Genèse 4:10 - Ma Zhiklè

¹⁰ A Ndo nzi pèc pècèk a ngaɗa: Ka ga mè? Tsenaʼa! Pombaz kramam ngaya a kuɗi a sam ga te dak.

Genèse 4:10 ပူးပေါင်းရင်းမြစ်များ

Genèse 18:20

Ndo nzi pèc pècèk a gada: Labar ma Sodome a Gomorrhe mbiaʼa, mali tengaʼa mbiaʼa holholaʼa.

Genèse 3:13

A Ndo nzi pèc pècèk Zhiklè a ngaɗa na ngwoz: Ka ga mè? A ngwoz a mʼmbeɗa na a ma: Zhüzhok a mpiyè a wai, a i ndau.

Genèse 9:5

Aman nshèffè kinè ba, i da jhèɗè a deɓa. I jhèɗè a deɗa te ri skwi dakhi tèlèba, a i jhèdè nshèffè ndohi a deɓa te ri ndawa ndawa.

II Rois 9:26

I rka pombaz Naboth a pombaz wudahi nengaʼa adatsa, Ndo nzi pèc pècèk a gada: I dè pilè a ka te dak haha. Ani co, a ka kalda a ndev dak, ara man Ndo nzi pèc pècèk a ngoɗa.

II Chroniques 28:9

Te pa, ndo nhadka ma Ndo nzi pèc pècèk, nzlembaɗ na Obed, a mdo aman ta zli gèɗ a ndohi var man ta men ta a deɓa a kokwar Samarie, a ngaɗa ta: Ndo nzi pèc pècèk, Zhiklè babhi kinè a mpa kinè a rai, a géɗ man a gi ndav a géɗ ndohi Juda, a kin bazl ta a shèwa man a ndikaha zhiklè.

Job 16:18

Herkeda, ka vsha na herkeda a di a Pombaz ga ɓai, ka ngheda kuɗa ga ɓai!

Job 24:12

Ta dzam ta auda te kokwar, te gai; wudahi tengaʼa ta kuɗai, aman Bi Zhiklè a nde zlembaɗ na a kuɗ tengaʼa.

Psaumes 50:21

Ka gu arsa, a i nza tètè; a ka huro, i lèmèlèmè ara ngaya. Aman antanta i ga ka ndzoan, i ngra ka tèlè.

Psaumes 72:14

A sumka ta nshèffè ta a deɓa te ri ndohi wuɗai, te ri skwi man a ga ta matakwan. Nshèffè tengaʼa, gani a pa kumba a sam di na.

Psaumes 9:12

Va-sla na dimèsh a Ndo nzi pèc pècèk, man a nzi a sam nʼnzi bai te Sion. Va-njè ta ndohi herkeda skwi man a gau.

Psaumes 9:13

Aman nengaʼa a hér ndo man a keɗa ndo, a jhèɗè pil gèɗ; kuɗ ndohi te matakwan a pca na a gèɗ azɓai.

Exode 3:7

Ndo nzi pèc pècèk a ngaɗa: I rka matakwan ndohi ga te kokwar Egypte, a i tsena lalau tengaʼa a géɗ ndohi man ta ndzaraha ta a wuɗai. Na haha i sun matakwan tengaʼa.

Esaie 5:7

Aman gi wof barassa man a Zhiklè bi mbiaʼa, nengaʼa gi Israel. Ndohi Juda, wof man a wuffè a géɗèʼa. A nhur a da ngècè skwi man amba, — a ta keɗa ndo; a nhur a da ngècè skwi nzuraʼa, — anai ta dzakaɓaʼa.

Nombres 35:33

Kin lizha kokwar man kin nza te pa bai! Ndo nkeɗe ndo a lizhè kokwar, a kokwar a ngècè skwi mpil gèɗ azbai, sèi man ta keɗa ndo nkeɗe ndo.

Actes 5:3

A Pierre a ngaɗa: Ananias, Sadan a nʼndha ndav ngaya èhèmè, aman ka cèkèlma a sam Mèzhèɓ Zhiklè nkezlaʼa, a ka nghedaha Suli gi dau ngaya kètè?

Actes 5:9

A nengaʼa a ngaɗa: Halau! A Pierre a ngaɗa na ngwoz: Kin humda ma kinè, aman kin jkedè Mèzhèɓ Bi Zhiklè èhèmè? Na haha sam sak ndohi man ta ri baki ngaya, a cinè a ntamagai. A ta da zuɓ ka lèmèlèmè.

Deutéronome 21:1

Aman te kokwar man Ndo nzi pèc pècèk, Zhiklè ngaya, a va ka a skwi ngaya, ta ngècè ndo nkeɗaʼa te dak, a ta sun ndo nkeɗa ɓai,

Hébreux 11:4

A géɗ ncè-a-ndav, Abel a nzla na skwi man ambaha Zhiklè holholaʼa, a fena Cain. A géɗ ncè-a-ndav nengaʼa, Zhiklè a nʼngreda auda ara ndo nzuraʼa, a nco skwi man a va na; a Abel, ko mʼmetsa ma, a gèɗè.

Hébreux 12:24

a sam Yèsu, man ta bezda na nderzlè-ma mɓuaʼa a rai, a sam pombaz man nguca a pa, man a gèɗè amba holholaʼa, a fena pombaz Abel.

Jacques 5:4

Na haha, ndohi ntsi dau, man kin va ta skwi ntul ta ɓai, ta kuɗi a géɗ kinè, a kuɗ tengaʼa a tsena na a zlembaɗ a Bi Zhiklè.

Josué 7:19

A Josué a ngaɗa na Acan: Kra ga, slubordo Ndo nzi pèc pècèk, Zhiklè Israel! Ngreda na mali ngaya! Gadayè skwi man ka gau, ka ngheda skwi a sam ga ɓai!

I Samuel 13:11

A Samuel a ngaɗa na: Ka ga mè? Saul a mʼmbeɗa na a ma: Aman i rka, ndohi ta jèkyè, ta venda gèɗ ta, a ka, ka shkè te pats mpèsl ri ɓai, a ndohi Philistie ta ɓica va ta te Micmash ma,