Genèse 17:10 - Ma Zhiklè

¹⁰ Na haha nderzlè-ma nga a ka, a ndohi te verzi ngaya, man kin jèjèrèʼa: Ta ngela na ngwon a kra nguraʼa staɗ staɗ tèlèba.

Genèse 17:10 ပူးပေါင်းရင်းမြစ်များ

Genèse 17:11

Ta ngela na mbèbèc ngwon. Nasa skwi man a ngreda nderzlè-ma nga a kinè.

Genèse 17:23

A Abraham a nco Ismael, kra na, a ɓèlèlihi tèlèba man ta yau te gi nengaʼa, tèlèba man a sum ta a sulai, tèlèba, nguraʼa staɗ staɗ tèlèba, a nʼngela ta mbèbèc ngwon a pats man Zhiklè a ngaɗa na sa.

Genèse 17:27

a ngurhi tèlèba te gi na, a tengaʼa man ta yau te gi na, a tengaʼa man a sum ta a sulai – ɓèlè – ta ngela ta ngwon a nda nengaʼa.

Genèse 21:4

A pats matsamakaɗaʼa, Abraham a nʼngela na ngwon a Isaac, ara man Bi Zhiklè a njè na.

Genèse 34:15

Nga da via sèi man kin gi lémélémé ara nga, a kin ngela ta ngwon a ngurhi tèlè di kla.

Genèse 34:22

Aman ndohi ta jhèɗèʼa, aman nga ngél ngwon ngurhi tèlèba dai, lèmèlèmè ara tengaʼa, ga ta gi a ndohi kokwar staɗ a nda nga.

Exode 12:48

Aman ndo man a shkè te verzi ngiɗè a zhè a sam ngaya, a woya a ngi ngolala a sam Ndo nzi pèc pècèk, ngolala Pâque, sèi ta ngela na ngwon a wudahi nengaʼa tèlèba man nguraʼa, nguraʼa. Te deɓaʼa da shkè, da gau ngolala, ara wud ngwihai. Aman ndo man ngwon nʼngel bai, da ndau te nengaʼa ɓai.

Exode 4:25

A Séphora a nco kwa man tsagi na mbazla heɓheɓaʼa, a nʼngela mbèbèc ngwon kra na, a nkalda mbèbècèʼa a va Moise, a ngaɗa: Ka baki man ka gi pombaz a va ndo.

Jérémie 4:4

Va-tila ndav kinè a sam Ndo nzi pèc pècèk, kinè ndohi Juda a ndohi te Jérusalem, man ɓai ndzoan a slèmbèɗè ara vogwa, a ndo a mbècè azɓai, a géɗ mali kinè.

Jean 7:22

Gar haha Moise a mva kinè ma nʼngél ngwon. Ma nʼngél ngwon a shkè te Moise ka ɓai, aman te bababhai. A kin ngel ngwon ndo a pats nshèk va.

Actes 7:8

A mva na nderzlè-ma te nʼngél ngwon. Abraham a myu Isaac, a nʼngela na ngwon te pats matsamakaɗaʼa. A Isaac a myu Jacob, a Jacob a myu babhi zlèzlèa kula a géɗèʼa cèw.

Romans 2:28

Nengaʼa ndo Juif man ta rka a deɓaʼa genè ka ɓai. Nengaʼa nʼngél ngwon man ndohi ta ngu genè ka ɓai.

Romans 3:25

Nengaʼa Zhiklè a fu a skwi mpil gèɗ te Pombaz nengaʼa, man nga ngècè te ncè-a-ndav. Zhiklè a woya a ngredè ngi-zuraʼa nengaʼa auda a vna. Te nzhèr skwi nengaʼa dai, a nzuɓ malihi nhalaʼa.

Romans 3:28

Arsa nga suna, ndo a ngècè ngi-zuraʼa sèi te ncè-a-ndav staɗgenè, a géɗ man a jèjèr ma kita Zhiklè ka ɓai.

Romans 3:30

Aman Zhiklè staɗgenè, man a ge ta ndohi Juif a ndohi nzuraʼa te ncè-a-ndav, a ndohi nte deɓa ba arsa.

Galates 3:28

A haha tsaɗ tsaɗ azɓai, ko Juif, ko Grec, ko ɓèlè, ko kra ngwi, ko nguraʼa, ko ngwoz, kin tèlèba staɗ te Yèsu Kristi.

Galates 6:12

Ndohi man ta gaɗa kinè, sèi kin ngel ngwon ndèzl, ta woy a ta gi a ndohi mbibihiaʼa a sam di ndohai, a ta woy aman ndohi ngiɗè ta paraha ta azɓai a géɗ wof ngézlèl Kristi.

Ephésiens 2:11

Gar haha va-huro, kinè man zlèzlèa ndohi nte deɓa, man ndohi nʼngela ngwon (man ri ndo a ngau) ta baha kinè ndohi man ngwon nʼngel ɓai:

Deutéronome 10:16

Gar haha va-tila ndav kinè, kin gu mèdègèd a ma ma ɓai!

Deutéronome 30:6

Ndo nzi pèc pècèk, Zhiklè ngaya, a da va ka ndav mɓuaʼa, kinè a ndohi te verzi ngaya, ndav mɓuaʼa te nʼngél ngwon genè ka ɓai, te ntil ndav ngaya. A ka da woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a ka da nzi a nshèffè.

Philippiens 3:3

Aman nga ngots nʼngél ngwon nzuraʼa, nga man nga gi mizlinè Zhiklè te Mèzhèɓ nengaʼa, a njégèr va nga a zhè, nengaʼa Yèsu Kristi; nga fi gèɗ a ndo ara nyakaɗ na ka ɓai.

Josué 5:2

A pats nasa Ndo nzi pèc pècèk a ngaɗa na Josué: Bazla krengaz, a ka ndeda a gwèsh, a ka ngela ta ngwon sak macecèwaʼa a ndohi Israel.

Josué 5:4

Josué a nʼngela ta ngwon a géɗ skwi haha: Ngurhi tèlèba man ta jèkeda Egypte, slagamhi tèlèba, ta bazl ta tʼhèshèkèɗ, te deɓ man ta shkè auda te kokwar Egypte ma.