Genèse 48:10 - Ma Zhiklè

¹⁰ Israel a nrka di zhèw zhèwaʼa, a slaha a nsen ta ɓai. A nherde ta ndul ndul a sam bab na. A nengaʼa a nkelawa ta ri a daʼai.

Genèse 48:10 ပူးပေါင်းရင်းမြစ်များ

Genèse 27:1

Isaac nhala ma, a rka di zura ɓai, a mbaha na Esau, tsuvom na, a ngaɗa na: Kra ga! A nengaʼa a mʼmbeɗa na a ma: Iyè anai!

Genèse 27:27

A nengaʼa a mdo, a nkelawa na ri a daʼai. A maslaka kra na a nzhkèha, a mpshè na ma: Na haha, va kra ga a zhkèhayè, ara man a shkè te dak, man Ndo nzi pèc pècèk a mpshè na ma.

Genèse 31:55

Te mangoslèmaʼa a prèk te gai, Laban a nʼnga ta mbalai a wud dalahi na, a dalahi na, a mpshè ta ma. Te deɓaʼa Laban a ndo na, a mʼmenkaɗa deɓa a sam nʼnzi na.

Genèse 45:15

Te deɓaʼa a nkelawa ta ri a daʼai a kramamhi na tèlèba, a nkuɗai, a nhumbat ta. Te deɓaʼa kramamhi nengaʼa ta tsu tsaval a vna.

Genèse 48:11

A Israel a ngaɗa na Joseph: Te va nasa i hur a i gaɗa i da rka di ngaya asaɓai. Antanta Zhiklè a ntakahayè, a i rka wudahi ngaya ba.

Genèse 48:8

Aman Israel a nrka ta wudahi Joseph, a ngaɗa: Tengaʼa wa?

I Rois 19:20

A nengaʼa a njèkeda zlèhi a pa, a ndzodzor Elie, a ngaɗa: Vay civèɗ a i dè a i ga ta mbali a bab ga a mam ga dai. Te deɓaʼa i da shkè, a i dè a verzi ngaya. A Elie a ngaɗa na: Do, a ka menkada deɓa. Skwi man i takaha ka a vna a zhi dè?

Ecclésiaste 12:3

Hur Zhiklè nʼnge ka, aman ka hal di ɓai, ga pats man wuɗitpa a shkè, ga ka ndikè na va mvi man ka gada: ta ambahay ɓai,

Esaie 59:1

Na haha, ri Ndo nzi pèc pècèk tüsl kata genè ka ɓai, a slaha a mbel kinè genè. Nzlembaɗ nengaʼa nʼndè ɓai, a slaha a ntsena genè.

Esaie 6:10

Sassaya ndav ndohi haha, ndèma ta zlembaɗ, ndèma ta dai, a ta rka di ɓai, a ta tsena zlembaɗ ɓai, a ndav tengaʼa a ngècè may a azɓai, ta da menkaɗa deɓa asaɓai, a ta mbél ta azɓai.

Deutéronome 34:7

Mvi Moise 120, aman a mʼmets na. Di nengaʼa az zawzawa di ɓai, va nengaʼa nara gola dai.

I Samuel 3:2

Pats ngiɗè a gu ar haha: Eli a nzhunè a sam mʼmènè na. Vogwa a sam skwi nfi vogwa mʼmbats di ɓai. Di Eli ngawalaʼa, a slaha a nrka di ɓai.

I Samuel 4:15

Mvi Eli 98, a rka di asaɓai.