Genèse 26:24 - Ma Zhiklè

²⁴ A Ndo nzi pèc pècèk a ngudoko na va a dai a vaɗ sa, a ngaɗa: Iyè Zhiklè Abraham, bab ngaya. Ka gu zlau ɓai, i zhè a sam ngaya. I woy a i pshè ka ma a ndohi verzi ngaya ta mènè a vata, a géɗ Abraham, ɓèl ga.

Genèse 26:24 ပူးပေါင်းရင်းမြစ်များ

Genèse 13:16

A i ge ka a verzi ndohi kumba, ara wyak te woyam. Ndo man a slaha a nʼngér wyak te woyam, a slaha a ngér ndohi te verzi ngaya ba.

Genèse 15:1

Te deɓaʼa Ndo nzi pèc pècèk a ngaɗa na Abram te nshunè: Abram, ka gu zlau bai, i gambar ngaya. Skwi ntul ngaya mbiaʼa a zhè a ma.

Genèse 17:7

Nderzlè-ma nga a ka a ndohi verzi ngaya, a verzi verzi tengaʼa, a mèdèp, aman i gi a Bi Zhiklè ngaya, a Bi Zhiklè ndohi verzi ngaya.

Genèse 17:8

A i va ka, a ndohi verzi ngaya, herkeda a haha, man ka a mbrok te pa, kokwar Canaan tèlèba, a ka ngotso a mèdèp, a i ndi a Bi Zhiklè tengaʼa.

Genèse 21:17

Bi Zhiklè a ntsena kuɗ kra, a gol Bi Zhiklè a mbaha na Agar te zhiklè, a ngaɗa na: Agar, nʼnga ka mè? Ka gu zlau ɓai! Bi Zhiklè a ntsena kuɗ kra a sam man ka feda a pa.

Genèse 22:17

i woy a i pshè ka ma, a i gi ndohi verzi ngaya kumba, ara bantihai a giɗfek, ara wyak te woyam, a ndohi verzi ngaya ta da kwèr ntamagi kokwar ndohi mayamhi ngaya.

Genèse 22:19

Te deɓaʼa Abraham a mʼmen na a deɓa a sam ɓèlèlihi na, a ta slambaɗa, a to do Beer-Shéba. A Abraham a nʼnza te Beer-Shéba.

Genèse 24:12

Ndo nzi pèc pècèk, Zhiklè Abraham, babgi ga, takahayè a patsna, va na pombai a Abraham, babgi ga!

Genèse 28:13

Na haha Ndo nzi pèc pècèk a nzlatsa te géɗèʼa, a ngaɗa na: I Ndo nzi pèc pècèk, Zhiklè Abraham, bab ngaya, a Zhiklè Isaac: herkeda man ka mana a pa, i da va ka, a wudahi ngaya.

Genèse 28:15

Anai i zhè a sam ngaya, a i ɓer ka a sam tèlèba man ka dè a pa, a i minde ka a deɓa a kokwar haha. I woy a i jèke ka azɓai, ha a i ga tèlèba man i pasla ka rai.

Genèse 28:3

Zhiklè bi wuɗai da pshè ka ma, da gu a ka yi wudahi kumba, da gu a gerzi ngaya a mènè a vata, a ka ndi a ndohi herkeda a vata.

Genèse 30:27

Laban a ngaɗa na: Ka gay skwi staɗ dai! I rka Bi Zhiklè a mpshèy ma a géɗ ngaya.

Genèse 31:5

a ngaɗa ta: Di Laban, bab kinè, a sam ga az ara mpats ngiɗè ɓai. Aman Bi Zhiklè bab ga a zhè a sam ga.

Genèse 39:2

A Ndo nzi pèc pècèk a zhè a sam Joseph; a skwi tèlèba man a gau, ngau amba, a slaha a nʼnzi a gi ndo Egypte, babgi na.

Genèse 39:3

Aman babgi nengaʼa a nrka, Ndo nzi pèc pècèk a zhè a sam na, a Ndo nzi pèc pècèk a ntakaha te skwi tèlèba man a gau,

Genèse 46:1

A Israel a nslambaɗa, a skwi nengaʼa tèlèba. Aman a mshkè Beer-Shéba, a nzla na skwi a Zhiklè Isaac, bab na.

I Rois 17:13

Aman Elie a ngaɗa na: Ka gu zlau ɓai! Do ngwai a ka gu ara man ka goɗo. Aman sèi ka gay skwi nʼndi kètè nshèlèkuraʼa, a ka ckoɗa a sam ga, ga kin gi skwi nʼndi kinè a kra ngaya te deɓaʼa.

Exode 14:13

A Moise a ngaɗa ta ndohai: Kin gu zlau bai, va-nza taraʼa, a kin rka ara man Ndo nzi pèc pècèk a da mbel kinè a patsna. Ara man kin rka ta ndohi Egypte antanta, kin da rka ta te deɓaʼa asaɓai.

Exode 3:6

A ngaɗa: I Zhiklè bab ngaya, Zhiklè Abraham, Zhiklè Isaac, Zhiklè Jacob. A Moise a nʼngheda di na, a ngu zlau man a pi di a Zhiklè.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 44:2

Ndo nzi pèc pècèk, man a nge ka, man a fe ka a hwaɗ mam ngaya, nengaʼa man a takaha ka, a gaɗa ka: ka gu zlau ɓai, Jacob, ɓèl ga, a Israel, man i ngotskoɗauda.

Esaie 51:12

Iyè man i bid kinè. Ka wa man ka gi zlau ndohai, ndohi man ta bèzl ta gene, a ta ndev ta ara kuza?

Esaie 51:7

Va-tsenaʼa, kinè ndohi man kin sun ma kita, man ma kita ga a zhè te ndav kinè! Kin ga zlau ndohi man ta derɗe kinè ɓai, man ta tsa kinè derngasl. Kin gudzu te ndav ɓai!

Lamentations de Jérémie 3:57

Aman i baha ka, ka zhè ndul ndul, ka gada: Ka gu zlau ɓai!

Lèv. 26:42

i woy a i hér nderzlè-ma ga a Jacob, a nderzlè-ma ga a Isaac, a nderzlè-ma ga a Abraham, a i woy ai hér kokwar.

Lèv. 26:45

I woy a i hér nderzlè-ma ga a nda babhi ta, man i helka ta auda te kokwar Egypte, a sam di ndohi herkeda, a i mbel ta, a i gi a Zhiklè tengaʼa. Iyè Ndo nzi pèc pècèk.

Matthew 22:32

Iyè, i Zhiklè Abraham, Zhiklè Isaac, Zhiklè Jacob? Nengaʼa Zhiklè ndohi mʼmetsa ka ɓai, aman Zhiklè ndohi a nshèffè.

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nengaʼa.

Actes 7:32

Iyè Bi Zhiklè bababhi ngaya, Bi Zhiklè Abraham, Bi Zhiklè Isaac, Bi Zhiklè Jacob. A Moise a ngudzi a ngu zlau man a pi diaʼa.

Deutéronome 13:17

Skwi mphomdaʼa da nza a ri ngaya ɓai! A Ndo nzi pèc pècèk a jèkeda ndzoan a géɗ ngaya, a ka sia te va, a gi a ka mènè a vata, ara man a mbaɗa ta babhi ngaya.

Deutéronome 31:6

Va-gsa ndav kinè, va-nze taraʼa, kin gu zlau ɓai, kin gudzu ɓai a sam ta! Aman Ndo nzi pèc pècèk Zhiklè kinè, a ri na a dè a tsagi kinè, a jèk kinè azɓai, a pre kinè azɓai.

Hébreux 11:16

Aman anai ta woy kokwar man amba holholaʼa te zhiklè te géɗèʼa. Gar haha Zhiklè a gi hori azɓai, man a gi a Zhiklè ta. A ntila ta kokwar mbelaʼa ma.

Hébreux 13:6

Gar haha nga slaha a nga mènè ndav nga, a nga gaɗa: Bi Zhiklè, nengaʼa man a takahayè, i woya man i gi zlau azɓai. Ndo a slaha a ngay mè?

Apocalypse 1:17

Aman i rka ndo matsa, i kalahi a deɓ sak nengaʼa, iyè ara ndo mʼmetsa. A nengaʼa a mfay ri mandi na a gèɗ, a ngaɗayè: Ka gu zlau ɓai, iyè ndo nshèlèkuraʼa a ndo nʼndikèma skwai,

Ruth 3:11

Anai dem ga, ka ga zlau ɓai! Skwi man ka woya tèlèba, i woy a i ga ka. Ko wawa te ndev ndohi gi ga a suna, ka ngwoz nlübokwaʼa.