Genèse 6:17 - Ma Zhiklè

¹⁷ I woy a i chè iyam mbiaʼa a géɗ herkeda, a i zede skwi man a shèffè a géɗ herkeda, tʼhwaɗ giɗfèk tèlèba.

Genèse 6:17 ပူးပေါင်းရင်းမြစ်များ

Genèse 2:7

A Ndo nzi pèc pècèk Zhiklè a ngu ndo a mberfenèk herkeda, a nftè na nshèffè a htsan. Aranta, ndo a zhè a nshèffè ma.

Genèse 6:13

A Bi Zhiklè a ngaɗa na Noé: I hur a géɗ ndikè-ma ndohai. Herkeda nʼndha a mphömè ndohai. I woy a i zede ta a nda herkeda.

Genèse 6:16

Ka lèkoma na gèɗ a wurom, a ka pizlèma na gèd, a ka jèka na vèvèɗ a verziaʼa, a tsi ri staɗ. A tsagi wurom, gau ntamagiaʼa. Ngelaʼa, gi te verziaʼa, te ndevaʼa, te géɗèʼa!

Genèse 6:7

Ndo nzi pèc pècèk a ngaɗa: I woy a i zede ta a géɗ herkeda: ndohi man i ge ta, a skwi ndzhamhai, a skwi nda a hwaɗhai, a ɗiakihai tʼhwaɗ giɗfèk, aman i kuɗi a géɗ tengaʼa a i gada: dara i da gu ɓai.

Genèse 7:15

to do a wurom a sam Noé, te va skwi a nshèffè tèlèba, cèw cèw.

Genèse 7:17

A iyam mbiaʼa a ngu a géɗ herkeda, mʼmèn 40. A iyam a grè a grè, a wurom a ndè a géɗèʼa.

Genèse 7:4

Te deb mʼmèn tsaraɗ i woy a i zlindè iyam a géɗ herkeda, mʼmen 40, a i gedassa skwi man i gau a nshèffè te pa tèlèba.

Genèse 9:9

Anai i derzla ma ga a nda kinè, a nda tser kinè,

Job 22:16

Man ta bazl ta, a nshèffè tengaʼa nrufa di ɓai, man iyam a hel ta ma.

Psaumes 107:34

Sam gi dau mbelaʼa a gi a matandaz, a gèɗ mali ndohi man ta nza a pa;

Psaumes 29:10

Ndo nzi pèc pècèk a nzi a géɗ iyam. Ndo nzi pèc pècèk a nzi ara bai a mèdèp.

Exode 14:17

I woy a i sassaya ndav ndohi Egypte, a ta hi a verzi tengaʼa, a i ngreda nʼnjèl ga auda a sam Pharaon, a sam kiki var nengaʼa, a sam ndohi plèshi nengaʼa.

Esaie 51:12

Iyè man i bid kinè. Ka wa man ka gi zlau ndohai, ndohi man ta bèzl ta gene, a ta ndev ta ara kuza?

Esaie 54:9

Pats haha a gi a sam ga lèmèlèmè ara pats Noé. Ara man i mbaɗa, a iyam Noé a di a shkè a deɓa a géɗ herkeda asaɓai, lèmèlèmè i mbaɗa, i da gi ndav a géɗ ngaya azɓai, i ga ka ndzoan azɓai.

Ezéchiel 34:11

A vava, Bi Zhiklè a gaɗa: Na haha i woy a i wèr tambakihi ga a ri ga, a i lè ta.

Ezéchiel 34:20

Gar haha Bi Zhiklè a gaɗa: Na haha i woy a i bèzlè kita a ri ga te ndev tambakihi ngraʼa a ngreɓiaʼa,

Ezéchiel 5:8

i gi kita ngaya, Jérusalem, a sam ngaya, a sam di ndohi nte deɓa tèlèba. I gi a mayam ngaya, Jérusalem!

Ezéchiel 6:3

Ka gaɗa: Zahi Israel, va-tsena ma Bi Zhiklè Ndo nzi pèc pècèk! Bi Zhiklè Ndo nzi pèc pècèk a goɗ a géɗ zahi a ngègèɗhi a slratshi a nkulgodokihi ar haha: Na haha i da zlindè tsakwal a sam kinè, a i gedassa sam mvi skwi a Zhiklè kinè a géɗ za.

Osée 5:14

Iyè a sam Ephraim ara kokoya, a sam ndohi gi Juda ara marizhèlè. Iyè i cizleda pa a i dè ga. I ceda skwi a ma, a mbélè auda te ri ga azɓai.

Lèv. 26:28

i woy a i gi ndav a géɗ kinè, a i ngeza kinè, sak tsaraɗ, a géɗ mali kinè.

Amos 9:6

Nengaʼa man a mpeda balak na a giɗfèk, a sak gi na a géɗ herkeda, nengaʼa man a baha na iyam te woyam, a hakaɗauda a géɗ herkeda, nzlembaɗ na Ndo nzi pèc pècèk!

Matthew 24:39

a ta hur skwi ngiɗè ɓai, ha pats man iyam mbiaʼa kalkaɗai, a nhel ta ma tèlèba. Lèmèlèmè mshkè kra-ndo.

Luke 17:27

Ta ndau, ta sau, ta co ngwoz, to do ngwoz, ha pats man Noé a ndo a wurom, a iyam mbiaʼa a mshkè, a mbazl ta tèlèba.

Romans 5:21

Aman Ièmèlèmè ara malai a gu bai a mʼmetsai, lèmèlèmè pombi ba a da gi bai a ngi-zuraʼa a nshèffe a mèdèp, te Yèsu Kristi, Bi nga.

Romans 6:23

Skwi ntul malai, mʼmetsai. Aman skwi man nga ngècè te ri Bi Zhiklè, ambalai, nshèffè a mèdèp te Kristi Yèsu, Bi nga.

Deutéronome 32:39

Va-suna, iyè nengaʼa man i zhè, Zhiklè ngiɗè az a tsagi ga ɓai. Iyè man i kéd ndo, iyè man i vi nshèffè a ndo; i tsau, a i tilèʼa; ndo man a mbèlè auda te ri ga azɓai.

Hébreux 11:7

A géɗ ncè-a-ndav na, Noé a ngu zlau Zhiklè, a ngu wurom, man a mbela gi nengaʼa, aman a ntsena ma Zhiklè, a géɗ skwi man nʼnga di ɓai. Ncè-a-ndav nengaʼa a nfa na mali a gèɗ a herkeda; aman nengaʼa a ngots ngi-zuraʼa, man nga ngè-cèʼa, a géɗ man nga co Zhiklè a ndav nga.

1 Peter 3:20

Tengaʼa halaʼa ta fa na gèɗ ɓai, aman Zhiklè a zhèr ta a ma ma, ara pats Noé, aman ta tül wurom, te pa ndohi tsamakaɗ genè ta mbel ta te ri iyam.

2 Peter 2:5

Zhiklè a mɓera ndohi zlèzlèa ɓai (sèi Noé, ndo njè ma ngi-zuraʼa, nte verzi ma tsam a kaɗaʼa), a ngoko iyam mbiaʼa a géɗ ndohi herkeda, man ta woy civèɗ Zhiklè ɓai.