Hébreux 12:7 - Ma Zhiklè

⁷ Zhiklè a gre kinè ara wudahi nengaʼa; aman sèi kin si matakwan. Kra man bab na a ndèhaʼa azɓai, ngiɗè a zhi ɗè?

Mofa New Testament

⁷ Zhiklè a gre kinè ara wudahi nenga'a; aman sèi kin si matakwan. Kra man bab na a ndèha'a azɓai, ngiƋè a zhi Ƌè?

Hébreux 12:7 ပူးပေါင်းရင်းမြစ်များ

II Samuel 7:14

I woy a i gi a bab na, a nengaʼa a gi a kra ga. Aman a nda gu skwi ambaɓiaʼa, i woy a i ngatsa na maya, ara bab wudahi man ta ngézh wudahi a mènèwèd.

I Rois 1:6

Aman bab nengaʼa a zhè a nshèffè dai, a nʼngatsa na maya ɓai, a ngaɗa na: Ka gu ar haha èhèmè, kra ga? a ngaɗa na ɓai. Va nengaʼa ndaɓaraʼa. Haggit a myau, mbegèɗ Absalom.

Proverbes 13:24

Ndo man a ngheda mènèwèɗ, a woy kra na ɓai. Ndo man a woy kra na, a ndè-hèʼa te nkèshèa.

Proverbes 19:18

Nguzo kra ngaya, man amba a ngézhè dai, ga a shèl na!

Proverbes 22:15

Nrzlè a zhè te ndav gola; aman mènèwèɗ a ndohkoɗauda.

Proverbes 29:15

Mènèwèɗ a ndzoan ta ngatsa na maya a ndo. Aman gola man ta pra na ma a gèɗ, a da pa na hori a di a mam na.

Proverbes 29:17

Nguz kra ngaya, ka da ngècè nshèk va, a da wuffede ka!

Actes 14:22

a ta va ta wuɗi a golahi Yèsu, a ta bid ta, aman ta nzi taraʼa te ncè-a-ndav tengaʼa. Ta gaɗa, sèi nga bi-zhè a ndev skwi man wuɗitpa kumba, ga nga dè a kokwar Bi Zhiklè.

1 Corinthians 11:32

Aman Bai Yèsu a ga nga kita, a keɗa nga gèɗa dai, a géɗ man a ɓer nga, a phomde nga a nda ndohi herkeda ngiɗè azɓai.

Deutéronome 8:5

Gar haha hur te ndav ngaya, lèmèlèmè ara bab kra a ngezh kra na, Ndo nzi pèc pècèk, Zhiklè ngaya, a gez ka,

I Samuel 2:29

Ka gi di a skwi man i gaɗa ta a ta vayè èhèmè? Ka slebarde ta wudahi ngaya a fena iyè, a kin ndi tsuvom skwi man ndohi Israel ta vayè a hwaɗ kinè èhèmè?

I Samuel 2:34

Ka da shinè te skwi haha: Hophni a Phinées ta da bazl ta a pats staɗ.

I Samuel 3:13

Gar haha do a ka menda na: I ga na kita a gi nengaʼa a mèdèp, te man a suna, wudahi nengaʼa ta durɗo Zhiklè, a nengaʼa nʼnga ta ndzoan ɓai.