Genèse 38:24 - Ma Zhiklè

²⁴ Te deɓ ki makar, ta ngra na Juda: Tamar, ngwoz kra ngaya, a ngu mphömè. Kra tʼhwaɗ na. A Juda a ngaɗa: Sèi ta gskoɗi a ta kalda a vogwa!

Genèse 38:24 ပူးပေါင်းရင်းမြစ်များ

Genèse 20:3

Aman a vad, Bi Zhiklè a ngaɗa na bi Abimélec te nshunè: A vava ka da metsi ngaya, a géɗ ngwoz man ka co; nengaʼa ngwoz ndo.

Genèse 20:7

Gar haha va na ngwoz a deɓa a baki na, nengaʼa ndo nhadka ma. Nengaʼa a da tsi ri a géɗ ngaya, a ka nzi a nshèffè. Aman ka da va na a deɓa azbai, ka da metsi ngaya, a ndohi gi ngaya tèlèba.

Genèse 20:9

A Abimélec a mbaha na Abraham, a ngaɗa na: I ga ka mè, aman ka fay mali a géɗ, a géɗ kokwar-bi ga ar haha? Ka gu skwi man ambaɓai a sam ga!

Genèse 34:31

Aman ta mbeɗa na a ma: Aman ta rka demam nga ara fali dam, amba ɗè?

Genèse 38:23

A Juda a ngaɗa: Da hul skwi sa mènè. I woy aman a ta diyè a hi ɓai. Iyè, i zlinda na ɓok, a ka ngatsa ɓai, tsoi mènè!

II Samuel 12:5

A ndav a ndza na David a vata a géɗ ndo sa, a ngaɗa na Nathan: Ara man Ndo nzi pèc pècèk a zhè: ndo man a ngau arsa, da mets na!

II Samuel 12:7

Nathan a ngaɗa na David: Ndoʼa, ka! Ndo nzi pèc pècèk, Zhiklè Israel, a goɗ aranta: Iyè, man i bada ka mbar a gèɗ, a i ge ka a bi Israel. Iyè man i mbel ka auda te ri Saul.

Ecclésiaste 7:26

A i slebau: ngwoz wuɗitpa, a fena mʼmetsai. Ndav nengaʼa nara gadda, ndav nengaʼa nara lata, ri nengaʼa nara teɓa. Ndo man ambaha Zhiklè, a mbelkaɗ na auda te ri na! Aman ndo malai, ngwoz sa a ngso!

Jérémie 2:20

Nʼnzi a zhè ma, ka proslko wof nkelawa te daʼai ngaya auda, ka ngesla teɓa ngaya, a ka gaɗa: I woy a i nzi a ɓèlè ɓai! Aman a géɗ za mbiaʼa tèlèba, a verzi wof ndizlimaʼa tèlèba, ka mana tʼhai, fali dam!

Jérémie 3:1

Zhiklè a gaɗa: Ndo man a kwola ngwoz na, a dè ngwoz a gi ndo ngiɗè, a slaha a ncè a deɓa a ngwoz na ɗè? Ngwoz matsa mphoma. Aman ka, Israel, ka woy baki tsaɗ tsaɗ, a ka slaha ka shkè a deɓa a sam ga dè?

Jérémie 3:6

Ndo nzi pèc pècèk a ngaɗayè, te va man Josias bai. Ka rka skwi man Israel, ngwoz man a nkwolyè, a gu ɗè? A mdo a géɗ zahi mbibihiaʼa tèlèba, a verzi wof ndizlimaʼa tèlèba, a ngu mphömè a pa.

Jérémie 3:8

Nrkaʼa, i jèkeda Israel a géɗ mphömè nengaʼa tèlèba, a i va na ɗèlèwèr njèkè ngwoz. Aman Juda, man nlèɓèslɓai, nʼnga zlau ɓai. Nenga ba a mdo, a ngau mphömè.

Ezéchiel 16:15

Aman ka, ka gso va a mbambi ngaya, ka fu va a géɗ labar ma ngaya, a ka gu falai a ka gu mphömè a ndohi tèlèba man ta beza ka a tsagai.

Ezéchiel 16:25

a zolom civèɗ tèlèba, ka rom sam mʼmbèh skwai a ka derɗa mbambi ngaya a vna. Ka pe ta ndohi man ta beza ka a tsagai, a wai, a ka gau mphömè kumba.

Ezéchiel 16:26

Ka gu mphömè a nda ndohi Egypte, nslamagihi ngaya man wuɗi ta zhè, a ka gu mphömè a ma ma, a ka pokoy gèɗ ndav auda a vna.

Ezéchiel 16:28

Ka gu mphömè a nda ndohi Assyrie, a géɗ man mphömè a ngeza ka di ɓai. Te deɓaʼa ka gu mphömè a ma ma, ka ngeza bi genè.

Ezéchiel 16:41

Ta da fa na vogwa a gi ngaya, ta gi kita ngaya a sam di ngwozi kumba. I gia arsa, aman i ndeva ngi mphömè ngaya, a ka vi skwi mbalai a géɗ mphömè te deɓaʼa asaɓai.

Ezéchiel 23:19

Aman nengaʼa a nhurkoɗi pats dali na, man a gu mphömè a Egypte.

Ezéchiel 23:44

To do a sam Ohola a Oholiba, ngwozi mphomaʼa, ara man ta dè a sam fali dam.

Ezéchiel 23:5

Ohola a njèkyè, a ngu ntétékè a ndohi Assyrie man ta woyaʼa.

Osée 2:5

Man ɓai i suɗama na maslaka auda a va, a nzi adai ara pats nyi nengaʼa. A i ngwoda na va a ngi ara hèshèkèɗ, ara sam nharkangkangaʼa, a i zeda te ri mi iyam.

Osée 3:3

A i gaɗa na: Sèi ka nzi a sam ga; ka gu mphömè asaɓai, ka mènè a baki asaɓai, i ba arsa.

Osée 4:15

Israel, ka gi mphömè; aman Juda da gu mali ɓai! Kin do Guilgal ɓai, kin teva Beth-Aven ɓai! Kin mbada arsa ɓai; ara man Zhiklè a zhè a nshèffe!

Lèv. 20:10

Aman ndo ngiɗè a gi mphömè a ngwoz nslamagi na, sèi ta bazl ta cèw ba, nguraʼa a ngwoz man ta gu mphömè.

Lèv. 21:9

Aman dem ndo mvi skwi a Zhiklè a gi mphömè, a lizhè va na a vna, a derɗe bab na, sèi ta fa na vogwa.

Romans 14:22

Ɓür ncè-a-ndav man ka ngotso a sam di Bi Zhiklè. Mwuffè a zhè a sam ndo man a gi skwi te mèzhèɓ ndav amba.

Deutéronome 24:16

Da keɗa bab kra a géɗ mali wudahi na ɓai, a wudahi a géɗ mali bab ta ɓai. Staɗ staɗ tèlèba da mets na a géɗ mali na.

Juges 19:2

A ngwoz matsa a ngu mphömè, a mhu na a gai, a gi bab na, te Bethléhem te Juda, a nʼnza te pa ki fad.