Genèse 22:12 - Ma Zhiklè

¹² A Zhiklè a ngaɗa: Jèkeda kra ngaya, ka lama na ɓai! Aman antanta i suna, ka gi zlau Zhiklè. Ko kra ngaya staɗgenè, ka jèkaha a sam ga ɓai.

Genèse 22:12 ပူးပေါင်းရင်းမြစ်များ

Genèse 20:11

A Abraham a mʼmbeɗa na a ma: I hur te ndav ga, ndohi kokwar haha ta gi zlau Zhiklè azbai, ta da keɗyè a géɗ ngwoz ga.

Genèse 22:13

Aman Abraham a ncede gèɗ a zhiklè, a rka drok man drom ngezlala te va wof thossossoʼa. A Abraham a mdo, a nco drok, a nzla na a sam nʼnder skwi a Zhiklè, te di man a kra na.

Genèse 22:16

Ndo nzi pèc pècèk a ngaɗa: I gèɗè a mʼmbèɗè: a gèɗ man ka gu ar haha, a ka jèkaha kra ngaya staɗgenè a sam ga ɓai,

Genèse 22:2

A Bi Zhiklè a ngaɗa na: Co Isaac, kra ngaya, kra ngaya staɗ-genè, man ka woya a ndav ngaya, a ko do a kokwar Morija, a ka vayè a sam nʼndèr skwi a Zhiklè a géɗ za man i da ngra ka.

Genèse 26:5

a géɗ man Abraham a nfu gèɗ a ma ga, a ngu skwi tèlèba ara man i jhèɗèʼa te ma nkwèr ga, te ma bi ga, te ma kita ga.

Genèse 42:18

Te mʼmèn mamakaraʼa, Joseph a ngaɗa ta: Aman kin woy a kin mbel nshèffè kinè, va-gu ara man i gaɗa kinè – i gi zlau Zhiklè –

Néhémie 5:15

Ngomnahai man ta zhè, ga i shkè, ta dzhoɗo skwi kumba te ri ndohai, a ta helama ta skwi pèc pècèk, movar a barassa, a Suli gurso 40. Golahi tengaʼa ba ta zumda ta gèɗ a ndohai. Aman iyè, i ga arsa ɓai, a gèɗ man i gu zlau Zhiklè.

Job 1:1

Ndo ngiɗè a zhè te kokwar Uz, nzlembaɗ na Job; ndo nzuraʼa, a ngu skwi amba amba tèlèba, a gi zlau Bi Zhiklè, a woy skwi ambaɓiaʼa ɓai.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Job 5:19

A da Preka ka auda te ri skwi mwuɗitpa mokwa, matsaradaʼa a da ga ka azɓai.

Psaumes 1:6

Ndo nzi pèc pècèk a sun civèɗ ndohi nzuraʼa; aman civèɗ ndohi ambaɓihiaʼa a zi na.

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 147:11

Skwi man Ndo nzi pèc pècèk a wuffè a géɗèʼa: ndohi man ta gi zlau Zhiklè, a ndohi man ta zhèr pombi nengaʼa.

Psaumes 2:11

Va-gu mizlinè Ndo nzi pèc pècèk a zlau, va-gurɓahai a deɓ sak nengaʼa a ngudzai,

Psaumes 25:12

Wa, man a gi zlau Zhiklè? A nengaʼa a da ngra na civèɗ man a woya a dè a pa.

Psaumes 25:14

Tengaʼa man ta gi zlau Ndo nzi pèc pècèk, Zhiklè a ngra ta ma nengaʼa man a zhè te ndav na a njè ta nderzlè-ma nengaʼa.

Exode 20:20

A Moise a ngaɗa ta ndohai: Kin gu zlau bai, aman Zhiklè a shkè, aman a njkede kinè genè, a zlau Zhiklè a nʼnzi a ndav kinè, a kin da gi mali asaɓai.

Proverbes 1:7

Maya a hün te ngi zlau Ndo nzi pèc pècèk; ndohi nrzlaʼa ta kwola ma maya a nslebi skwai.

Ecclésiaste 12:13

Ma ndohi maya nara tsakwal. Ngèlègèɗ ma tengaʼa nara sulom. Ndo mɓer ta staɗ a mvau.

Jérémie 19:5

ta rama ta sam mvi skwi a Baal, a géɗ za, a ta bezde ta wudahi tengaʼa a ndev vogwa a géɗ Baal, skwi man i gaɗa ta: kin gu hai, man i ngra ta hai, man i hur ɓai.

Jérémie 32:40

A i da derzlè ma a tengaʼa a mèdèp. I da dzadzar ta te pa pèc pècèk, aman i ga ta skwi man amba. I pra ta zlau ga a va, a ta jèkyè te deɓaʼa asaɓai.

Mal. 4:2

Aman a kinè, man kin slébèrdè nzlembaɗ ga, pats ngizuraʼa a vèngè, a skwi mʼmbel ndo te va sakaʼa. Kinè, kin dè auda a kin tsi ɓarwasl ara kra zlè man a hakaɗauda te kuɗom.

Matthew 16:24

A Yèsu a ngaɗa ta golahi nengaʼa: Ndo man a woya a ndzadzarkayè, da hur a géɗ nshèffè na ɓai, da zuɓ wof ngézlèl na, da dzadzarkayè!

Matthew 19:29

Ko wawa man a jèkeda kramamhi na, man demamhi na, man bab na, a mam na, man ngwoz na, man wud na, man gi dauhi na, man gihi na, a géɗ nzlembaɗ ga, a ngècèʼa a vaʼa kumba. A ta ngècè nshèffè mbiaʼa man a ndiv azɓai a mèdèp.

Matthew 5:16

Gar haha va-gu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

Jean 3:16

Gar haha Zhiklè a woy herkeda a ndav na, a mva ta kra nengaʼa, kra nengaʼa staɗgenè, aman ko wawa man a nco nengaʼa a ndav na, a zi azɓai, a nʼngotso nshèffè a mèdèp.

Actes 9:31

A mpi ndohi Zhiklè te kokwar Ju-dée, te kokwar Galilee, te kokwar Samarie tèlèba, ta nza a gumai, a ta ngots wuɗai, a to do a ma ma te zlau Bi Zhiklè, ta ndha a Mèzhèɓ Zhiklè nkezlaʼa man a bid ta. A ndohi ta zlèzlèmè a ma ma.

Romans 5:8

Aman Zhiklè a ngreda mwoy-ndo nengaʼa a sam nga, te man Kristi a mʼmets na a géɗ nga, aman nga ndohi malihi dai.

Romans 8:32

Nengaʼa a ntsotskava kra nengaʼa ɓai, aman a mvau a géɗ nga tèlèba, a da va nga skwi tèlèba a nda nengaʼa azɓi ɗè?

1 Corinthians 10:13

Skwi ngiɗè a pe kinè a wi azɓai, sèi skwi ndohai. Aman Bi Zhiklè nlèɓèslèa, aman a gi man skwi mpe kinè a wai a fena wuɗi kinè azɓai, a gi civèɗ aman skwi mpe kinè a wai a di a ndiv na, aman kin slaha a kin zhüɓèʼa.

2 Corinthians 8:12

Aman ndo a wuffè a géɗ mvi skwi man a ngotso, ambaha Zhiklè. Zhiklè a jhèɗè skwi man a ngatsa ɓai, ka ɓai.

Hébreux 11:19

A nhuro, Zhiklè a slaha a nslambaɗdekaɗ ta ndohi mʼmetsaʼa ba. A géɗ nengaʼa ara man a ngots a deɓa te mʼmetsai.

Hébreux 12:28

Gar haha, aman nga ngècè kokwar-bi man a gidè va azɓai, ngo-shüdokoy gèɗ, ngo-gokoy mizlinè Zhiklè, ara man ambaha, a nslébèrdèʼa a zlau.

Jacques 2:18

Man ndo ngiɗè a gaɗa: Ka, ka co a ndav, aman iyè, i gi skwaʼa: ngray ncè-a-ndav ngaya, te nengaʼa ngi skwi a shkè auda azɓai, a i da ngra ka skwi man i giaʼa, man a shkè auda te ncè-a-ndav ga.

Apocalypse 19:5

A ngèɗè ngiɗè a ntsena a sam nʼnzi bai: Vo-slubordo Zhiklè nga, kinè ɓèlèlihi nengaʼa tèlèba, man kin gi zlaua; cèw ba, ndohi nkèshèʼa a ndohi mbibihiaʼa ba!

I Samuel 15:22

Samuel a ngaɗa: Skwi man ta zla na Zhiklè a ta ndara na Zhiklè ambaha Ndo nzi pèc pècèk, lèmèlèmè ara nfi gèɗ a ma nengaʼa dè? Na haha, ndo man a fi gèɗ a ma nengaʼa, a fena ndo man a vi skwi a Zhiklè; njèjèr ma nengaʼa, a fena mbeza drok.