Genèse 3:14 - Ma Zhiklè

¹⁴ A Ndo nzi pèc pècèk Zhiklè a ngaɗa na zhüzhok: A géɗ man ka gau ar haha, ka phomdaʼa, te va skwi ndzhamhi tèlèba, a skwi dak tèlèba. Ka hi a hwaɗ ngaya, ka bhöm herkeda a pats nshèffè ngaya tèlèba.

Genèse 3:14 ပူးပေါင်းရင်းမြစ်များ

Genèse 3:1

Te va skwi dakhi man Ndo nzi pèc pècèk Zhiklè a nge ta, zhüzhok a fen ta a maya nʼngwèdè ndo tèlèba. A ngaɗa na ngwoz: Gokwèn, Zhiklè a ngaɗa kinè: Kin da ndau nyi wofhi te gi lak haha ɓi ɗè?

Genèse 4:11

Anai, ka phomdaʼa; ta dzam ka auda dra a sam dak man Pombaz kramam ngaya a she a pa.

Genèse 9:6

Ko wawa man a keɗa ndo, ta da kéɗèʼa, lèmèlèmè. Aman Bi Zhiklè a ngu ndo ara Mèzhèɓ nengaʼa.

Psaumes 72:9

Ndohi ngi shèwa sèi ta kèlèhai a deɓ sak nengaʼa, a ndohi mayam nengaʼa sèi ta bhöm mberfenèk.

Esaie 29:4

Te deɓaʼa ka da gèɗè tʼhai tʼherkeda, a ma ngaya a tsenkaɗauda te ndev hutsoɗ. Daʼai ngaya a cinè ara daʼai mèzhèɓ skwai te vèvèɗ, a ma ngaya a tsenkaɗauda te va mberfenèk ara daʼai mbatsa.

Esaie 65:25

Kokoya a tambak ta war ta a sam staɗ, a marizhèlè a ndi ksof ara zlè. Aman zhüzhok a nèkèdè lokotor. A gèɗ za ga nkezlaʼa tèlèba, ta da gédèshè skwi azɓai, tagi mali azɓai, Ndo nzi pèc pècèk a gada.

Lèv. 20:25

Gar haha sèi kin dèl te va zluèɗ nlizhɓiaʼa a zluèɗ nlizhèaʼa, te va ɗiak nlizhèa a ɗiak nlizhɓiaʼa, a kin derɗa va kinè a ri kinè bai, a nda skwi ndzham, ɗiak, a skwi nda a hwaɗhi tèlèba a gèɗ herkeda, man i hel ta auda a ta gi a skwi nlizhèa a sam kinè.

Michée 7:17

Ta da nèkèɗè lokotor ara zhüzhok, ara skwi nda a hwaɗhai. Ta da shkè auda te gi tengaʼa ndakmaʼa a ngudzai. Ta herda na va a Ndo nzi pèc pècèk a ngudzai, ta gi zlauaʼa.