Genèse 37:8 - Ma Zhiklè

⁸ A kramamhi nengaʼa ta gaɗa na: Ka woy a ka gi bi a géɗ nga ɗè, a ka woy a ka kwor nga ɗè! A ta gu shèwa holholaʼa a géɗ nshunè nengaʼa man a ngra ta.

Genèse 37:8 ပူးပေါင်းရင်းမြစ်များ

Genèse 27:41

A Esau a gi shèwa a Jacob, a géɗ mpshè ma man bab na a mpshè na ma a vna. Esau a ngoɗ te géɗ na: Ndul ndul ma, ta da kuɗi bab ga. Te deɓaʼa i woy a i keɗa Jacob, kramam ga.

Genèse 37:4

Aman kramamhi nengaʼa ta rka, bab tengaʼa a woy Joseph a fena kramamhi na, ta gu shèwa a vna, ta gaɗa na ma nhènèkèa azɓai.

Genèse 37:9

A nshun ngiɗè a nkeɗaʼa, a ngaɗa ta kramamhi na zaʼa: Na haha, nshunè a nkeɗyè zaʼa: Pats a kia a bantihi 11, ta gudko gèɗ, ara man ta gurɓahai a sam ga.

Genèse 42:10

A ta mbeɗa na a ma: Aʼai, bi nga! ɓèlèlihi ngaya ta shkè a ta da shum skwi nʼndai.

Genèse 44:18

Juda a nherda na va, a ngaɗa: Ɗakwa, bi ga, va na civèɗ a ɓèl ngaya, a ka tsena ngèɗè ga staɗ. Ka gu ndav a géɗ ɓèl ngaya ɓai! Ka mbiaʼa lèmèlèmè ara Pharaon.

Genèse 49:26

Mpshè ma bab ngaya mbiaʼa, a fena mpshè ma kurv kurvaʼa te za tʼhinèkaɗ na, mwuffe man a bababhi zlèzlèa. Skwi haha da shkè a géɗ Joseph, a ndev gèɗ ndo nkezlaʼa te va kramamhi na.

Genèse 50:18

Te deɓaʼa kramamhi na to do a sam na a ri ta, a ta kalahai a deɓ sak nengaʼa, a ta gaɗa: Na haha, ge nga a ɓèlèlihi ngaya!

Psaumes 118:22

Kwa man ndohi ndizlè gai ta kwolaʼa, nʼngaʼa a kwa nte verziaʼa.

Exode 2:14

A nengaʼa a mbeɗa na a ma: Nʼnge ka a bi a ndo kita nga wa? Ka woy a ka keɗyè, lèmèlèmè ara man ka keɗa ndo Egypte dè? A Moise a ngu zlau, a nhuro: A vava ta sun skwi man i gau.

Luke 19:14

Aman ndohi kokwar sa, ta gu shèwa a vna. Ta zlinde ta ndohi sak tengaʼa a verzi na, a ta gaɗa: Nga woya nengaʼa a bi nga ɓai!

Luke 20:17

A nengaʼa a mpa ta dai, a ngaɗa: Na haha, ma mè, man ta Windo: Kwa man ndohi nrèm gai ta kwolaʼa, nʼngaʼa a kwa nte verziaʼa?

Actes 7:35

Moise haha, man ta kwolaʼa, a ta gaɗa: Nʼnge ka a ndo mbiaʼa a ndo kita te ndev nga wa? Nengaʼa Zhiklè a nzlündo a ndo mbiaʼa, a ndo mʼmbel ndo, man gol Zhiklè a ngudoko na va a dai te ndev vatak.

Deutéronome 33:16

a skwi mbelaʼa man a yi tʼherkeda, a skwi nengaʼa kumba tèlèba. A pombi Zhiklè man a ngudoko na va a dai te wof ntustusaʼa da shkè a géɗ Joseph, a géɗ nengaʼa man a ngotskoɗauda te va kramamhi na.

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

I Samuel 10:27

Aman ndohi falihi ngiɗè ta gaɗa: Ndo haha a slaha a ntakaha nga te mè? Ta rka Saul ara ndo ambalai, a ta va na skwi mbali ɓai.

I Samuel 17:28

Aman Eliab, kramam na tsuvomaʼa a ntsenaʼa, ta goɗ a ndohai, a ngu ndav a géɗ David, a ngaɗa: Ka shkè mè, ka jèkeda tambaki tʼhèshèkèɗ a ri ngè? I suna, ka gre gèɗ ngaya, a ka hur skwi ambaɓiaʼa te gèɗ. Ka shkè a ka wèr var genè.

I Samuel 18:8

A Saul a ngu ndav a vata. Ma haha ambaha ɓai, a ngaɗa: Ta gaɗa a David 10.000, a ga ga sèi gozhèm staɗ. Njèkè na ngi bi mènè!