Habakuk 1:3 - Ma Zhiklè

³ Ka geday malai a dai, a i rka matakwan a di ga èhèmè? Metsar, wuɗai, ndzoan, mbèzl va, ta zhè a sam di ga.

Habakuk 1:3 ပူးပေါင်းရင်းမြစ်များ

Ecclésiaste 4:1

A i rka a géɗ herkeda zaʼa, ara man ndo mbiaʼa a ga na matakwan a ndo nkèshèʼa. I rka kuɗa a di mbelawahai, ndo mbid ta azɓai. Ndo nʼnga ta matakwan a gi a wuɗai, ndo mbid ta azɓai.

Ecclésiaste 5:8

Ndohi tèlèba ta nda skwi gi dau, ko bai.

Esaie 46:12

Va-tsena ma ga, kinè man ndav kinè mʼmbeɗ na, man kinè dra a sam skwi mʼmbel ndo.

Esaie 5:7

Aman gi wof barassa man a Zhiklè bi mbiaʼa, nengaʼa gi Israel. Ndohi Juda, wof man a wuffè a géɗèʼa. A nhur a da ngècè skwi man amba, — a ta keɗa ndo; a nhur a da ngècè skwi nzuraʼa, — anai ta dzakaɓaʼa.

Jérémie 15:10

Mam ga, wobayè, a géɗ man ka ye-kayè! I nde ga a ndo ngi ma, a ndo ngi ndzoan a ndohi herkeda tèlèba. Dua ndo ngiɗè az a géɗ ga ɓai, dua ga az a gèɗ ndo ngiɗè ɓai, a ta derdyè tèlèba.

Jérémie 20:18

I shkè auda tʼhwaɗ mam ga èhèmè, a i rka matakwan a nlèyè, a pats nshèffè ga nʼnga a skwi horai?

Jérémie 20:8

Aman i gèɗè, i kuɗai. Wuɗai, metsar! Aman ta ngwossahayè a géɗ ma Zhiklè; lèk lèk ta derdyè.

Ezéchiel 2:6

Aman ka, ndo, ka gu zlu tengaʼa ɓai, ka gudzu te ri ma tenga ɓai, aman ta da teza ka ma a va ara vatak, ara man ka nza a géɗ varadza. Ka gu zlau ma tenga ɓai, ka gudzu a sam tenga ɓai, te man ta ndohi mèdègèɗ.

Matthew 10:16

Na haha i zlinde kinè ara tambakihai a ndev kdadidakhai. Gar haha va-gu maya ara zhüzhokihai, va-lèɓèslè ara nkuɗhomhai.

2 Peter 2:8

Ndo nzuraʼa man a nza a sam ta, a skwi tèlèba ta gu a sam di nengaʼa, a ndav nengaʼa nzuraʼa a ndzaha pèc pècèk a géɗ skwi ambaɓiaʼa man ta gau.