Hébreux 12:2 - Ma Zhiklè

² Ngo-pokoy di a Yèsu, ndo nhinè a ndo nrufa ncè-a-ndav; nengaʼa man a géɗ mwuffe man a zhè a ma nengaʼa, a nco wof ngézlèl na, nʼnga hori ɓai, te deɓaʼa a nʼnzahai a civèɗ ri mandi sam nʼnzi bi Zhiklè.

Mofa New Testament

² Ngopokoy di a Yèsu, ndo nhinè a ndo nrufa ncè-a-ndav; nenga'a man a géƋ mwuffè man a zhè a ma nenga'a, a nco wof ngézlèl na, n'nga hori ɓai, te deɓa'a a n'nzahai a civèƋ ri mandi sam n'nzi bi Zhiklè.

Hébreux 12:2 ပူးပေါင်းရင်းမြစ်များ

Psaumes 110:1

Psaume David. Ndo nzi pèc pècèk a gaɗa na Bi ga: Nzahai te civèɗ ri mandi ga, ha pats man i ge ta ndohi mayamhi ngaya a skwi nfi sak ngaya.

Psaumes 138:8

Ndo nzi pèc pècèk da rufa skwi man a hüno a géɗ ga. Ndo nzi pèc pècèk, pombi ngaya a nzi a mèdèp. Ka jèkeda mizlinè man ka gu a ri ngaya ɓai!

Esaie 31:1

Wobau a géɗ ndohi man ta dè hi a kokwar Egypte, a ta hèsh skwi ntakaha ta te pa. Ndohi man ta pi ndav a plèsh a kiki var, man ta zhè kumba, a ta pi ndav a ndohi plèsh, man ta zhè a vata, aman ta pa ndav a Zhiklè ɓai, a ta jhèɗè te ri nengaʼa azɓai.

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 53:3

A ndara ta ndohai, a ndohi ta jèkeda, ndo man va a dza na, a sun matakwan, ara ndo man nga pizle di nga a pa. A ndara nga holholaʼa, a nga rkaʼa ara ndo ambalai.

Esaie 8:17

I zhèr Ndo nzi pèc pècèk, man a ngheda di nengaʼa a sam ndohi gi Jacob, a i pi di a verzi nengaʼa.

Michée 7:7

Aman iyè i woy a i pi di a Ndo nzi pèc pècèk, a i zhèr Zhiklè man a mbelyè. Zhiklè ga a da tsena ma ga.

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Nombres 21:9

A Moise a ngau zhüzhok züdo, a nzlatseda a gada. Aman zhüzhok staɗ a mjo ndo, a ndo sa a mpu di a zhüzhok züdo, a nʼnza a nshèffè.

Matthew 16:21

A hüno a pats nasa, aman a senda ta a golahi nengaʼa: Sèi i dè a kokwar Jérusalem; ndohi nhalaʼa a ndohi mvi skwi a Zhiklè mbibihiaʼa a malamhai ta da gay matakwan mbiaʼa, a ta da keɗyè, aman a pats mamakaraʼa i da slambaɗkaɗauda.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Marc 14:36

A ngaɗa: Abba, Bab ga, ka slaha skwi tèlèba, co kokwi haha auda a sam ga; aman ara man i woya ka ɓai, aman ara man ka, ka woyaʼa.

Marc 15:28

(A gau, ara man ta Windo te ɗèlèwèr Zhiklè. Ta feda a ndev ndohi malihai).

Marc 16:19

Bai Yèsu, man a njè ta ma haha ma, a mdo a zhiklè, a nʼnzahai te ri mandi Zhiklè.

Marc 9:12

A Yèsu a mʼmbeɗa ta a ma: Elie a shkè nshèlèkuraʼa, a til skwi tèlèba. Te ɗèlèwèr Zhiklè ta windo a géɗ kra-ndo, ara man sèi a si matakwan, sèi ta rka ara ndo ambalai, èhèmè?

Marc 9:24

Ndo man a nco a ndav, a slaha tèlèba. Tsam tsam bab kra a mboho: I co! Man i co a ndav ɓai, takahayè!

Luke 17:5

A ndohi sak ta gaɗa na Bai: Zledaha ncè-a-ndav nga!

Luke 23:11

Aman Hérode a sojèhi nengaʼa ta durdo, a ta ngwossaha a ta va na maslaka mbelaʼa a va, a ta zlündo a deɓa a sam Pilate.

Luke 24:26

Sèi skwa a dza na Kristi di ka ɓi ɗè, ga a dè a sam nʼnjèl nengaʼa?

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

Jean 12:24

A vava, a vava, i gaɗa kinè: Sèi tser dau a kèlèhi a herkeda, a verzi na a nhusl na, man ɓai a nzi a géɗ na. Aman a husl na, a yi wuda kumba.

Jean 12:32

A iyè, man ta zlatse-dyè a géɗ herkeda, i woy man i vitka ta ndohi tèlèba a sam ga.

Jean 13:3

Yèsu a suna, Bab na a mva na skwi tèlèba a rai, a suna, a shkè te Zhiklè, a ndè a sam Zhiklè,

Jean 6:40

Aman nasa skwi man nengaʼa man a zlindekayè a woyaʼa. Aman ko wawa man a rka kra na, a cè nengaʼa a ndav na, a ngècè nshèffè a mèdèp, a i slambaɗda a pats nʼndikèma skwai.

Jean 8:56

Abraham bab kinè a wuffè a vata, a géɗ man a di a rka pats ga. A nengaʼa a nrka ma, a wuffè ma.

Actes 2:36

Gar haha ndohi Israel tèlèba sèi da suna a vava, Zhiklè a nʼnga Yèsu haha, man kin gezlalaʼa, a Bai a Kristi.

Actes 3:15

Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha.

Actes 5:31

Nengaʼa, Zhiklè a nzalaʼa a ri mandi nengaʼa, aman a gi a ndo ncè ta ma ndohai, a ndo mʼmbel ndo, aman kokwar Israel a ngwèdè ndav na, a ngècè mpre malai.

Actes 5:41

A ndohi sak to do auda a sam ncèmma a mwuffe, a gèɗ man ta slaha a ta si matakwan a nzlembaɗ Yèsu.

1 Corinthians 1:18

Aman ma a géɗ wof ngézlèlè, nengaʼa nrzlè a sam ndohi man ta ze ta; aman a sam nga, man nga mbelaʼa, nengaʼa wuɗi Bi Zhiklè.

1 Corinthians 1:23

Aman nga njè Kristi—a vava Kristi, man ta gezlalaʼa, skwi nslafaɗama ta sak a ndohi Juif, man ta kèlèhi a pa, nrzlè a sam ndohi man Juif ka ɓai.

Ephésiens 2:16

a mʼmenda gumi a hai a Zhiklè, te va staɗ, a sam wof ngèzlèlè; a samaʼa a ngedasa skwi mayam.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Philippiens 1:6

A i fi gèɗ a vna: nengaʼa man a hüno mizlinè mbelaʼa te ndav kinè, a dè a ma ma a nrufaʼa, ha pats Yèsu Kristi.

Philippiens 3:20

Aman nga ndohi kokwar Zhiklè te géɗèʼa, te nengaʼa nga zhèr ndo mʼmbel ndo, Bi Yèsu Kristi,

2 Timothy 4:8

anai skwi mpèɗè gèɗ ngi-zuraʼa ntila tʼhi a géɗ ga, nengaʼa man Bai Yèsu, man a gi kita zuraʼa a da vayè a pats nasa, a ga gene ka ɓai, aman a ndohi tèlèba, man ta woyaʼa, a pats man a da gudko va a dai.

Hébreux 1:13

Gol Zhiklè wa, man Bi Zhiklè a ngaɗa na: Nza a ri mandi ga, ha i ge ta mayamhi ngaya tèlèba a skwi nfi sak ngaya.

Hébreux 1:3

Nengaʼa a ngreda nʼnjèl Zhiklè auda; nengaʼa mèzhèɓ va na, a gshè skwi tèlèba a ma wuɗi nengaʼa; te deɓaʼa man a mpana ta ndohi te mali ta ma, a nʼnza hai te ri mandi Bi mbiaʼa te géɗèʼa.

Hébreux 10:14

A skwi man a va na Zhiklè sak staɗ, a nʼnge ta ndohi man ta kezla ndav ta, jèlèlèʼa a mèdèp.

Hébreux 10:33

A sam ngiɗè kin su matakwan, a ta paraha kinè, a kin ngreda auda a sam di ndohai. A sam ngiɗè kin mba a nda tengahi man ta su matakwan aranta.

Hébreux 11:36

Tengahia ngiɗè tsaɗ tsaɗ ta pe ta a wai, ta ngwossaha ta, ta ndah ta a mènèwèɗ, ta dzaw ta, ta de ta a gi dangai.

Hébreux 12:3

Va-hur nengaʼa man a nco ndèvèɗ ma a sam ndohi malihai a gèɗ na, ntulè da keɗ kinè ɓai, kin ngez ɓai!

Hébreux 13:13

Gar haha ngo-dokoy auda a sam nengaʼa a dal kokwar, a nga mbi a hori nengaʼa.

Hébreux 5:9

Te deɓaʼa man nʼngaʼa jèlèlèʼa ma, nʼngaʼa a verzi skwi mbél ndohi man ta fa na gèɗ, a mèdèp,

Hébreux 7:19

Ma kita a slaha a ntil skwi jèlèlèʼa azɓai; a ta cko skwi man nga zhèrè te ndav, amba holholaʼa, te nengaʼa nga herda na va a Zhiklè.

Hébreux 8:1

Ma haha ma man nga gèɗèʼa nshèlèkuraʼa: Nga ngots bi ndohi mvi skwi a Zhiklè ar haha, man a nzi a ri mandi sam nʼnzi bi mbiaʼa te zhiklè te géɗèʼa,

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

Jacques 2:1

Dalahimam ga, nga co Bi Yèsu Kristi a ndav, Bi nga te nʼnjèlè, lèmèlèmè ara kinè. Anai kin por ndo mpèrè ɓai!

1 Peter 1:11

Ta woy nshin patsaʼa, man Mèzhèɓ Kristi a ngreda ta te ndav ta, a nhodko ta skwi ndzi man a di a dza na Kristi, a nʼnjèl nengaʼa te deɓa.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 Peter 3:22

te ri mandi Bi Zhiklè; a golahi Zhiklè a mbibihiaʼa a wuɗihi bai ta gi ɓèl na.

Jude 1:21

va-ɓür va kinè te mwoy-ndo Zhiklè, vo-zhoro aman Bi nga Yèsu Kristi a va kinè nshèffè a mèdèp, a géɗ man nga sia te va.

Apocalypse 1:11

man a gaɗa: Skwi man ka rkaʼa, windeda ɗèlèwèr, zlinda a sam mpi ndohi Zhiklè tsaraɗ: A Ephèse, a Smyrne, a Pergame, a Thyatire, a Sardes, a Philadelphie, a Laodicée.

Apocalypse 1:17

Aman i rka ndo matsa, i kalahi a deɓ sak nengaʼa, iyè ara ndo mʼmetsa. A nengaʼa a mfay ri mandi na a gèɗ, a ngaɗayè: Ka gu zlau ɓai, iyè ndo nshèlèkuraʼa a ndo nʼndikèma skwai,

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

Apocalypse 2:8

Winda na tsuvom mpi ndohi Zhiklè te kokwar Smyrne: Nengaʼa man ndo nshè-lèkuraʼa, ndo nʼndikèma skwai, man te va nasa mʼmetsa, anai a zhè a nshèffè zaʼa, a goɗa ar haha: