Genèse 22:1 - Ma Zhiklè

¹ Te deɓ nengaʼa, Bi Zhiklè a woya a njkeda Abraham, a ngaɗa na: Abraham! A Abraham a mʼmbeɗa na a ma: Iyè a nai!

Genèse 22:1 ပူးပေါင်းရင်းမြစ်များ

Genèse 15:1

Te deɓaʼa Ndo nzi pèc pècèk a ngaɗa na Abram te nshunè: Abram, ka gu zlau bai, i gambar ngaya. Skwi ntul ngaya mbiaʼa a zhè a ma.

Genèse 21:11

Ma haha ambaha Abraham bai, a géɗ kra na.

Genèse 22:11

A gol Zhiklè a mboho te zhiklè te géɗèʼa: Abraham, Abraham! A Abraham a mʼmbeɗa na a ma: Iyè anai!

Genèse 22:7

Isaac a ngaɗa na Abraham, bab na: Bab ga! Abraham a ngaɗa na: Awai, kra ga! A ngaɗa: Na haha, vogwa a zhè, shègwa a zhè. Aman kra tambak man ka da zli a Zhiklè, na tema?

Genèse 37:13

A Israel a ngaɗa na Joseph: Ka suna, kramamhi ngaya ta wèr skwi te Sichem. Washkè, i woy a i zlinde ka a sam ta. A mʼmbeɗa na a ma: I anai!

Genèse 46:2

A Zhiklè a mshkè na gèd a Israel te nshunè a vaɗ, a ngaɗa na: Jacob! Jacob! A nengaʼa a mʼmbeɗa na a ma: Iyè anai! —

II Samuel 24:1

A ndav Ndo nzi pèc pècèk a ndza na worworaʼa zaʼa a géɗ ndohi Israel, a mpoko na géɗ auda a David a géɗ tengaʼa, a ngaɗa: Do, da nger ta ndohi Israel, a ndohi Juda!

II Chroniques 32:31

Aman bihi Babylone ta zlündo ndohi sak a sam na, ta dzhoɗo nrkedi man a gu a sam na, Zhiklè a njèkeda kètè, a woya a njkedaʼa, a woy a nsuna, skwi man a zhè te ndav na tèlèba.

Psaumes 11:5

Ndo nzi pèc pècèk a jkeda ndo nzuraʼa a ndo ambaɓiaʼa, a gi a mayam ndo man a gi shèwa.

Exode 16:4

A Ndo nzi pèc pècèk a ngaɗa na Moise: Na haha i woy man a i va kinè movar man a shkèhai te zhiklè ara iyam, a ndohi ta dè auda a pèc pècèk, aman ta ɓicè skwi nʼndai man ta ndiaʼa a pats sa. I woya man i jkede ta a i rka, gar ta jèjèr ma ga, gar ta woya Bai.

Exode 3:4

A Ndo nzi pèc pècèk a nrka, Moise a dè aman a wèrèʼa. A Zhiklè a mbaha na te va vatak, a ngaɗa: Moise! Moise! A nengaʼa a mʼmbeɗa na a ma: Iyè anai!

Proverbes 17:3

Ara gezla a wèsl züdo a guro, lèmèlèmè arsa Ndo nzi pèc pècèk a jkeda ndav ndohai.

Esaie 6:8

Te deɓaʼa i tsena ngèɗè Bi Zhiklè man a gaɗa: I zlindè wa? Nʼwoya a ndè a gi mizlinè nga wa? A i gaɗa: Iyè anai, zlindyè!

1 Corinthians 10:13

Skwi ngiɗè a pe kinè a wi azɓai, sèi skwi ndohai. Aman Bi Zhiklè nlèɓèslèa, aman a gi man skwi mpe kinè a wai a fena wuɗi kinè azɓai, a gi civèɗ aman skwi mpe kinè a wai a di a ndiv na, aman kin slaha a kin zhüɓèʼa.

Deutéronome 13:3

ka fu zlembaɗ a ma ndo nhadka ma sa a ndo man nshunè a keɗaʼa sa ɓai! Aman Ndo nzi pèc pècèk, Zhiklè ngaya, a jkede ka, a woy a suna, ka gshè va a Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba ɗè, ɗè azɓi dè.

Deutéronome 8:16

nengaʼa man a mva ka manne tʼhèshèkeɗ a ka ndiaʼa, man babhi ngaya ta sun zlèzlèa ɓai; Zhiklè man a manda ka gèɗ a hai, a jkede ka, aman te deɓaʼa a ga ka skwi man amba,

Deutéronome 8:2

Sèi ka hér civèɗ tèlèba man Ndo nzi pèc pècèk, Zhiklè ngaya, a de ka tʼhèshèkèɗ, mvi 40, aman a manda ka gèɗ a hai, aman a jkede ka, aman a shin skwi man ka hérè te ndav ngaya, gar ka jèjèr ma nkwèr nengaʼa, gar ka jèrèrèʼa azɓai.

Hébreux 11:17

A géɗ ncè-a-ndav nengaʼa, Abraham a mvau Isaac a pats man Zhiklè a njkeda, a mvau kra nengaʼa, kra nengaʼa staɗgenè, ko a nʼngots ma mpèsl ri a géɗ nengaʼa ma.

Jacques 2:21

Abraham, Bab nga, a nʼngots ngi-zuraʼa a géɗ skwi man a gau, man a nco Isaac, kra nengaʼa, a mva na a sam mvi skwi a Zhiklè.

1 Peter 1:7

Ndo a wèsl guro, man a di a ndiv na; man a shkè auda, man ta jkeda ma. Aman ncè-a-ndav kinè mʼmbi holholaʼa, a fena guro, sei ta jkedèʼa aranta, a ndi a nshid gèɗ, a nslébèrdè nʼnjèl Yèsu Kristi a pats man a gudko va a dai.

Juges 2:22

A i jkeda ta ndohi Israel arsa, a i suna: ta woy a ta dè a civèɗ Ndo nzi pèc pècèk ara babhi tengaʼa dè, dè ta dè azɓi dè?

I Samuel 3:4

Ndo nzi pèc pècèk a mbaha na Samuel. A nengaʼa a mʼmbeɗa na a ma: Awai, iyè anai!