Ananias a mʼmbeɗa na a ma, a ngaɗa: Bai, i tsena labar ma ndo haha te ma ndohi kumba, ara man a gu skwi ambaɓiaʼa kumba a sam ndohi Zhiklè te kokwar Jérusalem.
Ndo nzi pèc pècèk, Zhiklè Israel nkezlaʼa, nengaʼa man a nge ka, a gaɗa: Kin woy a kin dzhaɗyè a géɗ wudahi ga, a géɗ skwi man ri ga a ngau, a kin woy a kin fay ma a géɗ ɗè?
Aman ta hel ta auda ma, ta gada ta: Va-mbelda nshèffè kinè! Kin da paka di a deɓa a civèɗ bai, kin zlatsahi a civèɗ a dala ambali bai! Va-hu a deɓ za, man bai kin da zi kinè!
Ɓèl ngaya a nʼngots pombai a sam di ngaya, a ka ta-kahayè, a ka mbelay nshèffè ga. Aman i slaha a i hi a deb za azbai. I gi zlau, skwa a da gayè te pa, a i metsi ga.
