Hébreux 12:22 - Ma Zhiklè

²² Aman kin shkè a sam za Sion, a sam kokwar Bi-Zhiklè man a zhè a nshèffè, a sam Jérusalem te zhiklè te géɗèʼa, a sam golahi Zhiklè gozhèm gozhèm kumba,

Mofa New Testament

²² Aman kin shkè a sam za Sion, a sam kokwar Bi-Zhiklè man a zhè a nshèffè, a sam Jérusalem te zhiklè te géƌé'a, a sam golahi Zhiklè gozhèm gozhèm kumba,

Hébreux 12:22 ပူးပေါင်းရင်းမြစ်များ

II Rois 19:4

Wa ngiɗè ba Ndo nzi pèc pècèk, Zhiklè ngaya, a ntsena ma Rabshakè, man bi nengaʼa, bi Assyrie, a nzlündo, aman a ndurɗo Zhiklè man a zhè a nshèffè, a da ga na skwi ambaɓiaʼa, a géɗ ma man Ndo nzi pèc pècèk, Zhiklè ngaya, a tsenaʼa. Gar haha tsu rai a géɗ njèkèdihiaʼa man ta zhè a nshèffè dai.

Psaumes 2:6

Iyè man i feda bi ga a Sion, a géɗ za ga nkezlaʼa.

Psaumes 42:2

Ara mènèɗ man a shèkèt na a iyam, lèmèlèmè ndav ga a shèkèt na a gèɗ ngaya, Zhiklè!

Psaumes 48:2

Ndo nzi pèc pècèk mbiaʼa, amba aman nga slébèrdèʼa, te kokwar Zhiklè nga, te za nengaʼa nkezlaʼa;

Psaumes 68:17

Kin zahai, kinè a gèɗ tsultsultsulaʼa, kin gi srak a géɗ za man Bi Zhiklè a woyaʼa a sam nʼnzi na, man Bi Zhiklè a da nzi a pa a mèdèp, èhèmè?

Psaumes 84:2

Zhiklè bi mbiaʼa, gi ngaya mbikaɓai!

Psaumes 87:3

Ka kokwar Bi Zhiklè, ta slefi skwi mbelaʼa tsaɗ tsaɗ a gèɗ ngaya.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 14:32

Ta da mbeɗa na a ma a ndo sak tengaʼa a ma mè? Ndo nzi pèc pècèk a ngau Sion. A mbelaw ndohi te va ndohi na ta da hi a pa.

Esaie 24:23

Kia a gi hori a ndo na tibèr; pats a nde na zhiklè syem. A Ndo nzi pèc pècèk a gi ɓai a géɗ za Sion, a gi ɓai te kokwar Jérusalem. A nʼnjèlè a zhè a sam di ndohi nengaʼa nhalaʼa.

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 28:16

A géɗ nengaʼa Zhiklè Ndo nzi pèc pècèk a gaɗa: Na haha, i tilda kwa a Sion, géɗ kwa, verzi kwa mbelaʼa. Ndo man a nco nengaʼa a ndav, skwa a tsama na sak azɓai.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 51:16

I va ka ma ga a ma ngaya, i ɓer ka tʼhwaɗ ri ga, aman i wuzhè giɗfèk a i gi herkeda, a i gaɗa ta ndohi Sion: Kinè ndohi ga.

Esaie 59:20

Ndo mʼmbel Sion, ndo mʼmbel ndohi te gi Jacob, man ta menkaɗa deɓa te mali tengaʼa, a shkè, Ndo nzi pèc pècèk a gaɗa.

Esaie 60:14

Wud ndohi man ta zumda ka gèɗ a di ta shkè a sam ngaya a gurmbèzh. Tengaʼa tèlèba man ta derɗe ka, ta da kèlèhi a deɓ sak ngaya, a ta baha ka ‘kokwar Ndo nzi pèc pècèk’ – ‘Sion Zhiklè Israel nkezlaʼa’.

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Jérémie 17:25

te deɓaʼa bihai a wud bihai man ta nza a géɗ sam nʼnzi bi David ta da bizhè a ntamagi kokwar haha, ta nzi a kikai a ta nzi a deɓ plèsh, tengaʼa a wud bihi tengaʼa, ndohi Juda a ndohi Jérusalem; a ndohi ta da nzi te kokwar haha a mèdèp.

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Daniel 7:10

Nèʼèn vogwa a nhakaɗauda te pa, ndohi gozhèm gozhèm kumba ta gi mizlinè nengaʼa. Ndohi gozhèm gozhèm gozhèm a vaʼa man ta zlècè a sam na. A ta ga kita, a ta winè ɗèlèwèr.

Joel 2:32

Te deɓaʼa ko wawa man a tsi rai a nzlembaɗ Ndo nzi pèc pècèk, a mbéi na; aman skwi mʼmbél ndo a da zhè a géɗ za Sion, a da zhè te Jérusalem, ara man Ndo nzi pèc pècèk a mpasla ta rai, a zhè a sam ndohi man ta wuckaɗ ta, man Ndo nzi pèc pècèk a mbaha ta.

Matthew 16:16

Simon Pierre a mʼmbeɗa na a ma: Ka Kristi, kra Zhiklè, Zhiklè man a zhè a nshèffè.

Matthew 5:35

Kin mbaɗa a nzlembaɗ herkeda ɓai, aman nengaʼa sam nfi sak Bi Zhiklè. Kin mbaɗa a nzlembaɗ kokwar Jérusalem ɓai, amsn nengaʼa kokwar Bi mbiaʼa.

Romans 11:26

Te deɓaʼa Israel tèlèba a da mbel na, ara man ɗèlèwèr Zhiklè a gaɗa: Ndo mʼmbel ndo a di a shkè te Sion, man a gedassa skwi man a woy Zhiklè ɓai te Jacob.

Romans 9:26

A sam man ta gaɗa ta: Kinè ndohi ga ka ɓai, ta da baha ta wudahi Zhiklè man a zhè a nshèffè.

Galates 4:26

Aman Jérusalem man a zhè te géɗèʼa, nengaʼa ngwoz gai, nengaʼa mam nga.

Ephésiens 2:19

Gar haha kinè ndohi mbrokihai a ndohi nshèwèlè ambali asakaɓai. Kinè wud ngwihi ma, te va ndohi Zhiklè, man ta slébèrdè Zhiklè pèc pècèk, wud ngwi Zhiklè,

Deutéronome 33:2

A ngaɗa: Ndo nzi pèc pècèk a mshkè te Sinai, a nslambaɗa te Séir a géɗ tengaʼa, a ngudoko ta va a dai te za Paran, a nherdeka ta va te Meriba te Kades. Te ri mandi nengaʼa kita a mshkè auda nara vogwa.

Deutéronome 5:26

Ndo wa, man a ntsena daʼai Zhiklè man a gaɗka te va vogwa, lèmèlèmè ara nga, a za nzi a nshèffè genè?

Philippiens 3:20

Aman nga ndohi kokwar Zhiklè te géɗèʼa, te nengaʼa nga zhèr ndo mʼmbel ndo, Bi Yèsu Kristi,

1 Thessalonians 1:9

Ko wawa ngreda a géɗ nga a ri na, ara man nga ngots civèɗ a sam kinè, ara man kin menkaɗa deɓa a sam Zhiklè, te ri vrihai, a kin gi mizlinè Zhiklè nzuraʼa, man a zhè a nshèffè,

2 Timothy 4:18

Aman Bai Yèsu a da ɓeryè te skwi ambaɓiaʼa tèlèba, a da mbelyè, a diyè a kokwar Bi nengaʼa te zhiklè. A sam nengaʼa nʼnjèlè te nhinkaɗ na a mèdèp! Amen!

Hébreux 10:31

Woba ndo man a kèlèhi a ri Zhiklè man a zhè a nshèffè.

Hébreux 11:10

Aman nengaʼa a zhor kokwar, man verzi na taraʼa, man Zhiklè a ngau, a nɗüzlo.

Hébreux 11:16

Aman anai ta woy kokwar man amba holholaʼa te zhiklè te géɗèʼa. Gar haha Zhiklè a gi hori azɓai, man a gi a Zhiklè ta. A ntila ta kokwar mbelaʼa ma.

Hébreux 13:14

Aman a haha, nga ngatsa kokwar man a nzi a mèdèp ɓai; aman nga hèsh nengaʼa man a di a shkè.

Hébreux 3:12

Va-gu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffe.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

Josué 3:10

A Josué a ngaɗa: Te skwi haha kin da suna, Zhiklè a nshèffè a zhè te ndev kinè, a da dzam ta ndohi Canaan, Heth, Hévi, Phérez, Guirgasi, Amor a Jébus a ma kinè.

Jude 1:14

Enoch ba, ndo matsaraɗaʼa te verzi Adam, a nhodko ma a géɗ tengaʼa, a ngaɗa: I rka Bi Zhiklè a shkè a nda ndohi nkezlaʼa gozhèm gozhèm kumba,

Apocalypse 14:1

A i rka kra tambak nzlatsa a géɗ za Sion, a nda ndohi 144.000, nzlembaɗ nengaʼa, a nzlembaɗ Bab na, mwindèʼa a medi tengaʼa.

Apocalypse 21:10

A ndiyè te Mèzhèɓ a géɗ za mbiaʼa ngurèʼa, a nʼngray kokwar Jérusalem nkezlaʼa, man a shkèhi te zhiklè a sam Bi Zhiklè,

Apocalypse 21:2

A i rka kokwar nkezlaʼa, Jérusalem mɓuaʼa, man a shkèhai te zhiklè, ndzazla ara medemai man a dè a sam ntsima.

Apocalypse 22:19

Ndo man a helaha te ma man ɗèlèwèr haha a hodkoɗai, Zhiklè a da helaha te skwi man a ngècè a sam wof nshèffè, a sam kokwar nkezlaʼa, man ta Windo te ɗèlèwèr haha.

Apocalypse 3:12

Ndo man nʼngaʼa a ngulaʼa, i woy a i giaʼa a sak gi Zhiklè ga, a dè auda te deɓaʼa azɓai, a i woy a i windè a va nengaʼa: nzlembaɗ Bi Zhiklè ga, a nzlembaɗ kokwar mbiaʼa a Zhiklè ga, Jérusalem mɓuaʼa, man a shkèhai te zhiklè, a sam Bi Zhiklè ga. A i windè nzlembaɗ ga mɓuaʼa a pa.

Apocalypse 7:2

A i rka gol Zhiklè ngiɗè a mshkè a sam mvèng pats, nengaʼa a nʼngots skwi mpizlè ntkotsaʼa a Zhiklè man a zhè a nshèffe, a ngoɗ a ngèɗè mbiaʼa a sam golahi Zhiklè faɗ man ta ngots wuɗai, aman ta gedassa herkeda a iyam mbiaʼa,