Genèse 39:2 - Ma Zhiklè

² A Ndo nzi pèc pècèk a zhè a sam Joseph; a skwi tèlèba man a gau, ngau amba, a slaha a nʼnzi a gi ndo Egypte, babgi na.

Genèse 39:2 ပူးပေါင်းရင်းမြစ်များ

Genèse 21:20

A Bi Zhiklè a zhè a nda kra. A gre, a nʼnza tʼhèshèkèɗ, ndo lèkèɗ.

Genèse 21:22

Te ndev nasa, bi Abimélec, a Picol, bi sojè nengaʼa, ta gaɗa na Abraham: Bi Zhiklè a zhè a nda ka te skwi tèlèba man ka giaʼa.

Genèse 26:24

A Ndo nzi pèc pècèk a ngudoko na va a dai a vaɗ sa, a ngaɗa: Iyè Zhiklè Abraham, bab ngaya. Ka gu zlau ɓai, i zhè a sam ngaya. I woy a i pshè ka ma a ndohi verzi ngaya ta mènè a vata, a géɗ Abraham, ɓèl ga.

Genèse 26:28

Ta gaɗa na: Anai nga rka a vava, Ndo nzi pèc pècèk a zhè a nda ka. Gar haha nga huro, dara nga dérzlè ma nga a ka a mʼmbèɗè, a nga derzla ma nga a ka,

Genèse 28:15

Anai i zhè a sam ngaya, a i ɓer ka a sam tèlèba man ka dè a pa, a i minde ka a deɓa a kokwar haha. I woy a i jèke ka azɓai, ha a i ga tèlèba man i pasla ka rai.

Genèse 39:23

Ndo mɓer gi dangai a nhera a géɗ skwi ngiɗè ɓai, man a mva na a ri a Joseph, a géɗ man Ndo nzi pèc pècèk a zhè a sam na, a ntakaha te skwi tèlèba man a giaʼa, a gi amba.

Genèse 39:3

Aman babgi nengaʼa a nrka, Ndo nzi pèc pècèk a zhè a sam na, a Ndo nzi pèc pècèk a ntakaha te skwi tèlèba man a gau,

II Rois 18:7

Ndo nzi pèc pècèk a zhè a nda nengaʼa. Skwi tèlèba man a giaʼa, ngu amba amba. A nslambaɗa na va a bi Assyrie, a mpa na mpil gèɗ te deɓaʼa asaɓai.

I Chroniques 9:20

Te va nasa, Phinées, kra Eléazar, bi tengaʼa; a Ndo nzi pèc pècèk a zhè a nda nengaʼa.

II Chroniques 1:1

Salomon, kra David, nʼnzala te bi ma, a Ndo nzi pèc pècèk, Zhiklè nengaʼa, a zhè a nda nengaʼa, a ngaʼa a mbiaʼa.

Psaumes 1:3

Nengaʼa ara wof nʼngaʼa a ma woyam, man tidè sam nyi wuda na, a yi wuda, a vah nengaʼa a wushè azɓai, skwi tèlèba man a hinè ngiaʼa a ndikè na amba amba.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 46:7

Ndohi herkeda ta rubai, kokwar-bihai tsaɗ tsaɗ ta gedas ta. Aman Zhiklè a gèɗè, herkeda a gudzai.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 43:2

Aman ka bizhè a va iyam, i zhè a sam ngaya. Aman ka bizhè a ndev woyam, iyam a mbizhèma ka a pa azɓai. Aman ka bizhè a ndev vogwa, a la-war ka azɓai, nèʼèn vogwa a nde ka ma azɓai.

Jérémie 15:20

I ge ka a zlazlar züdo man wuɗi na zhè, a géɗ ndohi haha; ta da gi var a ka, aman ta da fen ka azɓai. I zhè a nda ka, a i takaha ka, a i mbel ka, Ndo nzi pèc pècèk a gaɗa.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Actes 8:31

A nengaʼa a ngaɗa: I sun ko tema, man ndo a ngray ɓai? A mbaha na Philippe a kikai, a nzi a tsagi nengaʼa.

1 Timothy 6:1

Ko wawa man a gi mizlinè ɓèlè, da slubordo babgi na, a ndohi ngiɗè ta dérɗè nzlembaɗ Zhiklè, a ma Zhiklè, azɓai.

Josué 1:5

Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.

Josué 6:27

Aranta Ndo nzi pèc pècèk a zhè a nda Josué, a labar ma Josué a zlèzlèmè te kokwar tèlèba.

I Samuel 16:18

Staɗ te va ɓèlèlihi nengaʼa a ngaɗa: Na haha, i rka kra Isai te Bethlèhem man a sun ntsi ganzavar, ndo slagama, ndo ncèmma, va nengaʼa daɓaraʼa, Ndo nzi pèc pècèk a zhè a nengaʼa.

I Samuel 18:14

Aman maya David a zhè a civèɗ nengaʼa tèlèba. Ndo nzi pèc pècèk a zhè a nda nengaʼa.

I Samuel 18:28

Aman Saul a nrka, Ndo nzi pèc pècèk a zhè a nda David, a ndohi Israel tèlèba ta woyaʼa,

I Samuel 3:19

Samuel a grè a ma ma, a Ndo nzi pèc pècèk a zhè a sam nengaʼa, a ma nengaʼa tèlèba a fshèwa azbai, ko staɗ.