Genèse 20:9 - Ma Zhiklè

⁹ A Abimélec a mbaha na Abraham, a ngaɗa na: I ga ka mè, aman ka fay mali a géɗ, a géɗ kokwar-bi ga ar haha? Ka gu skwi man ambaɓai a sam ga!

Genèse 20:9 ပူးပေါင်းရင်းမြစ်များ

Genèse 12:18

Pharaon a mbaha na Abram, a ngaɗa na: Ka gay a haha mè? Ka gaɗayè, a ka gada, nengaʼa ngwoz ga, ɓai èhèmè?

Genèse 20:10

A Abimélec a ngaɗa na Abraham a vaʼa: Aman ka gu ar haha, ka woy a ka ngècè te pa mè?

Genèse 20:8

Te mangoslèmaʼa a prèk, Abimélec a nslambaɗa, a mbaha ta golahi nengaʼa, a ngra ta tèlèba, a ndohi nengaʼa ta gi zlau a vata.

Genèse 26:10

A Abimélec a ngaɗa: Ka ga nga a haha mè! Ka suna, tsam-tsam ndohi kokwar haha ta slaha ta kala na a va ngwoz ngaya, a ka fa nga mali a gèɗ, kè!

Genèse 29:25

A prèk, Jacob a rkaʼa, Léa! A Jacob a ngaɗa na Laban: Ka gay haha mè? I gu mizlinè a sam ngaya a géɗ Rachel ka ɓi ɗè? Ka ngwodyè èhèmè?

Genèse 34:7

Aman wudahi Jacob ta shkè ngwi te dak, ta tsena maʼa, a ndza ta a ndav, a ta gu ndav a vata, a géɗ man a ngu skwi horai te Israel, aman a mʼmana a dem Jacob. Ambaɓai man a ngu ar haha!

Genèse 38:24

Te deɓ ki makar, ta ngra na Juda: Tamar, ngwoz kra ngaya, a ngu mphömè. Kra tʼhwaɗ na. A Juda a ngaɗa: Sèi ta gskoɗi a ta kalda a vogwa!

Genèse 39:9

Nengaʼa ba a fenyè te gi haha azɓai. A mvay skwi tèlèba; sèi ka man ka ngwoz nengaʼa a mvay ɓai. A i gi mphömè mbiaʼa arsa, a i gi mali a sam Zhiklè ɗè?

II Samuel 12:5

A ndav a ndza na David a vata a géɗ ndo sa, a ngaɗa na Nathan: Ara man Ndo nzi pèc pècèk a zhè: ndo man a ngau arsa, da mets na!

II Samuel 13:12

Aman nengaʼa a ngaɗa: Aʼai, kramam ga! Ka gsyè a wuɗi ɓai! Ta gi te Israel aranta azɓai! Ka gu skwi hori aranta ɓai!

Exode 32:21

A Moise a ngaɗa na Aaron: Ndohi haha ta ga ka mè, aman ka fa ta mali mbiaʼa a gèɗ?

Exode 32:35

Arsa Zhiklè a mva ta ma ambaɓiaʼa a gèɗ, a géɗ man ta tsu ri a marai man Aaron a gau.

Proverbes 28:10

Ndo man a zlakeda ta ndohi nzuraʼa a civèɗ ambaɓiaʼa, a kèlè a vèvèɗ man a rau a ri na; aman ndohi nzuraʼa ta ngècè manam.

Lèv. 20:10

Aman ndo ngiɗè a gi mphömè a ngwoz nslamagi na, sèi ta bazl ta cèw ba, nguraʼa a ngwoz man ta gu mphömè.

Romans 2:11

Aman Zhiklè a pèr ndo mpèrè azɓai.

Titus 1:11

Aman sèi nga tseda ta ma a pa, man ɓai ta gedassa gihi tèlèba a njè-ma tengaʼa ambaɓiaʼa, a njè-ma a géɗ man ta woy skwi te pa.

Hébreux 13:4

Va-slubordo nʼnzi nda baki a ngwoz, kin lizhè sam mènèe kinè ɓai, aman Zhiklè a da ga ta kita a ndohi ngi baki a dala, a ndohi mphömè.

Josué 7:25

Josué a ngaɗa: Ka kalde nga a matakwan! Ndo nzi pèc pècèk ba a kalde ka a matakwan a patsna! Te deɓàʼa ndohi Israel ta kola a kwa. Ngiɗè ta keɗaʼa a kwa, a ngiɗè ta fa na vogwa.