Hébreux 1:2 - Ma Zhiklè

² Antanta, man tiɗè sama ma, a ngaɗa nga ma te kra nengaʼa. Zhiklè a ngu nengaʼa a ndo ngècè skwi Zhiklè tèlèba. Te nengaʼa ba a ngu herkeda.

Mofa New Testament

² Antanta, man tiƋè sama ma, a ngaƋa nga ma te kra nenga'a. Zhiklè a ngu nenga'a a ndo ngècè skwi Zhiklè tèlèba. Te nenga'a ba a ngu herkeda.

Hébreux 1:2 ပူးပေါင်းရင်းမြစ်များ

Genèse 49:1

A Jacob a mbaha ta wudahi na, a ngaɗa: Va-ɓicko va, a i ngreda kinè skwi man a da ga kinè, a nʼndikèma nshèffè kinè.

Esaie 2:2

A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Esaie 44:24

Ndo nzi pèc pècèk, man a mbel ka, man a fe ka a hwaɗ mam ngaya, a gaɗa: Ndo nzi pèc pècèk, man i gau skwi tèlèba, man i wuzhè giɗfèk kerpaʼa, iyè a géɗ ga, a i dizla herkeda – nga a wa?

Esaie 45:12

I gau herkeda, i gau ndohi man a géɗ herkeda, ri ga a wuzhè giɗfèk, a i gaɗa ta golahi ga.

Esaie 45:18

Aman Ndo nzi pèc pècèk, man a ngu giɗfèk, nengaʼa staɗgenè Zhiklè, man a ngau, a ndizla herkeda, a mpau; a gu a géɗ hèshèkèɗ ka ɓai, a gu a géɗ man ndo a nzi a pa. Iyè Bi Zhiklè, ngiɗè azɓai.

Jérémie 30:24

Nara ndzoan mbiaʼa. Ndav Ndo nzi pèc pècèk a mènèhi azɓai, ha a nrufa skwi na, ha a ngau skwi man a nhuro a nda giaʼa. A pats nʼndikèma skwai kin da cinèʼa.

Jérémie 48:47

Aman i da helka ta ndohi ɓèlè Moab a deɓa a pats ndikèma skwai, Ndo nzi pèc pècèk a gaɗa. Kita Moab aranta.

Ezéchiel 38:16

a ka da shkè, a ka da gi var a Israel, ndohi ga, ara dzarai, syem pats. A pats ndikè-ma skwai i da zlinde ka a géɗ ndohi ga, a ndohi herkeda ta da senyè, aman i da ngrédè va ga auda a sam di ta a nda ka, iyè, i Zhiklè nkezlaʼa.

Daniel 10:14

A i shkè, aman i da ngra ka skwi man a da gi a ndohi ngaya, a pats ngiɗè man a ma. Skwi haha ba a goɗ a gèɗ ndikè-ma skwai.

Daniel 2:28

Aman Zhiklè te zhiklè te géɗèʼa a zhè, man a sun skwi nʼnghedaʼa, a ngra na bi Nebucadnetsar skwi man a da gi a ma. Nshun ngaya, a skwi man a nrka ka a dai a sam mʼmènè ngaya, na haha:

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Michée 4:1

Aman a pats nʼndikè-ma skwai, za man gi Zhiklè a nza a géɗèʼa, a nzi taraʼa, ngür nengaʼa a fena zahi ngiɗè, a ndohi herkeda kumba ta hi a pa.

Nombres 24:14

Anai i dè a deɓa a sam ndohi ga. A i woy a i ngra ka skwi man ndohi haha ta da ga ta ndohi ngaya a pats ngiɗè.

Matthew 13:39

Ndo mayam man a wushe dau zizlè, nasa bi-madzagai. Pats man nsla, nengaʼa pats man herkeda a ndev na. Ndohi ntsi dau, tengaʼa golahi Zhiklè.

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Matthew 21:38

Aman ndohi mizlinè ta rka kra, ta goɗ a va ta: nengaʼa kra nʼndi gai. Vo-washkè, nga-kuɗokoya, a nga da ndi di giaʼa.

Matthew 26:63

Aman Yèsu a nʼnza tètè. A bi ndohi mvi skwi a Zhiklè a ngaɗa na: I mbaɗa ka a nzlembaɗ Bi Zhiklè a nshèffè, sèi ka ngra nga, aman ka Kristi, kra Zhiklè!

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Matthew 3:17

Na haha ta tsena ngèɗè te zhiklè te géɗèʼa, man a gaɗa: Nenga kra ga man i woyaʼa a ndav ga. Ndav ga a wuffè kumba a géɗ nengaʼa.

Marc 1:1

Nhin ma mbelaʼa te Yèsu Kristi, kra Zhiklè,

Marc 12:6

Njèkè kra nengaʼa staɗ, man a woya a ndav na. Te deɓaʼa a nzlündo nengaʼa a sam ta, a huro, a ngaɗa: Ta gi hori kra ga.

Marc 12:7

Aman ndohi mizlinè ta goɗ a va ta: Na haha, kra n ndi gai. Vo-wash-kè, nga-kuɗokoya, a nga ndi giaʼa!

Jean 1:10

Na zhè tʼherkeda. A herkeda nʼnga a nengaʼa, aman herkeda a sun nengaʼa ɓai.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 1:3

Skwi tèlèba nʼnga a nengaʼa; ko skwi staɗ azɓai, man nʼngaʼa a vna ɓai.

Jean 13:3

Yèsu a suna, Bab na a mva na skwi tèlèba a rai, a suna, a shkè te Zhiklè, a ndè a sam Zhiklè,

Jean 13:32

Aman Zhiklè nʼnzala te nengaʼa, Zhi-klè ba a da njèl Yèsu a ri na ndul ndul.

Jean 15:15

Anai i baha kinè bèlèlihi ka ɓai. Aman ɓèlè a sun skwi man bab nengaʼa a gia ɓai. Aman i baha kinè mandalahi ga, aman skwi tèlèba man i tsena te ma Bab ga, i ngreda kinè.

Jean 16:15

Skwi tèlèba man Bab ga a ngotso, skwi ga. Gar haha i gaɗa, a cè te skwi ga, a da ngreda kinè.

Jean 17:2

Ka va na wuɗi-bai a géɗ ndohi tèlèba, a skwi tèlè man ka va na, a va ta ndohi ba, a nshèffè a mèdèp ba.

Jean 3:16

Gar haha Zhiklè a woy herkeda a ndav na, a mva ta kra nengaʼa, kra nengaʼa staɗgenè, aman ko wawa man a nco nengaʼa a ndav na, a zi azɓai, a nʼngotso nshèffè a mèdèp.

Jean 3:25

Te va golahi Jean ngiɗè ta hüno a ta verslè a ndo Juif ngiɗè, a géɗ mpèn va.

Jean 5:26

Ara man nshèffè a zhè te ri Babaʼa, lèmèlèmè a mva na kra nengaʼa, a nshèffè a zhè te ri na.

Jean 5:27

A mva na wuɗi-bai, aman a slaha a ngi kita, te man nengaʼa kra-ndo.

Jean 9:29

Nga suna, Zhiklè a ngaɗa na Moise. Aman sam man ndo haha a shke te pa, nga sun ɓai.

Actes 10:36

Kin sun ma Zhiklè man a zlinda ta ndohi Israel, a njè ta ma mbelaʼa, ma gumai te Yèsu Kristi (nengaʼa Bai a géɗ ndohi tèlèba);

Actes 2:17

Zhiklè a gaɗa: A pats ndikèma skwai i woya man a i bèdè Mèzhèɓ ga a géɗ ndohi tèlèba, a wudahi kinè a dalahi kinè ta da hèdè ma Zhiklè; golahi kinè ta da rka skwi man a ma, a ndohi kinè nhalaʼa ta ngècè nshu-nè.

Romans 1:4

nengaʼa kra Zhiklè man Mè-zhèɓ Zhiklè nkezlaʼa a mva na wuɗai, a nslambaɗkaɗ na te ndev ndohi mʼmetsaʼa).

Romans 8:17

Aman nga wudahi na, nga ndohi man, ta ngècè skwi Zhiklè a nda Kristi; aman nga si matakwan a nda nengaʼa antanta, nga da ngècè nʼnjèlè nengaʼa te deɓaʼa.

1 Corinthians 2:7

Aman i gèɗè ma maya Zhiklè, man nʼngheda a sam di ndohai, man herkeda nge di ɓai.

1 Corinthians 8:6

nga ngots Bi Zhiklè nga staɗgenè, Bab nga, te nengaʼa skwi tèlè a shkè, a nga a sam nengaʼa. Bi nga staɗgenè, Yèsu Kristi, te nengaʼa skwi tèlè a zhè, a nga te nengaʼa.

Galates 4:4

Aman tiɗè sama ma, Zhiklè a nzlündo kra nengaʼa, man ngwoz a myau, a mfeda a hwaɗ ma kita,

Ephésiens 1:10

A da rufaʼa, aman a mɓica tèlèba te Kristi, ko skwi te zhiklè te géɗèʼa, ko skwi a géɗ herkeda.

Ephésiens 3:9

a i winè ta dai, aman ta rka skwi man Zhiklè a huro a ngiaʼa, man nʼngheda te nhinkaɗ herkeda te Bi Zhiklè, man a ngu skwi tèlèba.

Deutéronome 18:15

Ndo nzi pèc pècèk, Zhiklè ngaya, a da ckoɗa te ndev ngaya, te va kramamhi ngaya, ndo nhadka ma auda, lèmèlèmè ara iyè: Kin da cinè nengaʼa!

Deutéronome 31:29

Aman i suna, man i da mets ga ma, kin da gi malai, kin da jèke-da civèɗ man i nje kinè a gèɗ; te deɓ skwi tèlèba, matakwan a da gs kinè, aman kin da gi skwi man ambaɓai a sam Ndo nzi pèc pècèk, a kin poko na gèɗ auda a skwi man kin gi a ri kinè.

Deutéronome 4:30

Aman kinè te matakwan, a fena wuɗi kinè, a skwi man a gi te ndikè-ma skwai a ga kinè tèièba, kin da ngwodko ndav kinè a sam Ndo nzi pèc pècèk, Zhiklè kinè, a kin da tsena daʼai nengaʼa,

Hébreux 1:5

Aman gol Zhiklè nangwa, man Bi Zhiklè a ngaɗa na: Ka kra ga, a patsna i fe ka? A vaʼa: I ndi a bab nengaʼa, a nengaʼa a ndi a kra ga?

Hébreux 1:8

Aman a géɗ kra na: Zhiklè, sam nʼnzi bi ngaya a nzi a mèdèp. A va zaʼa: Gada-bi ngi zuraʼa, nengaʼa gada-bi kokwar-bi ngaya.

Hébreux 11:3

A géɗ ncè-a-ndav nga suna, ma Zhiklè a ngu herkeda, a skwi man nga rkaʼa, nʼngaʼa te skwi man nga rka a di ɓai.

Hébreux 2:3

kos nga da mbél te mè, aman nga fi gèɗ a skwi mʼmbel ndo mbiaʼa aranta azɓai. Aman Bai Yèsu a njè nga skwi mʼmbel ndo haha nshèlèkuraʼa a ri na, a ndohi man ta tsenaʼa ta da na va.

Hébreux 3:6

Aman Kristi nlèɓèslèʼa, nengaʼa kra gi nengaʼa. Nga, gi nengaʼa, aman nga gshè va a nʼnjèl skwi man nga zhèrè te ndav, a nga fi gèɗ a vna, ha ndikèmaʼa.

Hébreux 4:14

Aman nga ngots bi ndohi mvi skwi a Zhiklè aranta, Yèsu, kra Bi Zhiklè, man a beza a ndev zhiklè te géɗèʼa, ngo-gsokoy va a ma Zhiklè nga!

Hébreux 5:8

Gar haha, ko nengaʼa kra Zhiklè, a nslebau nfi gèɗ a ma Zhiklè te skwi man a dza na.

Hébreux 7:28

Ndohi man ma kita Zhiklè a pe ta a bihi ndohi mvi skwi a Zhiklè, wuɗi ta azɓai. Aman ma mʼmbèɗè haha, man a shkè te deɓ ma kita Zhiklè, a mfeda kra Zhiklè a pa, man a zhè jèlèlèʼa a mèdèp.

Hébreux 7:3

Bab na azɓai, man na azɓai, verzi na azɓai, nhinkaɗ patshi na azɓai, nʼndikè-ma nshèffe na azɓai. Gar haha a gi lèmèlèmè ara kra Zhiklè: a nzi a ndo mvi skwi a Zhiklè a mèdèp.

Hébreux 9:26

Man ar haha, ar a nsu matakwan te nhinkaɗ herkeda pats ngiɗè pats ngiɗè kumba. Aman antanta, man patshi herkeda ta woy a ta ndiv ta, a ngudko va a di sak staɗ, a mvau nshèffè a ri na a skwi mpil gèɗ mali nga.

1 Peter 1:20

Zhiklè a nʼngatseda nengaʼa a hai, ga herkeda a gai, nengaʼa man a ngud-koɗauda tok-tok haha a géɗ kinè.

2 Peter 3:3

Va-suna man ndul ndul herkeda a da ndiv na, ndohi mparaha civèɗ Zhiklè ta shkè, a ta jèjèr ntétékè tengaʼa, a ta gaɗa:

Jude 1:18

Aman ta gaɗa kinè, man ndul ndul ndikèma skwi tèlèba, ndohi ndérɗè ndo ta zhè, man ta jèjèr ntétékè te ndav tengaʼa, man ambaha Zhiklè ɓai.