Genèse 4:15 - Ma Zhiklè

¹⁵ A Ndo nzi pèc pècèk a ngaɗa na: Az arsa Bai! Ndo nkeda Cain, a pil gèd, a gi sak tsaraɗ. A Ndo nzi pèc pècèk a nʼnga na skwi a va Cain, aman ko wawa man ta zli gèɗ a vna, ta kéɗèʼa azɓai.

Genèse 4:15 ပူးပေါင်းရင်းမြစ်များ

Genèse 4:24

A ta pil gèd Cain a gi sak tsaraɗ. A Lémec ta da pilèʼa a gi sak 77.

I Rois 16:7

A Ndo nzi pèc pècèk a ngaɗa na Baescha a ndohi gi na, te ma Jéhu, ndo nhadka ma, kra Hanani, a géɗ skwi man ambaɓi tèléba man a gu a sam Ndo nzi pèc pècèk, a géɗ skwi man ri nengaʼa a ngau, aman a poko na gèɗ ndav auda a vna, lèmèlèmè ara ndohi gi Jéroboam ta gau, a Ndo nzi pèc pècèk a ngedas ta aussa.

Psaumes 59:11

Zhiklè ga a da vay pombai; Bi Zhiklè a gi aman i ngwoshè a géɗ mayamhi ga.

Psaumes 79:12

A nslamagihi nga, menda ta ngwoshè man ta ngwossaha ka, Bai, Zhiklè, a deɓa a gi sak tsaraɗ.

Proverbes 6:31

Aman ta ngots a géɗèʼa, a pilèʼa sak tsaraɗ, ko a pilèʼa a skwi nte gi na tèlèba.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Ezéchiel 9:6

Va-bazl ta tèlèba, ko babgai, ko gola, ko bidali, ko kra, ko ngwoz, va-zede ta! Aman ko wawa man lamba mwindèʼa a medi na, kin lama na bai. Va-hüno a sam ga nkezlaʼa. A ta hüno a sám ndohi nhalaʼa man ta zhè te gi Zhiklè.

Osée 1:4

A nengaʼa a nʼngots kra, a nyu kra nguraʼa. Ndo nzi pèc pècèk a ngaɗa na: Va na nzlembaɗ na Jizreel. Aman njèkè kètè dai, ndohi te gi Jehu sèi ta pela na gèɗ a Jizreel, a géɗ man ta bazl ta ndohi na, a i zede kokwar-bi Israel.

Lèv. 26:18

Aman ko gar haha kin gi mèdègèɗ a sam ga genè, i ga kinè kita holholaʼa, sak tsaraɗ, a gèɗ mali kinè.

Lèv. 26:21

Aman kin salay va a gèɗ, a kin gi mèdègèd a sam ga, i ga kinè matakwan a vaʼa sak tsaraɗ, ara mali kine.

Lèv. 26:24

i ba i Sala kinè va a gèɗ, a i ga kinè matakwan, sak tsaraɗ, a gèɗ mali kinè.

Lèv. 26:28

i woy a i gi ndav a géɗ kinè, a i ngeza kinè, sak tsaraɗ, a géɗ mali kinè.

Matthew 26:52

A Yèsu a ngaɗa na: Ciɓda gwèsh a gi na! Aman ndohi tèlèba man ta phè gwèsh auda, ta da metsi te ri gwèsh.

Apocalypse 14:11

A vodzok matakwan tengaʼa a dè a géɗèʼa a ma ma a mèdèp, a tengahi man ta tsi ri a skwi dak a skwi man ta gu ara nengaʼa, a ndohi a lamba nzlemba na a va, ta ngècè nshèk va azɓai, ko a pats ba ko a vaɗ ba.

Apocalypse 14:9

A gol Zhiklè mamakaraʼa a ndzudzorko te deɓa, a ngoɗ a ngèɗè mbiaʼa: Ndo man a tsi ri a skwi dak, a skwi man ta gu ara nengaʼa, a nkala rai, a mbazla medi a lamba nengaʼa,