.

Hébreux 2:11

Aman nengaʼa man a kezla ndav ndohai, a ndohi man nengaʼa a kezla ta ndav, ta shkè tèlè te verzi staɗ. Gar haha nengaʼa a gi hori azɓai, man a sla ta kramamhi na.

Hébreux 2:17

A géɗ nasa sèi nʼngaʼa lèmèlèmè te skwi tèlèba ara kramamhi na, nʼngaʼa a bi ndohi mvi skwi a Zhiklè a sam di Zhiklè, nlèɓèslèa, man ndo a sia te va, man a mpela gèɗ mali ndohai.

Hébreux 3:12

Va-gu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffe.

Hébreux 3:14

Aman nga gaʼa a ndohi man nga humda a nda Kristi, aman sèi man ndav nga a pa pèc pècèk taraʼa, te nhinkaɗ skwai, a ndè a ma ma ha nʼndikèma skwai.

Hébreux 6:20

man Yèsu, ndo ncè nga ma a beza a pa, man nʼngaʼa a bi ndohi mvi skwi a Zhiklè a mèdèp, ara Melchisédek.

Hébreux 7:26

A vava, sèi bi ndohi mvi skwi a Zhiklè aranta ambaha nga: ndo man a gi skwi ambaha Zhiklè, malai, a derɗa, az a sam na ɓai, va nkezla a sam ndohi malihai, a ta daʼa a géɗèʼa, a zhiklè.

Hébreux 7:28

Ndohi man ma kita Zhiklè a pe ta a bihi ndohi mvi skwi a Zhiklè, wuɗi ta azɓai. Aman ma mʼmbèɗè haha, man a shkè te deɓ ma kita Zhiklè, a mfeda kra Zhiklè a pa, man a zhè jèlèlèʼa a mèdèp.

Hébreux 9:11

Aman antanta Kristi a nshkè, bi ndohi mvi skwi a Zhiklè a géɗ skwihi mbelaʼa man ta zhè ma. A mbeza a ndav gi mbiaʼa mbelaʼa holholaʼa, man ri ndo a ngu ka ɓai, nte va skwi nʼngaʼa a géɗ herkeda haha ka ɓai.

Hébreux 9:15

Ar haha nengaʼa ndo mbezda nga nderzlè-ma mɓuaʼa; aman a géɗ mʼmetsi nengaʼa, skwi mbel ndo te malai a sam nderzlè-ma mʼmovaʼa a zhè, a ndohi man Bi Zhiklè a baha ta, ta ngècè mpèsl rai a nʼndi skwi gi a mèdèp.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

1 Peter 3:5

Gar haha ngwozihi man a civèɗ Zhiklè ta tül va ta halaʼa, ta zhor Zhiklè te ndav, a ta fi gèɗ a ma baki ta.

1 Peter 5:1

I bid ta ndohi mɓer ndohi Zhiklè te ndev kinè, iyè ndo mɓer ndohi Zhiklè a nda tengaʼa ba, ndo malwuɗi matakwan Kristi, ndo man i ngècè skwi nʼnjèlè man a da gudko va a dai.

1 Peter 5:10

Aman Zhiklè pombi tèlèba, man a baha kinè a sam nʼnjèl nengaʼa man a nzi a mèdèp te Kristi, a di a til kinè, a nzal kinè, a va kinè wuɗai, a pi verzi nshèffè kinè man a gidè va azɓai, kinè man antanta skwa a dza kinè kèshkata.

1 John 1:3

Skwi man nga rka ma, nga tsenaʼa, nga njè kinè, aman kinè ba kin hümdè a nda nga; a nga, nga hümdè a nda Bab nga, a nda kra nengaʼa, Yèsu Kristi.

Jude 1:1

Jude, ɓèl Yèsu Kristi, kramam Jacques, a sam ndohi man Zhiklè a baha ta, man Zhiklè, Bab nga, a woy ta, a Yèsu Kristi a ɓer ta.

Apocalypse 17:14

Ta da gi wuɗi a kra tambak, a kra tambak a da gi a ngul ta, aman nengaʼa mbiaʼa a géɗ mbibihiaʼa, bai a géɗ bihai, a ndohi man ta dzodzora, man Zhiklè a baha ta, a mpar ta mpèrè, a ta lèɓèslè, ta mbi a ngi a ngula a nda nengaʼa.

Apocalypse 18:20

Giɗfèk, wuffa a géɗ nengaʼa! Va-wuffa, kinè ndohi Zhiklè a ndohi sak a ndohi nhadka ma! Aman Zhiklè a nʼnga na kita a gèɗ, a géɗ kinè!