Genèse 28:3 - Ma Zhiklè

³ Zhiklè bi wuɗai da pshè ka ma, da gu a ka yi wudahi kumba, da gu a gerzi ngaya a mènè a vata, a ka ndi a ndohi herkeda a vata.

Genèse 28:3 ပူးပေါင်းရင်းမြစ်များ

Genèse 1:28

A Bi Zhiklè a mpshè ta ma, a ngaɗa ta: Va-yu wuda, va-mana, va-ndha herkeɗa, va-kwor herkeda, va-gu bi a géɗ klèfihi te iyam mbiaʼa, a géɗ ɗiakihi tʼhwaɗ giɗfèk, a géɗ skwi ndzhamhai, a géɗ skwi man a hi tèlèba a géɗ herkeda!

Genèse 13:16

A i ge ka a verzi ndohi kumba, ara wyak te woyam. Ndo man a slaha a nʼngér wyak te woyam, a slaha a ngér ndohi te verzi ngaya ba.

Genèse 17:20

Aman a géɗ Ismael ba i tsena ma ngaya: Na haha, i pshè na ma, a da yi wudahi a vata, a da yi bihi 12, a da gi a ndohi mbiaʼa.

Genèse 24:60

A ta pshè na ma Rebecca, a ta gaɗa na: Demam nga, yu wuda pshehpshehkaʼa. A ndohi verzihi ngaya da dum ntamagi kokwar mayamhi tengaʼa.

Genèse 26:24

A Ndo nzi pèc pècèk a ngudoko na va a dai a vaɗ sa, a ngaɗa: Iyè Zhiklè Abraham, bab ngaya. Ka gu zlau ɓai, i zhè a sam ngaya. I woy a i pshè ka ma a ndohi verzi ngaya ta mènè a vata, a géɗ Abraham, ɓèl ga.

Genèse 26:4

I woy a i ga ndohi verzi ngaya kumba, ara bantihi te giɗfèk, a i va ta herkeda haha tèlèba a ndohi verzi ngaya, a ndohi herkeda tèlèba ta da ngècè mpshè ma a nzlembaɗ ngaya,

Genèse 27:33

A Isaac a ngudzu a vata, a ngaɗa: Kos nengaʼa man a ɓor zluèɗ a nckoyè, wa? I ndau antanta, ga ka shkè a haha, a i pshè na ma. A mpshè ma a nzi a géɗ nengaʼa.

Genèse 35:11

A Bi Zhiklè a ngaɗa na: I Zhiklè Bi wuɗi tèlè, yau wuda, a ka mana a vata! Ndohi kumba, ndohi herkeda kumba, ta da shkè auda te ka. A bihi ba ta da shkè te verzi ngaya.

Genèse 41:52

Mbegéɗèʼa a mbaha na Ephraim, a ngaɗa: Zhiklè a mvay wuda te kokwar man i lèyè te pa.

Genèse 43:14

Bi Zhiklè, bi wuɗai da gu a kin ngècè pombai a sam ndo sa, a va na civèɗ a kramam kinè, a Benjamin ba, a kin shkè a deɓa. Aman iyè, man i gi mbelawa, a i nzi a mbelawa di mènè.

Genèse 48:3

A Jacob a ngaɗa na Joseph: Zhiklè Bi wuɗai a ngudokoy va a dai te Luz, te kokwar Canaan, a mpshèy ma,

Genèse 48:4

a ngaɗayè: Na haha, i woy a i va ka wuda, a ka mènè a vata, a i ga ka a ndohi herkeda kumba. Kokwar haha i va ta a ndohi verzi ngaya a mèdèp.

Genèse 49:25

a géɗ Zhiklè bab ngaya man a takaha ka, a géɗ Zhiklè Bi wuɗai man a pshè ka ma. Mpshè ma kurv kurvaʼa man a shkèhai te zhiklè te géɗèʼa, a mpshè ma kurv kurvaʼa man a shkè auda te godok, a mpshè ma kurv kurvaʼa man a nʼngots te wa, te gsa mam kra.

Genèse 9:1

A Bi Zhiklè a mpshè na ma a Noé a wudahi nengaʼa, a ngaɗa ta: Va-yu wuda, a kin mana a vata, va-ndha herkeda!

Psaumes 127:1

Dimèsh ndè a gi Zhiklè. Dimèsh Salomon. Aman Ndo nzi pèc pècèk a rèm gi azɓai, tenga man ta rèmèʼa ta gi mizlínè ambalai. Aman Ndo nzi pèc pècèk a ɓer kokwar azɓai, ndo mɓer kokwar a ɓerèʼa amɓalai.

Psaumes 127:3

Wudahai, nasa skwi man Ndo nzi pèc pècèk a viaʼa; nasa mpshè ma Zhiklè.

Exode 1:7

A ndohi Israel ta yu wuda, ta zlèzlèmè a ta mana a vata, a ta gu kumba holholaʼa, a ta ndha kokwar.

Exode 6:3

i gudoko na va a di a Abraham, Isaac a Jacob a nzlembaɗ Zhiklè, Bi wuɗai. Aman nzlembaɗ ga Ndo nzi pèc pècèk, i ngra ta bai.

2 Corinthians 6:18

a i gi a Bab kinè, a kin gi a wudahi a dalahi ga, Bi Zhiklè wuɗi tèlèba a gaɗa.

Apocalypse 21:22

A i rka gi Zhiklè te pa ɓai; aman Bi Zhiklè, Bi wuɗi tèlèba, a kra tambak, nasa gi Zhiklè tengaʼa.

Ruth 2:4

Na haha, Boaz a shkè te man a civèd Bethléhem. A ngaɗa ta ndohi ntsi dau: Ndo nzi pèc pè-cèk da nza a nda kinè! A ta mbeɗa na a ma: Ndo nzi pèc pècèk da pshè ka ma!