Genèse 27:19 - Ma Zhiklè

¹⁹ A Jacob a ngaɗa na bab na: I Esau, tsuvom ngaya. I gokoɗai ara man ka gaɗayè. Slambaɗa, a ka nza a verzai, a ka ndau zluèɗ dak ga, a ka pshèy ma a pa.

Genèse 27:19 ပူးပေါင်းရင်းမြစ်များ

Esaie 28:15

Kin gaɗa: ngaderzla ma a mʼmetsai, nga gaɗda ma a hai a sam mʼmetsai. Iyam man a hi tsuvoɗoh-tusvoɗohaʼa a ndikè nga a va azɓai. Sam man nga nghe-da va a hwaɗaʼa, ncèkèlma. Nʼngwèdè ndo, sam man nga ngheda va nga a diaʼa.

I Rois 14:2

A Jéroboam a ngaɗa na ngwoz na: Slambaɗa, humbaɗda maslaka ngaya, a ta sen ka a ta gada ka ngwoz Jéroboam ɓai, a ko do Silo. Achija, ndo nhadka ma Zhiklè a zhè te pa, nengaʼa man a nhodko ma a géɗ ga, a gaɗa, da da gu bi a géɗ ndohi haha.

Genèse 27:21

A Isaac a ngaɗa na Jacob: Herdekay va, kra ga, aman a i taraha ka dai. Ka Esau, kra ga ɗè?

Genèse 27:4

A ka tèsha mbelembela, a njénahayè, a ka ckoy a gai, a i ndiaʼa, a i pshè ka ma, ga i metsi ga.

Genèse 25:25

Nshèlèkuraʼa, nteva, gwots a va ara tambak, a ta baha na Esau.

I Rois 13:18

A nengaʼa a ngaɗa na: I ba i ndo nhadka ma, lèmèlèmè ara man a ngaya. Gol Zhiklè a mʼmenday ma Ndo nzi pèc pècèk, a ngaɗa: Da ckoɗa gi ngaya, aman a da ndi skwai, a si iyam. A nʼngul ma a sam na.

Genèse 25:28

Isaac a woy Esau holholaʼa, a gèɗ man a cko na zluèɗ dak. A Rebecca a woy Jacob holholaʼa.

Genèse 27:18

A nengaʼa a mdo a sam bab na, a ngaɗa: Bab ga! A nengaʼa a mʼmbeɗa na a ma: Iyè anai! Kra ga, ka wa?

Genèse 27:31

A nengaʼa ba a ntèshè na zluèɗ, a nɗaʼa a sam bab na. A ngaɗa na bab na: Bab ga, slambaɗa, nza a verzai, ndau zluèɗ dak kra ngaya, a i ngècè mpshè ma a sam ngaya.

Genèse 27:35

A Isaak a ngaɗa na: kramam ngaya a mwuckaɗa metsar, a nceda mpshè ma ngaya a ma.

Genèse 27:45

a kramam ngaya a gi ndav a géɗ ngaya asaɓai, a skwi man ka ga na a pce na a géɗ. Te deɓaʼa i da zlindè ndo a i baha ka a deɓa. Kin cèw kin zi kinè a pats staɗ a sam ga èhèmè?