Hébreux 13:5 - Ma Zhiklè

⁵ Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Mofa New Testament

⁵ Mwoy suli da gso ndav kinè ɓai; skwi man kin ngotso, da dè'a kinè! Aman Bi Zhiklè a ngaƌa: I pra ka ma gèƌ azɓai, i jèke ka a géƌ ngaya azɓai.

Hébreux 13:5 ပူးပေါင်းရင်းမြစ်များ

Genèse 28:15

Anai i zhè a sam ngaya, a i ɓer ka a sam tèlèba man ka dè a pa, a i minde ka a deɓa a kokwar haha. I woy a i jèke ka azɓai, ha a i ga tèlèba man i pasla ka rai.

Genèse 30:31

A Laban a ngaɗa na: I va ka mè? A Jacob a mbeɗa na a ma: I voy skwa ɓai! Aman gu ara man i gaɗa ka, a i woy a i wèr skwi ngaya zaʼa.

Genèse 31:5

a ngaɗa ta: Di Laban, bab kinè, a sam ga az ara mpats ngiɗè ɓai. Aman Bi Zhiklè bab ga a zhè a sam ga.

I Rois 6:13

I da nzi a gi te ndev ndohi Israel, a i jèkeda Israel, ndohi ga, asaɓai.

I Rois 8:57

Ndo nzi pèc pècèk, Zhiklè nga, da zhè a nda nga, ara man a zhè a nda babhi nga te va nasa. Da jèk nga ɓai, da kwol nga ɓai,

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

Psaumes 10:3

Aman ndo ambaɓiaʼa a fi va a gèɗ ntétékè nengaʼa. Ndo metsar a phömdè, a dérɗè Ndo nzi pèc pècèk.

Psaumes 119:36

Ngalday ndav ga a civèɗ ma malwuɗi ngaya, a civèɗ mwoy skwi ka ɓai!

Psaumes 37:25

Te va nasa i gola, antanta i babgi ma, a i rka man Ndo nzi pèc pècèk a njèkeɗa ndo nzuraʼa ɓai, a wudahi nengaʼa ta hèsh skwi nʼndi azɓai.

Psaumes 37:28

Aman Ndo nzi pèc pècèk a woy skwi nzuraʼa, a jèke ta ndohi man ta gi zlau nengaʼa azɓai. Tsokoɗof ndohai, a gedas ta a mèdèp. A zede ta ndohi ambaɓihiaʼa a mèdèp.

Exode 2:21

A Moise a nco, a nzi a sam ndo sa, a nengaʼa a mva na Séphora, dem nengaʼa, a ngwoz.

Exode 20:17

Ka gu ntétékè gi nslamagi ngaya bai! Ka gu ntétékè ngwoz nslamagi ngaya bai, ko ɓèl nengaʼa ba, ko nguraʼa ko ngwozaʼa, ko mari nengaʼa ba, ko kɗèh na ba, ko skwi tèlè man nslamagi ngaya a nʼngotso ba.

Proverbes 23:4

Ka keɗa va ngaya a verzi mwoy skwi mèshèlè ɓai, jèkeda maya va nasa!

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 41:17

Aman mbelawahai a ndohi ntawas-saʼa ta woy iyam a ta ngècè azɓai, mi iyam a gworama ta nèʼèn te ma, iyè Ndo nzi pèc pècèk, i cinè kuɗ tengaʼa a i jèke ta a gèɗ ta azɓai.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Ezéchiel 33:31

Te deɓaʼa ta dè a sam ngaya, ta haya a vata, ta nzahi a sam ngaya, ta tsena ma ngaya, aman ta jèjèrèʼa azɓai. Ta cèkèlma, ndav tengaʼa a hér sèi Suli genè.

Matthew 6:19

Kin ɓüco skwi mèshèlè tʼherkeda ɓai, a sam man pombok a hezai ta ndiaʼa, a sam man ndohi metsarhai ta zlinèʼa, a ta hilèʼa.

Matthew 6:25

Gar haha i gaɗa kinè: Kin hur gèɗ zlau ɓai, a géɗ nshèffè kinè, a géɗ skwi man kin ndiaʼa, a kin siaʼa, a géɗ va kinè, a géɗ skwi man kin fi a va. Nshèffè a nfena skwi nʼndi ɓi dè? Va a nfena skwi nfi a va ɓi dè?

Matthew 6:34

Ani haha kin hur gèɗ zlau a géɗ mangoslèm ɓai. Aman pats mangoslèmaʼa, skwi a da til na. A géɗ pats, skwi ntul mpats nstaɗ, dèʼa.

Marc 7:22

ta gi mphömè, ta tétékè skwi ndo ngiɗè, ta gi shèwa, ta ngwèdè ndo, ta bizhè zlawa, ta gi srak, ta tsi derngasl, ta fi va, ta rzla.

Luke 3:14

A sojèhi ba ta shkè, a ta jhèɗèʼa: Nga, nga gi kè? A nengaʼa a ngaɗa ta: Kin pra na zlau a va a ndo ɓai, kin ngwoda ta ma a gèɗ a ndohi ɓai, Suli mizlinè kinè da dèʼa kinè!

Luke 8:14

Aman nengaʼa man a nwusha a ndev vatakihai, tengaʼa man ta tsenaʼa, ta dè ta, a ta hér skwi mèshèlè a nwèl va tʼherkeda, a mpizlè na ma a pa, a grè, aman a yi wuda azɓai.

Romans 1:29

Ndav ta nʼndha a skwi nzura ka ɓi tsaɗ tsaɗ tèlè, skwi ambaɓiaʼa, ngi keda, shèwa, ngi srak, nkéɗ ndo, ndzoan, ngi rai, nʼngwèdè ndo;

1 Corinthians 5:11

Aman i winda kinè ma haha, aman kin humda va ɓai a ndo man kin baha na kramam kinè, man nengaʼa ndo mphömè, ndo keda, ndo vrai, ndo nderɗe ndo, ndo njèjèr zom, ndo metsar. Kin ndau skwi a nda nengaʼa ɓai!

1 Corinthians 6:10

ko ndohi metsar, ndohi keda, ndohi njèjèr zom, ndohi nderɗe ndo, ndohi nkeɗe ndo, ta ndi kokwar Bi Zhiklè azɓai.

2 Corinthians 4:9

Ta paraha nga, aman nga gi mbelawa azɓai. Ta zhiɗè nga gèɗ a hai, aman nga zi nga azɓai.

Ephésiens 5:3

Ngi baki a dala, skwi nlizhèa tüɗük-tüɗükwaʼa, ngi keda, a woy da goɗ ma haha a sam kinè ɓai. Nasa amba a sam ndohi Zhiklè nkezlaʼa.

Ephésiens 5:5

Aman kin suna, ndo man a gi mphömè, ndo man ndav na nlizhèa, ndo keda, nara ndo mbèh skwai, ta ndi kokwar-Bi Kristi a Zhiklè azɓai.

Deutéronome 31:6

Va-gsa ndav kinè, va-nze taraʼa, kin gu zlau ɓai, kin gudzu ɓai a sam ta! Aman Ndo nzi pèc pècèk Zhiklè kinè, a ri na a dè a tsagi kinè, a jèk kinè azɓai, a pre kinè azɓai.

Deutéronome 31:8

Ndo nzi pèc pècèk a ri na a dè a ma ngaya, a da zhè a tsagi ngaya, a jèk ka azɓai, a pre ka azɓai. Ka gu zlau ɓai, ka gudzu ɓai!

Deutéronome 4:31

te man Ndo nzi pèc pècèk, Zhiklè kinè, Zhiklè man ndo a sia te va, a da jèke kinè a pa azɓai, a da zede kinè azɓai, nderzlè-ma nengaʼa man a nderzlaʼa a nda babhi kinè a mʼmbèɗè, a pca na a gèɗ azɓai.

Colossiens 3:5

Gar haha va-keɗa na gèɗ a hai a skwi herkeda haha: mphömè, skwi nlizhèʼa, mi skwi ambaɓiaʼa, ntétékè, ndo man a wèr va na genè (nara mʼmbèh skwai);

1 Timothy 3:3

ndo njèjèr zom ka ɓai, a tsi ndo azɓai, ndo gumai, a bèzl va azɓai, a hér va na genè ka ɓai,

Josué 1:5

Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Josué 7:21

Te va kolongwi man ta dumkoɗai, i rka dawar ndohi Shinear mbelaʼa, a Suli gurso 200, a gaɗa guro a gi rèta kilo; a ntétékè a nkedyè, a i co. Na haha dawar a zhè te gi ga, nraʼa te vèvèd, a Suli tʼhwaɗaʼa.

2 Peter 2:14

Ta cèkè di a fali ngwoz, mali a ngeza ta azɓai. Ta bid ta ndohi man wuɗi ta azɓai, a ta gedas ta. Ntétékè sulai ntilda va a ndav ta. Ma mphomdaʼa man a Zhiklè a zhè a géɗ tengaʼa.

2 Peter 2:3

A géɗ ntétékè Suli tengaʼa ta da mbeɗ kinè. Kita tengaʼa ntila ma, daga zlèzlèa, a skwi ngedas ta a zhèr ta.

Jude 1:11

Wobau a géɗ tengaʼa! Ta beza a civèɗ Cain, a ta gu mali ara Balaam a géɗ sulai, a ta bazl ta lèmèlèmè ara ndohi nrubi Coré.

I Samuel 10:7

Aman skwi haha a da gi a sam ngaya, gau ara man Zhiklè a ngra ka.

I Samuel 12:22

Ndo nzi pèc pècèk a da kwol ta ndohi nengaʼa azɓai, a géɗ nzlembaɗ nengaʼa mbiaʼa, te man ambaha Ndo nzi pèc pècèk, aman a ge kinè a ndohi na.