Genèse 17:1 - Ma Zhiklè

¹ Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

Genèse 17:1 ပူးပေါင်းရင်းမြစ်များ

Genèse 12:1

A Ndo nzi pèc pècèk a ngaɗa na Abram: Jèkeda kokwar bab ngaya, a gwoli ngaya, a gi bab ngaya, a ko do a herkeda man i da ngra ka.

Genèse 12:7

A Ndo nzi pèc pècèk a ngudoko na va a di a Abram, a ngaɗa na: Kokwar haha i woya man i va ta ndohi te verzi ngaya. A Abram a nrom sam mvi skwi a Ndo nzi pèc pècèk, man a gudoko na va a dai, a pa.

Genèse 16:16

Mvi Abram 86, aman Agar a ya na Ismael.

Genèse 18:1

A Ndo nzi pèc pècèk a ngudoko na va a dai a sam gètèl wof te Mamré, aman a nza a ntamagi na, a géɗ pats.

Genèse 18:14

Skwi man Ndo nzi pèc pècèk a slaha ɓai, a zhi dè? A tèra aranta i da shkè a deɓa a sam ngaya, a Sara a nʼngots kra nguraʼa.

Genèse 24:40

A ngaɗayè: Ndo nzi pèc pècèk, man i zhè a nshèffè a sam di nengaʼa, a di a zlindè gol nengaʼa a ma ngaya, a da takaha ka a sam nshèwèlè ngaya, a ka da ngatsa na ngwoz a kra ga te va gwoli ga, te gi bab ga.

Genèse 26:2

A Ndo nzi pèc pècèk a ngudoko na va a dai, a ngaɗa na: Ko do a kokwar Egypte ɓai, nza te kokwar man i da ngra ka.

Genèse 28:3

Zhiklè bi wuɗai da pshè ka ma, da gu a ka yi wudahi kumba, da gu a gerzi ngaya a mènè a vata, a ka ndi a ndohi herkeda a vata.

Genèse 35:11

A Bi Zhiklè a ngaɗa na: I Zhiklè Bi wuɗi tèlè, yau wuda, a ka mana a vata! Ndohi kumba, ndohi herkeda kumba, ta da shkè auda te ka. A bihi ba ta da shkè te verzi ngaya.

Genèse 43:14

Bi Zhiklè, bi wuɗai da gu a kin ngècè pombai a sam ndo sa, a va na civèɗ a kramam kinè, a Benjamin ba, a kin shkè a deɓa. Aman iyè, man i gi mbelawa, a i nzi a mbelawa di mènè.

Genèse 46:3

I Zhiklè, Zhiklè bab ngaya! Ka gu zlau ɓai, aman ka dè a kokwar Egypte. I woy a i ga ka a ndohi mbiaʼa a te pa.

Genèse 48:15

A mpshè na ma Joseph, a ngaɗa: Bi Zhiklè, man Abraham a Isaac, bababhi ga ta dzodzora, Bi Zhiklè man ndo mɓeryè a nshèffè ga tèlèba, ha patsna,

Genèse 48:3

A Jacob a ngaɗa na Joseph: Zhiklè Bi wuɗai a ngudokoy va a dai te Luz, te kokwar Canaan, a mpshèy ma,

Genèse 5:22

A Hénoc a jèjèr Bi Zhiklè pèc pècèk. Te deɓ nyi Metushélah, Hénoc a nʼnza a nshèffê mvi 300 dai, a myu wudahi a dalahai.

Genèse 5:24

A Hénoc a jèjèr Bi Zhiklè; aman a pats staɗ, ta rka asaɓai, te man Bi Zhiklè a mco.

Genèse 6:9

Na haha ma verzi Noé: Noé ndo man a woy Zhiklè, ndo nzuraʼa te ndev ndohi na, a ndzodzor Bi Zhiklè pèc pècèk.

I Rois 2:4

A skwi man Ndo nzi pèc pècèk a mpasla ri a pa, a da gi a ma ma, man a ngadayè: Aman wudahi ngaya ta dè a sam di ga zuraʼa, a ndav tèlèba, a nshèffè tèlèba, i da geda ka verzi ngaya auda a sam nʼnzi bi Israel azbai.

I Rois 3:6

A Salomon a ngaɗa: Ka gu skwi man amba a vata a sam ɓèl ngaya, David, bab ga, te man a ndzadzar ka a vava, te ngi zuraʼa, a ndav nzuraʼa, a ka va na pombai, a ka va na kra nguraʼa man a nzi a géɗ sam nʼnzi bi nengaʼa a patsna.

I Rois 8:25

Ani haha, Ndo nzi pèc pècèk, Zhiklè Israel, gau ara man ka pasla na ri a hi a David, ɓèl ngaya, bab ga, man ka gaɗa: Aman wudahi ngaya ta gi maya a civèɗ ga, a ta fi gèɗ a ma ga, lèmèlèmè ara man ka gu a sam ga, ndohi te verzi ngaya ta shkè auda a géɗ sam nʼnzi bi Israel asaɓai.

II Rois 20:3

Na haha Ndo nzi pèc pècèk, heryè, i do a civèɗ ngaya a nlèɓèslè, a ndav tèlèba, a i gau skwi man ambaha ka te di ngaya. Ezéchias a nkuɗau ngezler-ngezleraʼa.

Job 1:1

Ndo ngiɗè a zhè te kokwar Uz, nzlembaɗ na Job; ndo nzuraʼa, a ngu skwi amba amba tèlèba, a gi zlau Bi Zhiklè, a woy skwi ambaɓiaʼa ɓai.

Job 11:7

Ka slaha ka shin nhinkaɗ Bi Zhiklè, a ngi na ɗè? Ka slaha ka sun Bi-wuɗai man nga a jè-lèlèʼa dè?

Psaumes 115:3

Zhiklè nga a zhè te zhiklè te géɗèʼa, skwi tèlèba man a woyaʼa, a giaʼa.

Psaumes 116:9

i dè a di Ndo nzi pèc pècèk, tʼherkeda man ndohi ta zhè a nshèffè.

Psaumes 25:14

Tengaʼa man ta gi zlau Ndo nzi pèc pècèk, Zhiklè a ngra ta ma nengaʼa man a zhè te ndav na a njè ta nderzlè-ma nengaʼa.

Exode 6:3

i gudoko na va a di a Abraham, Isaac a Jacob a nzlembaɗ Zhiklè, Bi wuɗai. Aman nzlembaɗ ga Ndo nzi pèc pècèk, i ngra ta bai.

Proverbes 10:9

Ndo man a gi mali azɓai, a dè zuraʼa; ndo man a dzara civèɗ na, ta gshè a géɗèʼa.

Esaie 38:3

Na haha, Ndo nzi pèc pècèk, heryè; i do a civèɗ ngaya a nlèɓèslè, a ndav tèlèba, a i gau skwi man ambaha ka te di ngaya. A Ezéchias a nkuɗau ngezlar-ngezlaraʼa.

Jérémie 32:17

Wa! Bi Zhiklè, Ndo nzi pèc pècèk, ka ka gau giɗfèk a herkeda a wuɗi ngaya mbiaʼa, a ri ngaya man wuɗi na zhè. Skwi man ka slaha ɓi ba, azɓai.

Daniel 4:35

Ndohi a géɗ herkeda tèlèba ara skwi ambalai. A gi ara man a woyaʼa a sam golahi Zhiklè, a sam ndohi tʼherkeda. Ndo a slaha a ngedassa skwi man ri nengaʼa a ngau azɓai, a ngaɗa na: Ka gi a haha mè.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Nombres 11:23

A Ndo nzi pèc pècèk a ngaɗa na Moise: Ri Ndo nzi pèc pècèk tüsl kata genè ɗè? Ka da rkaʼa: ma ga zuraʼa de, dè zuraʼa ka bi dè?

Nombres 24:16

ndo man a tsena ma Zhiklè, a goɗ ar haha; ndo man a sun skwi man Zhiklè te géɗèʼa a hérèʼa; ndo man a rka skwi man Zhiklè Bi-wuɗai a ngra na; man a kalahi a deɓ sak nengaʼa, a di nengaʼa a win na.

Matthew 19:26

Yèsu a mpa ta dai a ngaɗa ta: Ndo a slaha ɓai, sèi Zhiklèʼa slaha skwi tèlèba.

Matthew 5:48

Gar haha sèi kin ndikè a sam jèlèlèʼa, ara Bab kinè te zhiklè, jèlèlèʼa.

Luke 1:6

Ta cèw ba, ta ndohi nzuraʼa a sam di Zhiklè, a ta dzodzor ma nkwèr Bi Zhiklè a ma kita nengaʼa, ta tawaɗaha ɓai, ko staɗ.

Actes 23:1

A Paul a mpa ta dai a ndohi ncemma, a ngaɗa: Kinè, dalahimam ga, mèzhèɓ ndav ga amba a sam di Zhiklè, ha mshke na mpatsna.

Actes 24:16

Te deɓaʼa i ba i shindè aman mèzhèɓ ndav ga amba pèc pècèk a sam Zhiklè, a sam ndohai.

Ephésiens 3:20

Aman a nengaʼa man a slaha a ngi skwi tèlèba, a ndev ɓi sraffaffaʼa, a fena skwi tèlè man nga slaha nga jhèɗèʼa a nga shinèʼa, ara wuɗi man a gi te ndav nga,

Deutéronome 10:17

Aman Ndo nzi pèc pècèk, Zhiklè kinè, Zhiklè a géɗ zhiklèhi tèlèba, Zhiklè mbiaʼa, man wuɗi na zhè, man wuɗitpa, man a pèr ndo mpèrè azɓai, a cè skwi man ta rubè a vna azɓai;

Deutéronome 18:13

Ka lèbèslè a sam Ndo nzi pèc pècèk, Zhiklè ngaya, te skwi tèlèba!

Deutéronome 30:20

a ka woy Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ka gshè va a vna. Aman nshèffè ngaya a hün te pa; a Zhiklè a da nderɗa ka pats nshèffè ngaya a ma ma. Aranta ba ka da nzi te kokwar man Ndo nzi pèc pècèk a mbaɗa a da va ta babhi ngaya, Abraham, Isaac a Jacob.

Philippiens 4:13

I slaha skwi tèlèba a nda nengaʼa, man a vay wuɗai.

Hébreux 12:28

Gar haha, aman nga ngècè kokwar-bi man a gidè va azɓai, ngo-shüdokoy gèɗ, ngo-gokoy mizlinè Zhiklè, ara man ambaha, a nslébèrdèʼa a zlau.

Hébreux 7:25

Gar haha a slaha a mʼmbel ta tengaʼa man ta shkè a sam Zhiklè a nzlembaɗ nengaʼa, a mèdèp, te man nengaʼa a nzi a nshèffè a mèdèp, aman a tsi ri a géɗ tengaʼa.