Genèse 15:1 - Ma Zhiklè

¹ Te deɓaʼa Ndo nzi pèc pècèk a ngaɗa na Abram te nshunè: Abram, ka gu zlau bai, i gambar ngaya. Skwi ntul ngaya mbiaʼa a zhè a ma.

Genèse 15:1 ပူးပေါင်းရင်းမြစ်များ

Genèse 15:2

Abram a ngeɗa na: Ndo nzi pèc pècèk, Zhiklè ga, ka woy a ka da vay mè? Anai i hèl ga cèw cèw a i metsi ga, kra ga azbai. A Eliézer te Damas a da ndi gi ga.

Genèse 15:4

A Ndo nzi pèc pècèk a ngaɗa na: Nengaʼa ka bai; kra hwaɗ ngaya da ndu gi ngaya!

Genèse 21:17

Bi Zhiklè a ntsena kuɗ kra, a gol Bi Zhiklè a mbaha na Agar te zhiklè, a ngaɗa na: Agar, nʼnga ka mè? Ka gu zlau ɓai! Bi Zhiklè a ntsena kuɗ kra a sam man ka feda a pa.

Genèse 22:1

Te deɓ nengaʼa, Bi Zhiklè a woya a njkeda Abraham, a ngaɗa na: Abraham! A Abraham a mʼmbeɗa na a ma: Iyè a nai!

Genèse 22:20

Te deɓ skwi sa, ta ngra na Abraham: Milca ba a nya na wudahi a Nachor, kramam ngaya.

Genèse 26:24

A Ndo nzi pèc pècèk a ngudoko na va a dai a vaɗ sa, a ngaɗa: Iyè Zhiklè Abraham, bab ngaya. Ka gu zlau ɓai, i zhè a sam ngaya. I woy a i pshè ka ma a ndohi verzi ngaya ta mènè a vata, a géɗ Abraham, ɓèl ga.

Genèse 31:7

Bab kinè a ngwoday skwi ntul ga tsaɗ tsaɗ kumba. Aman Bi Zhiklè a mva na civèɗ aman a ngedassyè ɓai.

II Samuel 22:3

Zhiklè, sam ga nlèaʼa, man i pi di a pa; gambar ga, a wuɗi man a mbelyè. Gi ga nʼngalaʼa man i hi a pa. Nengaʼa bi mʼmbelyè man a takahayè te ri ndohi wuɗai.

II Rois 1:15

A gol Ndo nzi pèc pècèk a ngaɗa na Elie: Do a verzi nengaʼa, ka gu zlau nengaʼa ɓai! A Elie a nslambaɗa, a ndo a verzi nengaʼa, a sam bai.

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

Psaumes 115:10

Ndohi gi Aaron, va-pu ndav a Ndo nzi pèc pècèk! Nengaʼa a takaha ta, nengaʼa gambar ta.

Psaumes 119:114

Ka sam ga nlèaʼa, gambar ga, i zhèrè te ma ngaya.

Psaumes 142:5

Pu di a civèɗ ri mandai, woro: ndo a se-nyè ɓai, sam man i hi a pa azɓai; ndo a mpay di a nshèffè ga azɓai.

Psaumes 18:2

Ndo nzi pèc pècèk, i woy ka, ka wuɗi ga!

Psaumes 27:1

Man a David. Ndo nzi pèc pècèk, skwi nhél sam askwi mbelyè. I gi zlau ngè? Ndo nzi pèc pècèk, wuɗi nshèffè ga. I gudzi te ri ngè?

Psaumes 3:3

Ta kumba ta gèɗè a géɗ ga: Zhiklè a takaha azɓai.

Psaumes 3:4

Aman ka, Ndo nzi pèc pècèk, ka gambar ga a nʼnjèl ga, ka slambaɗday gèɗ.

Psaumes 5:12

Aman gau a ndohi tèlèba man ta pi ndav a ka, ta wuffe. Gau a ta sli dimèsh a mèdèp, sèi ka ɓer ta, a ta slébèrdè ka, ta tèlèba man ta woy nzlembaɗ ngaya.

Psaumes 58:11

Ndo nzuraʼa a da wuffè a géɗ tengaʼa man ta pil gèɗ, a da pen sak na te pombaz ndohi ambaɓihiaʼa.

Psaumes 84:11

Aman pats staɗ te gala ngaya a fena mʼmèn 1.000 a dala. Dara man i zlatsa a ntamagi Zhiklè ga, a géɗ man i nzi te gi ndohi ambaɓihiaʼa tʼhwaɗaʼa.

Psaumes 84:9

Ndo nzi pèc pècèk, Bi Zhiklè bi mbiaʼa, tsena ntsi ri ga, fu zlembaɗ a ma ga, ka Zhiklè Jacob!

Psaumes 91:4

A nghede ka a hwaɗ kelpasl nengaʼa, a ka nzi a hwaɗ ri nengaʼa ara man a sam nlèaʼa. Pombi nengaʼa nara slarba a gambar.

Exode 14:13

A Moise a ngaɗa ta ndohai: Kin gu zlau bai, va-nza taraʼa, a kin rka ara man Ndo nzi pèc pècèk a da mbel kinè a patsna. Ara man kin rka ta ndohi Egypte antanta, kin da rka ta te deɓaʼa asaɓai.

Proverbes 11:18

Ndo ambaɓiaʼa a gi skwi ambaɓiaʼa; aman ndo man a zleki ngi-zuraʼa, a da ɓicè skwi te deɓaʼa zuraʼa.

Proverbes 30:5

Ma Zhiklè tèlèba, ta jkeda ma, gambar ndohi tèlèba man ta nzi a diaʼa.

Esaie 35:4

Va-gaɗa ta ndohi man ndav ta mʼmbeɗ na: Va-sassaya di kinè, kin gu zlau ɓai! Na haha Zhiklè kinè! A shkè a mpil gèɗ ndohai, a jhèɗè skwi mpil gèɗ, nengaʼa a shkè a ntakaha kinè a ri na.

Esaie 40:10

Na haha, Bi Zhiklè a shkè a wuɗai, a gi ɓai a ri nengaʼa man wuɗi na zhè. Na haha skwi ntul na a zhè a ma na.

Esaie 41:10

Ka gu zlau ɓai, i zhè a sam ngaya. Ka ngul di zlau lawlawa ɓai, aman i Zhiklè ngaya! I va ka wuɗai, i takaha ka ma ba, i gs ka te ri mandi ga man a ngul skwai.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 43:1

Anai Ndo nzi pèc pècèk, nengaʼa man a fe ka, nengaʼa man a nge ka, a gaɗa ka, Israel: Ka gu zlau ɓai! I sumka ka a deɓa ma; i baha ka a nzlembaɗ ngaya, ka a ga.

Esaie 43:5

Ka gu zlau ɓai; aman i zhè a sam ngaya. I da mendeka ta ndohi te verzi ngaya a deɓa te civèɗ mvèng pats, a i da ɓicka ta te civèɗ nkèl pats.

Esaie 44:2

Ndo nzi pèc pècèk, man a nge ka, man a fe ka a hwaɗ mam ngaya, nengaʼa man a takaha ka, a gaɗa ka: ka gu zlau ɓai, Jacob, ɓèl ga, a Israel, man i ngotskoɗauda.

Esaie 44:8

Kin gudzu ɓai, kin gu zlau ɓai! I senda kinè, i ngreda kinè nʼnzi a zhè ka ɓi ɗè? Kinè ndohi malwuɗihi ga! Zhiklè ngiɗè a zhè a tsagi ga ɗè? Sam ngedeng-gedengaʼa ngiɗè a zhi ɗè? I sun ngiɗè ɓai.

Esaie 51:12

Iyè man i bid kinè. Ka wa man ka gi zlau ndohai, ndohi man ta bèzl ta gene, a ta ndev ta ara kuza?

Jérémie 39:17

Aman a pats nasa i da preka ka auda, Ndo nzi pèc pècèk a gaɗa. Ta fe ka a ri ndohi man ka gi zlau ta azɓai.

Lamentations de Jérémie 3:24

Ndav ga a gaɗa: Skwi man i ngotso, nasa Ndo nzi pèc pècèk. Gar haha i zhèr nengaʼa.

Ezéchiel 1:1

Te mvi 30aʼa, a ki 4, mʼmèn 5, aman i nza te va ndohi Juif man ta hel ta a ɓèlè, a ma woyam Kebar, a giɗfèk a mwin na, a skwi te zhiklè a nrkay a dai.

Ezéchiel 11:24

Mèzhèɓ Zhiklè a ndzavyè, a ndiyè a deɓa a kokwar Chaldée, a sam ndohi man a hel ta a ɓèlè te skwi Zhiklè man a rkayè a dai. A skwi Zhiklè man a rkayè a di, kal na.

Ezéchiel 3:4

A ngaɗayè: Ka ndo, slambaɗa, a ko do a sam ndohi Israel, a ka gaɗa ta ma ga.

Nombres 12:6

A ngaɗa: Va-tsena ma ga zuraʼa! Aman ndo nhadka ma a zhè te ndev kinè, iyè Ndo nzi pèc pècèk i gudoko na va a dai ara nshunè, i gada na te nshunè.

Nombres 18:20

Te deɓaʼa Ndo nzi pèc pècèk a ngaɗa na Aaron: Ka ngècè skwi nʼndi gi te kokwar haha azbai; skwi ngaya a te ndev tengaʼa bai. Iyè skwi ngaya; iyè skwi nʼndi gi ngaya te va ndohi Israel.

Nombres 24:4

ndo man a tsena ma Zhiklè, a goɗ ar haha; ndo man a rka skwi man Zhiklè, Bi-wuɗai, a ngra na, man a kalahi a deɓ sak nengaʼa, a di nengaʼa a win na.

Matthew 28:5

A gol Bi Zhiklè a ngaɗa ta ngwozai: Kin gu zlau ɓai, aman i suna, kin woy Yèsu, man ta gezlalaʼa.

Matthew 8:26

Yèsu a ngaɗa ta: Kinè ndohi man kin co a ndav a vata ɓai! Kin gi zlau kata èhèmè?

Luke 1:13

Gol Zhiklè a ngaɗa na: Ka gu zlau ɓai, Zacharie; aman Zhiklè a ntsena ntsi ri ngaya. Elisabeth, ngwoz ngaya, a da ya ka kra nguraʼa, a ka da va na nzlembaɗ na Jean.

Luke 1:30

A gol Zhiklè a ngaɗa na: Ka gu zlau ɓai, Marie! Ka ngots pombai a sam Zhiklè!

Luke 12:32

Kin gu zlau ɓai, kinè rèwè nkèshèa; aman Zhiklè a woya a va kinè kokwar Bi nengaʼa.

Actes 10:22

Ta gaɗa: Corneille, bi sojè, ndo nzuraʼa, man a gi zlau Zhiklè, ndo man ma nengaʼa ambaha ta ndohi Juif tèlèba, gol Zhiklè nkezlaʼa a ngaɗa na, da baha ka a gi nengaʼa, da tsena ma ngaya.

1 Corinthians 3:22

Paul, Apollos, Céphas, ko herkeda, ko nshèffè, ko mʼmetsai, skwi man a zhè antanta, skwi man a di a shkè, skwi tèlèba a kinè;

Deutéronome 18:2

Ta ngècè skwi nʼndi gai te ndev kramamhi ta azɓai. Ndo nzi pèc pècèk, nengaʼa skwi nʼndi gi ta, ara man a gaɗa ta.

Deutéronome 31:6

Va-gsa ndav kinè, va-nze taraʼa, kin gu zlau ɓai, kin gudzu ɓai a sam ta! Aman Ndo nzi pèc pècèk Zhiklè kinè, a ri na a dè a tsagi kinè, a jèk kinè azɓai, a pre kinè azɓai.

Hébreux 1:1

Zlèzlè a Bi Zhiklè a ngaɗa ta bababhi nga te ma ndohi nhadka ma, pats ngiɗè pats ngiɗè a maya tsaɗ tsaɗ.

Apocalypse 1:17

Aman i rka ndo matsa, i kalahi a deɓ sak nengaʼa, iyè ara ndo mʼmetsa. A nengaʼa a mfay ri mandi na a gèɗ, a ngaɗayè: Ka gu zlau ɓai, iyè ndo nshèlèkuraʼa a ndo nʼndikèma skwai,

Ruth 2:12

Ndo nzi pèc pècèk, Zhiklè Israel, man ka shkè a sam na, a ka nzi a hwaɗ kelpasl nengaʼa, da pela ka skwi man ka gau a skwi man amba zuraʼa.

I Samuel 15:10

Ndo nzi pèc pècèk a ngaɗa na Samuel:

I Samuel 9:9

Zlèzlèa man ndohi Israel to do a tajhèdè Zhiklè, ta gaɗa: Vo-washke, ngo-dokoy a sam ndo nsun skwai! Ndohi man antanta ta baha ta ndohi nhadka ma, zlèzlèa ta baha ta ndohi nsun skwai.