Genèse 8:21 - Ma Zhiklè

²¹ A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

Genèse 8:21 ပူးပေါင်းရင်းမြစ်များ

Genèse 3:17

A ngaɗa na Adam: A géɗ man ka fa na zlembaɗ a ma ngwoz ngaya, a ka ndau nyi wof man i gada ka, ka ndau nengaʼa ɓai, herkeda mphomdaʼa a géɗ ngaya. Ka da ngècè skwi tʼherkeda a wuɗi a va, a pats nshèffè ngaya tèlèba.

Genèse 4:12

Ka da pizhè gi dau, skwi a gi a pa azbai; ka da fi verzi a hi a sam nstaɗ azɓai; ka da hi a sam ngiɗè a sam ngiɗè a géɗ herkeda.

Genèse 5:29

A mbaha na Noé, a ngaɗa: Nengaʼa a da pa nga a pa a ndav, a da bid nga te mizlinè man nga gi a matakwan a géɗ herkeda, man Ndo nzi pèc pècèk a mphomda.

Genèse 6:13

A Bi Zhiklè a ngaɗa na Noé: I hur a géɗ ndikè-ma ndohai. Herkeda nʼndha a mphömè ndohai. I woy a i zede ta a nda herkeda.

Genèse 6:17

I woy a i chè iyam mbiaʼa a géɗ herkeda, a i zede skwi man a shèffè a géɗ herkeda, tʼhwaɗ giɗfèk tèlèba.

Genèse 6:5

Aman Ndo nzi pèc pècèk a rka, ndohi a géɗ herkeda ta gi skwi ambaɓiaʼa a vata, ta hér sèi skwi man ambaɓai te ndav ta pèc pècèk, a nkuɗi te ndav na,

Genèse 6:7

Ndo nzi pèc pècèk a ngaɗa: I woy a i zede ta a géɗ herkeda: ndohi man i ge ta, a skwi ndzhamhai, a skwi nda a hwaɗhai, a ɗiakihai tʼhwaɗ giɗfèk, aman i kuɗi a géɗ tengaʼa a i gada: dara i da gu ɓai.

Job 14:4

Ndo man nlizhèʼa a slaha a nyi ndo mpanaʼa de? Ko staɗ ba azɓai.

Psaumes 51:5

I ba i sun mphömè ga, mali ga a zhè a sam di ga pèc pècèk.

Psaumes 58:3

Aʼai! Kin tèlèba kin ga skwi te kokwar zura ɓai; ri kinè a ga na wuɗi a herkeda.

Psaumes 58:4

Ndohi ambaɓihiaʼa ta zlak ta daga man ta tʼhwaɗ mam ta. Ndohi ncèkèlma ta beza zlawa daga nyakaɗ ta.

Exode 29:18

a ka fa na vogwa a drok tèlèba a sam mvi skwi a Zhikiè nengaʼa skwi man ta ndara na Ndo nzi pèc pècèk, skwi man a zhkèha, skwi man ta va na Ndo nzi pèc pècèk te vogwa.

Exode 29:25

Te deɓaʼa co te ri tenga zaʼa, a ka fa na vogwa a gèɗ sam mvi skwi a Zhikiè, a va skwi man ka ndara na Zhikiè, a nzhkèha Zhikiè Ndo nzi pèc pècèk, aman nengaʼa skwi man ka va na Zhikiè te vogwa.

Proverbes 20:9

Nslaha a ngaɗa i tila mali ga, i pana; te mali ga, wa?

Ecclésiaste 7:20

Ndo nzuraʼa azɓai a géɗ herkeda man a gi sèi skwi man amba genè, man a gi mali te pa azɓai.

Esaie 47:12

Washkè a mpi kwa ngaya, a mʼmbèh skwi ngaya tèlèba, man ka gu wuɗi a géɗèʼa te gol ngaya. Gar ta slaha a ta takaha ka, gar ta slaha a ta va ka wuɗai.

Esaie 47:15

A ga ka lèmèlèmè a sam ngwozlazlihi ngaya, man ka ngeza a sam ta te gol ngaya. Ngiɗè a kèlè auna, ngiɗè a kèlè auna; ta slaha ta takaha ka ɓai, ko staɗ.

Esaie 48:8

Ka tsena ɓai, ka sun ɓai, a nhaka ka a zlembaɗ ɓai, te man i suna, ka lèɓèslɓi pal ba. Ta baha ka ndo malai daga man ka tʼhwaɗ mam ngaya.

Esaie 53:6

Nga tèlèba nga zlak nga, ara tambakihai, nga tèlèba, ngiɗè a civèɗ na, ngiɗè a civèɗ na, a Ndo nzi pèc pècèk a mʼmanda mali nga tèlèba a gèɗ nengaʼa.

Esaie 65:6

Na haha, i windo, a i jèkè azɓai,

Jérémie 17:9

Ndav ndo, ambaɓi a vata ba, nsun wa? A ngwèdè ndo a fena skwi ngiɗè.

Jérémie 18:12

Aman ta da gaɗa: Nga geda matakwan a va ambalai. Aʼai, nga woya nga jèjèr skwi te ndav nga, staɗ staɗ tèlèba a gi ara man a hur te ndav nengaʼa nsassayaʼa, man ambaɓai.

Jérémie 8:6

I fu zlembaɗ, i tsenaʼa: aman ta cèkèl ma. Ndo man a nhur shèwa na, a gaɗa: i ga mè! nʼazɓai. Ko wawa a hi a ma ara plèsh man a hi a var.

Ezéchiel 20:41

Aman kin ndaray skwai a zhkèhayè, i ce kinè a pombai, aman i da helka kinè auda te ndev ndohi nte deɓa, a i ɓicka kinè a deɓa te kokwar man i venda kinè gèɗ a pa. A i woya a i ngreda va ga auda a sam kinè, I Zhiklè nkezlaʼa, a sam di ndohi nte deɓa.

Lèv. 1:13

Aman skwi hwaɗaʼa, a sakhiaʼa, da pana a iyam. Te deɓaʼa ndo mvi skwi a Zhiklè a via tèlèba, a fa na vogwa a sam mvi skwi a Zhiklè. A ndara na Aranta skwi a Zhiklè, skwi man a va na Ndo nzi pèc pècèk te vogwa, ambaha.

Lèv. 1:17

Te deɓaʼa da wulaɗama ta kelpasl; aman da ce na auda ɓai, a ndo mvi skwi a Zhiklè a da feda a vogwa a sam mvi skwi a Zhiklè. A ndara na Aranta skwi a Zhiklè, a va na Ndo nzi pèc pècèk te vogwa, ambaha.

Lèv. 1:9

Aman skwi hwaɗaʼa, a sakhiaʼa, da pana a iyam. Te deɓaʼa ndo mvi skwi a Zhiklè da ndara tèlèba, a géɗ sam mvi skwi a Zhiklè. Aranta a ndara na skwi a Zhiklè, skwi man a va na Ndo nzi pèc pècèk te vogwa, ambaha.

Lèv. 26:31

I da mbeɗda kokwar kinè a dikai, a i gedassa sam kinè nkezlaʼa, a skwi man kin vayè da zhkèhayè a htsan bai!

Lèv. 4:31

Aman mbeza tèlèba da zla na auda, ara man ta gu a sam skwi man ta zlu te pombai. A ndo mvi skwi a Zhiklè da fa na vogwa a sam mvi skwi a Zhiklè, a ngi ambaha Ndo nzi pèc pècèk. Aranta ndo mvi skwi a Zhiklè a ngatsa na skwi mpil gèɗ, a mali nengaʼa mpraʼa.

Lèv. 8:28

Te deɓaʼa Moise a mhul skwi tèlèba a deɓa te ri ta, a mfa na vogwa a sam mvi skwi a Zhiklè. Nasa skwi man ta va na Zhiklè a pats man ta bada ta mbar a gèɗ, aman ambaha, skwi man ta va na Ndo nzi pèc pècèk te vogwa.

Nombres 15:3

a kin ndara na skwi a Zhiklè, skwi man kin ndara na, a skwi man kin zlaha na, a géɗ ma ngiɗè man kin gaɗdahai, man bai a géɗ man kin hur te ndav kinè, man bai a géɗ ngolala, man bai a géɗ man agi ambaha Ndo nzi pèc pècèk, ko zlè, ko tambak,

Matthew 15:19

Te ndav ndo, skwi ambaɓai man a hérèʼa a shkè auda: nked ndo, mphömè, nda ngwoz a nguraʼa ta gi baki a dala, ngi metsar, malwuɗi ncèkèlma, ntsi derngasl.

Jean 3:6

Skwi man a yaka te va ndo, ndo. Skwi man a yaka te Mèzhèɓ Zhiklè, Mèzhèɓ.

Romans 1:21

Ta suna, Bi Zhiklè a zhè, aman ta slébèrdè nengaʼa ara Zhiklè azɓai, ta ga na susi azɓai. Gar haha te skwi man ta hérèʼa ta zlak ta, a ndav tengaʼa, man a sun maya ɓai, nʼndha a ruva.

Romans 3:23

A sata tsaɗ tsaɗ azɓai: ta tèlèba ndohi malihai, nʼnjèl Zhiklè, ara man Zhiklè a woyaʼa, az a sam ta ɓai,

2 Corinthians 2:15

Aman nga skwi man a zhkè hongaʼa te Kristi a sam Zhiklè, te ndev ndohi man ta mbel ta, te ndev tengaʼa man ta ze ta cèw ba.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Philippiens 4:18

Aman antanta i ngreda kinè, ara man i ngots skwi tèlèba, kumba, a njèkèɗiaʼa a zhè. I tèkwèn skwi asaɓai, a géɗ skwi kinè man amba, man i ngots te ri Epaphrodite: ara skwi man kin va na Zhiklè man a wuffè a gèɗèʼa, ambaha, man a cèʼa.

1 John 5:19

Nga suna, nga ndohi Bi Zhiklè, a herkeda tèlèba a zhè te ri wuɗi nengaʼa man ambaɓai.

I Samuel 26:19

Aman tsena ma ɓèi ngaya, bi ga! A man Ndo nzi pèc pècèk a mpoko ka gèɗ ngaya auda a gèɗ ga, nga va na skwi a Zhiklè, aman a tsi gumai. Aman ndohi ta poko ka gèɗ auda, ta phomda a sam Ndo nzi pèc pècèk, a gèɗ man ta kwolyè a patsna, ta woy nga mbi a skwi Ndo nzi pèc pècèk azɓai, ta gaɗa: Do, a ka tsu ri a zhiklèhi ngiɗè!