Genèse 4:4 - Ma Zhiklè

⁴ Abel ba a mva na te va tsuvom rèwè skwi na, a mbezaʼa. Abel, a skwi man nengaʼa a mva na Ndo nzi pèc pècèk, ambaha.

Genèse 4:4 ပူးပေါင်းရင်းမြစ်များ

Genèse 15:17

Aman pats nkala ma, sam nkezawa ma; a vodzok a ɗüzhè, a skwi ntiv vogwa a shèwèlè te ndev zluèd ntserahahiaʼa.

Genèse 4:3

Te deɓ kètè, Cain a mva na skwi a Ndo nzi pèc pècèk te nyi skwi gi dau na.

I Rois 18:24

Te deɓaʼa kin tsi ri a nzlembaɗ Zhiklè kinè. A iyè, i tsi ri a nzlembaɗ Ndo nzi pèc pècèk. Nengaʼa man a da mbeɗka nga a ma, a zlindkoɗi vogwa, nengaʼa Zhiklè. A ndohi tèlèba ta gada: Amba!

I Rois 18:38

A vogwa Ndo nzi pèc pècèk a nkalkaɗahai, a nʼndau zluèɗ marai, a shègwa, a kwa, a hutsoɗ a nsha iyam te vèvèɗ, tèlèba,

I Chroniques 21:26

David a nrom sam mvi skwi a Ndo nzi pèc pècèk a samaʼa, a nʼndara na skwi a Zhiklè, a mva na skwi a Zhiklè te nshid gèɗ. A ntsu ri a Ndo nzi pèc pècèk, a Ndo nzi pèc pècèk a mʼmbeɗka na ma a vogwa te zhiklè, man a nzlündkoɗahai a sam mvi skwi a Zhiklè.

II Chroniques 7:1

Aman Salomon a nʼndeva ntsi ri nengaʼa ma, vogwa a nkalkaɗahai te zhiklè, a nʼndeda skwi man ta ndara na Zhiklè a ta zlaha na Zhiklè a ma, a nʼnjèl Ndo nzi pèc pècèk a nʼndha gi Zhiklè.

Psaumes 20:3

Da zlinda ka skwi ntakaha ka te sam nkezlaʼa, te za Sion da nzal ka!

Exode 13:12

kin da va na skwi tèlèba man a shkè auda tʼhwaɗ mam na, tsuvom skwai, a Ndo nzi pèc pècèk. Skwi nkaldeka ma hai a ma ma man kin ngotso, man ngurhiaʼa, a Ndo nzi pèc pècèk.

Proverbes 3:9

Slubordo Ndo nzi pèc pècèk te skwi ngaya man ka va na te nshèlèkur skwi man ka ngots tèlèba.

Ecclésiaste 4:4

A i rka mizlinè tèlèba man ndo a geda matakwan a va a vna; skwi tèlèba, sèi srak genè, ngiɗè a gi srak a géɗ ngiɗè, ngiɗè a gi srak a géɗ ngiɗè. Ko skwi haha, skwi ambalai, nara nhi a gerzi kozlar.

Lèv. 9:24

a vogwa a nshkè auda te Ndo nzi pèc pècèk, a nʼndeda skwi man ta ndara na, a mbeza a géɗ sam mvi skwi a Zhiklè a ma. Aman ndohi tèlèba ta rkaʼa, ta wuffè, a ta kalahai a deb sak Zhiklè.

Nombres 16:15

A Moise a ngu ndav kumba a géɗ nengaʼa, a ngaɗa na Ndo nzi pèc pècèk: Ka co skwi man ta va ka ɓai! Ko kɗèh i cèma ta ɓai, ko ndo ngiɗè i lama ta ɓai.

Nombres 16:35

Te deɓaʼa vogwa a nshkè auda te Ndo nzi pèc pècèk, a nʼnde ta ndohi 250 man ta ndèr ɓurdi, a ma.

Nombres 18:12

Mbar mbelaʼa tèlèba, nyi wof a dau mbelaʼa, skwi nshèlèkuraʼa haha tèlèba, man ta da va na Ndo nzi pèc pècèk, i va ka.

Nombres 18:17

Aman tsuvom zlè, a tambak, a ɓok, ka humbaɗa bai. Tengaʼa skwi nkezlaʼa. Ka guceda Pombaz tengaʼa a sam mvi skwi a Zhiklè; mbeza a ka fa na vogwa, a vodzok a zhkè-ha a Ndo nzi pèc pècèk, ambaha.

Hébreux 11:4

A géɗ ncè-a-ndav, Abel a nzla na skwi man ambaha Zhiklè holholaʼa, a fena Cain. A géɗ ncè-a-ndav nengaʼa, Zhiklè a nʼngreda auda ara ndo nzuraʼa, a nco skwi man a va na; a Abel, ko mʼmetsa ma, a gèɗè.

Hébreux 9:22

Aman te ma kita, njèkè kèshkata a ngi skwi tèlèba, Pombaz a pènèʼa. Aman pombaz mbadahi ɓai, mprè mali azɓai.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Juges 6:21

Te deɓaʼa gol Ndo nzi pèc pècèk a ngeda gaɗa te ri na, a nlama na zluèɗ a movar man skwi nshégèrè a te dia ɓai a ma gaɗa, a vogwa a mshkè auda te kwa, a nʼndeda zluèɗ a movar man skwi nshégèrè a te dia ɓai a ma. A gol Ndo nzi pèc pècèk a mwuc na a sam di na.

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.