Genèse 3:20 - Ma Zhiklè

²⁰ A Adam a mbaha na ngwoz nengaʼa, Eve, aman nengaʼa nʼnga a mam ndohi nshèffè tèlèba a géɗ herkeda.

Genèse 3:20 ပူးပေါင်းရင်းမြစ်များ

Genèse 16:11

A gol Ndo nzi pèc pècèk a ngaɗa na a vaʼa: Na haha, ka a hwaɗ, ka da yi kra nguraʼa, sèi ka baha na Ismael. Aman Ndo nzi pèc pècèk a ntsenaʼa, ara man ka sau matakwan.

Genèse 2:20

A Adam a mva ta nzlembaɗ a skwi ndzhamhai tèlèba, a ɗiakihai tʼhwaɗ giɗfèk tèlèba, a skwi dak tèlèba; aman a ndo, a nʼngatsa skwi ntakaha ara va na ɓai.

Genèse 2:23

Adam a ngaɗa: Yowa, vatasl te va vatasl ga, zluèd te zluèd va ga. Sèi ta baha na ngwoz-ndo, te man ta co te va nguraʼa.

Genèse 3:21

A Ndo nzi pèc pècèk Zhiklè a mva ta bkwi a va a nda Adam a ngwoz na.

Genèse 35:18

Ga ncè nshèffè na, a mbaha na Ben-Oni; aman Rachel a mʼmets na. A bab nengaʼa a mbaha na Benjamin.

Genèse 5:29

A mbaha na Noé, a ngaɗa: Nengaʼa a da pa nga a pa a ndav, a da bid nga te mizlinè man nga gi a matakwan a géɗ herkeda, man Ndo nzi pèc pècèk a mphomda.

Exode 2:10

Aman kra a ngra ma, a nckoɗa a sam dem Pharaon. A nengaʼa a ndeda a kra na, a mbaha na Moise, a ngaɗa: I ckoɗauda te iyam.

Matthew 1:21

A da yi kra nguraʼa, a ka da va na nzlembaɗ nengaʼa Yèsu, aman nengaʼa a da mbel ta ndohi nengaʼa te mali tengaʼa.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Actes 17:26

A nengaʼa a ngu aman te godozlom staɗ, verzi ndohi tèlèba ta zlèzlèmè a géɗ herkeda, a pa ta kuma a sam nʼnzi tengaʼa.

2 Corinthians 11:3

Aman i gi zlau, lèmèlèmè ara zhüzhok a mpeda Eve a wai a maya na, nhér gèɗ kinè nzuraʼa a nlèɓèslèa te Kristi, a da gedas na.

1 Timothy 2:13

Zhiklè a ngu Adam nshèlèkuraʼa, Eve te deɓaʼa.

I Samuel 1:20

A Anne a ngu a hwaɗ tʼhwaɗ vi sa, a myu kra nguraʼa, a mbaha na Samuel, a ngaɗa: I dzhoɗo te ri Ndo nzi pèc pècèk.