Hébreux 11:7 - Ma Zhiklè

⁷ A géɗ ncè-a-ndav na, Noé a ngu zlau Zhiklè, a ngu wurom, man a mbela gi nengaʼa, aman a ntsena ma Zhiklè, a géɗ skwi man nʼnga di ɓai. Ncè-a-ndav nengaʼa a nfa na mali a gèɗ a herkeda; aman nengaʼa a ngots ngi-zuraʼa, man nga ngè-cèʼa, a géɗ man nga co Zhiklè a ndav nga.

Mofa New Testament

⁷ A géƋ ncè-a-ndav na, Noé a ngu zlau Zhiklè, a ngu wurom, man a mbela gi nenga'a, aman a ntsena ma Zhiklè, a géƋ skwi man n'nga di ɓai. Ncè-a-ndav nenga'a a nfa na mali a gèƋ a herkeda; aman nenga'a a ngots ngizura'a, man nga ngècè'a, a géƋ man nga co Zhiklè a ndav nga.

Hébreux 11:7 ပူးပေါင်းရင်းမြစ်များ

Genèse 19:14

A Lot a ndo a ta goɗ a ntsim dalahi nengaʼa, man ta woy dalahi Lot, a ngaɗa: Va-slambaɗa, va jèkeda sam haha! Aman Ndo nzi pèc pècèk a woya a ngedassa kokwar haha! Aman ntsim dalahi na ta hur ara ma walai.

Genèse 6:13

A Bi Zhiklè a ngaɗa na Noé: I hur a géɗ ndikè-ma ndohai. Herkeda nʼndha a mphömè ndohai. I woy a i zede ta a nda herkeda.

Genèse 6:22

A Noé a ngu arsa, a ngau ara man Bi Zhiklè a gada na.

Genèse 6:9

Na haha ma verzi Noé: Noé ndo man a woy Zhiklè, ndo nzuraʼa te ndev ndohi na, a ndzodzor Bi Zhiklè pèc pècèk.

Genèse 7:23

Gar haha Bi Zhiklè a ngedassa skwi man a nshèffè a géɗ herkeda tèlèba aussa. Njèkè Noé staɗ, a skwi man a zhé a sam na te wurom.

Genèse 7:5

A Noé a ngu tèlèba, ara man Ndo nzi pèc pècèk a gada na.

Genèse 8:16

Do auda te wurom, kinè a ngwoz ngaya, a wudahi ngaya, a ngwozi wudahi ngaya,

II Rois 4:5

A nengaʼa a mdo na, a ngu arsa, a mɓara ntamagai, man nengaʼa a wudahi nengaʼa te pa. Wudahi ta pa na shiɗèf, a nengaʼa a ɓèlè a pa.

Job 35:8

Mali a gedèshè ndo tʼherkeda; aman ka gi zuraʼa, aʼtèkè a ndo genè.

Proverbes 22:3

Ndo maya a rka skwi mwuɗitpa man a shkè, a nghéɗè va na; madaɗau ndo a dè a ma ma a kèlè a ndzoan.

Proverbes 27:12

Ndo man a sun maya, a rka matakwan a shkè, a nghédè va na. Deɓi ndohai ta da na gèɗ durroʼa.

Ezéchiel 14:14

Aman agassa ndohi mʼmakara haha ta zhè te ndev tengaʼa: Noé, Daniel a Job – sèi tengaʼa ta mbél ta, a géɗ ngi-zuraʼa tengaʼa, Bi Zhiklè Ndo nzi pèc pècèk a gaɗa.

Ezéchiel 14:20

aman Noé, Daniel a Job te kokwar, ara man a vava i zhè, Bi Zhiklè a gaɗa, ko golahi tengaʼa, ko dalahi tengaʼa, ta mbélè azɓai, sèi tengaʼa genè, a géɗ ngi-zuraʼa tengaʼa.

Ezéchiel 33:5

A ntsena tolom, a nfa na gèɗ ɓai; nasa mali na. Aman ndo mɓer kokwar a ngra na, aman a mbél nshèffè na.

Matthew 2:12

A nshunè a nked ta, a ngaɗa ta, aman ta dè a deɓa a sam bi Hérode azɓai. A to do ta a ngwai, a ta beza a civèɗ ngiɗè.

Matthew 24:15

Aman kin rka skwi ngedassa haha, man a ndèrè a ndo, a zhè a sam nkezlaʼa ara man Daniel a hodko ma (aman ndo man a jèngèʼa da huro!) –

Matthew 24:25

Na haha, i gaɗa kinè skwi tèlèba a hi ma.

Matthew 24:38

Lèmèlèmè ara man ta gu a pats iyam mbiaʼa: ta ndau a ta sau, ta co ngwoz, to do ngwoz, ha pats man Noé a nʼndo a wurom,

Matthew 3:7

Aman a rka ndohi pharisie a ndohi sadducée ta shkè a sam baptême kumba, a ngaɗa ta: Kinè wud tsebarhai, nʼngreda kinè wa, aman kin slaha kin hi kinè a ndzoan Zhiklè man a di a shkè?

Luke 17:26

Lèmèlèmè ara man ta gu a pats Noé, lèmèlèmè ta da gia a pats kra-ndo.

Romans 1:17

Aman te ma mbelaʼa skwi nzuraʼa a Zhiklè a ngredè auda, skwi nzuraʼa man kin ngècè te ncè-a-ndav, aman kin dè a ma ma te ncè-a-ndav, ara man ta Windo: Ndo man a ngots ngi-zuraʼa, te ncè-a-ndav a da nzi a nshèffè.

Romans 10:6

Aman ngi-zuraʼa te ncè-a-ndav a gèɗè ar haha: Ka goɗ te ndav ngay ɓai: ndè zhiklè wa? – ara man a woya a ncko Kristi a hai;

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

Romans 4:11

Skwi malwuɗi te nʼngél ngwon nengaʼa a nʼngotso sèi te deɓa, man Zhiklè a nʼngaʼa a ndo nzuraʼa man a nco a ndav ma, a nʼngotso man a ngela ngwon di ɓai. Arsa nʼngaʼa a bab ndohi tèlèba man ta cè a ndav, man ta ngél ngwon ka ɓai. Aman ncè-a-ndav tengaʼa a nge ta a ndohi nzuraʼa.

Romans 4:13

Abraham a ndohi te verzi nengaʼa ta ngots mpèsl rai, aman ta ndi a ndohi nʼndi herkeda. Ta ngatsa te ma kita ɓai. Aman ta ngotso a géɗ ncè-a-ndav man a ge ta a ndohi nzuraʼa.

Romans 9:30

Kos nga da gaɗ kè? Nga gèɗè aranta: Ndohi nte deɓa man ta woy ngi-zuraʼa ɓai, ta ngots ngi-zuraʼa ma. I gèɗ ma haha a géɗ ngi-zuraʼa man a shkè te ncè-a-ndav.

Galates 5:5

Nga zhèr ngi-zuraʼa te ndav. Aman sèi nga zhèrèʼa te Mèzhèɓ a ncè-a-ndav.

Philippiens 3:9

a ta da ngatsyè te nengaʼa. I ga a ndo nzuraʼa ga a géɗ man i fu gèɗ a ma kita Zhiklè ka ɓai; aman ngi-zuraʼa man a shkè te ncè Yèsu Kristi a ndav, ngi-zuraʼa man a shkè te Bi Zhiklè a géɗ ncè-a-ndav.

Hébreux 11:1

Aman ncè-a-ndav, nengaʼa man nga suna, nga ngècè skwi man nga zhèrè te ndav, skwi man nga rka a di ɓai, aman nga sun te ndav nga, na zhè a vava.

Hébreux 12:25

Va-gu maya, kin kwola ma nengaʼa man a gèɗè ɓai! Aman tengaʼa man ta kwola nengaʼa, man a goɗ tʼherkeda, ta mbel ta ɓai, holholaʼa aman nga kwola nengaʼa man a gèɗè te zhiklè.

Hébreux 5:7

Te va man a zhè a géɗ herkeda dai, a ntsu ri a kuɗa a dai, a ngu mbuh mbuh, a mbèhè a Zhiklè, man a slaha a mbelaʼa te mʼmetsai. A Zhiklè a ntsena ntsi ri nengaʼa, a géɗ man a mʼmanda gèɗ a hai pèc pècèk.

Hébreux 8:5

Aman ta gi mizlinè skwi nlèmdè a mèzhèɓ skwi zhiklè te géɗèʼa genè, ara man Bi Zhiklè a gaɗa na Moise, man a gu gi nkezlaʼa: Gu maya, aman ka gi skwi tèlèba, a ka lèmdèʼa a skwi man i ngra ka a géɗ za.

1 Peter 3:20

Tengaʼa halaʼa ta fa na gèɗ ɓai, aman Zhiklè a zhèr ta a ma ma, ara pats Noé, aman ta tül wurom, te pa ndohi tsamakaɗ genè ta mbel ta te ri iyam.

2 Peter 1:1

Simon Pierre, ɓèlè, ndo sak Yèsu Kristi, a sam tengahi man ta ngots ncè-a-ndav mbelaʼa lèmèlèmè ara nga, te ngi-zura Bi Zhiklè a Ndo mʼmbel nga Yèsu Kristi.

2 Peter 2:5

Zhiklè a mɓera ndohi zlèzlèa ɓai (sèi Noé, ndo njè ma ngi-zuraʼa, nte verzi ma tsam a kaɗaʼa), a ngoko iyam mbiaʼa a géɗ ndohi herkeda, man ta woy civèɗ Zhiklè ɓai.

2 Peter 3:6

A iyam arsa herkeda ngedas na te va nasa; iyam mbiaʼa a ngedassaʼa.