Genèse 41:14 - Ma Zhiklè

¹⁴ A Pharaon a nzlündo ndo, da baha na Joseph. A ta prekoɗauda tsam-tsam te gi dangai. Nengaʼa a nsha gèɗ, a mfeda maslaka ngiɗè a va, a ndo a sam Pharaon.

Genèse 41:14 ပူးပေါင်းရင်းမြစ်များ

II Samuel 19:24

Mephibosheth, kra Saul ba, a mshke, aman a nlamaha bai. Skwa a te sak ɓai, bozozom ntil ɓai, maslaka mpan ɓai, a hün te pats man bai a njèkeda kokwar, ha pats man a mshkè ngwi amba amba.

II Rois 25:29

A nsuɗama na maslaka dangai auda a va, a Jojakin a nʼndau skwi a sam na pèc pècèk, a pats nshèffè nengaʼa tèlèba.

Esther 5:1

Te mʼmèn mamakaraʼa Esther a mfeda maslaka ngwoz bai a va, a ndo a nʼnza zuraʼa a ma gai, a gala bai. Bai a nʼnza te gi na, a géɗ sam nʼnzi bai, zuraʼa a ntamagi na.

Exode 10:16

A Pharaon a mbaha ta nda Moise a Aaron tsam tsam, a ngaɗa ta: I gu malai a sam Ndo nzi pèc pècèk, Zhiklè kinè, a sam kinè ba.

Ecclésiaste 4:14

Ndo dangai ambalai a slaha a ndi a bai; aman kra bai a slaha a ndi a ndo ntawassaʼa.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Daniel 2:25

A Arjoc a nda Daniel a sam bi tsam-tsam, a ngaɗa na: I ngots staɗ te va ndohi Juda man ta helka ta a ɓèlè te va nasa, man a da ngra na verzi nshunè a bai.