16 Mvi Abram 86, aman Agar a ya na Ismael.
A Abram a ndo, ara man Ndo nzi pèc pècèk a gada na, a Lot a ndo a verzi nengaʼa. Mvi Abram 75, man a jèkeda kokwar Charan.
A Agar a nya na kra nguraʼa a Abram, a Abram a mbaha na kra, man Agar a ya na, Ismael.
Te deɓ man Abram a nza a kokwar Canaan mvi 10 ma, Sarai, ngwoz Abram, a nco Agar, dem Egypte, ɓèl na, a mva na Abram, baki na, a ngwoz na.
Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,
Ismael, kra na, mvi 13, aman ta ngela na ngwon.
Mvi Abraham 100, ga a yi Isaac, kra na.
Mvi Ismael tèlèba, 137. Te deɓaʼa a mʼmets na, a mʼmets na a va gwoli na.
