Genèse 12:7 - Ma Zhiklè

⁷ A Ndo nzi pèc pècèk a ngudoko na va a di a Abram, a ngaɗa na: Kokwar haha i woya man i va ta ndohi te verzi ngaya. A Abram a nrom sam mvi skwi a Ndo nzi pèc pècèk, man a gudoko na va a dai, a pa.

Genèse 12:7 ပူးပေါင်းရင်းမြစ်များ

Genèse 12:8

Te deɓaʼa a nslambaɗa, a ndo za a tsagi Béthel, a ngu gi na a pa. Béthel te civèɗ nkèl pats. Ai te civèɗ mvèng pats. A pa a nrom sam mvi skwi a Ndo nzi pèc pècèk, a ntsu ri a nzlembaɗ Ndo nzi pèc pècèk.

Genèse 13:15

Aman herkeda tèlèba man ka rkaʼa, i woy a i va ka a ndohi nte verzi ngaya a mèdèp.

Genèse 13:17

Slambaɗa, sawala a gèɗ herkeda, a ngurè na, a nguzloh na, i woy a i da va ka.

Genèse 13:18

A Abram a nhul gi na, a mdo, a nʼnza a dal Mamré, te Hébron, a sam gètèl wof. A pa a nrom sam mvi skwi a Ndo nzi pèc pècèk.

Genèse 13:4

a sam mvi skwi a Zhiklè man a ngu a samaʼa te va nasa. A samaʼa a ntsu ri a nzlembaɗ Ndo nzi pèc pècèk.

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

Genèse 17:1

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

Genèse 17:3

A Abram a nkalahi a deɓ sak nengaʼa, a Bi Zhiklè a ngaɗa na:

Genèse 17:8

A i va ka, a ndohi verzi ngaya, herkeda a haha, man ka a mbrok te pa, kokwar Canaan tèlèba, a ka ngotso a mèdèp, a i ndi a Bi Zhiklè tengaʼa.

Genèse 18:1

A Ndo nzi pèc pècèk a ngudoko na va a dai a sam gètèl wof te Mamré, aman a nza a ntamagi na, a géɗ pats.

Genèse 22:9

Aman ta ndikè a sam man Zhiklè a ngra na, Abraham a nram sam mvi skwi a Zhiklè, a ndüzl shègwa, a ndzawa Isaac, kra na, a mʼmanda a deɓ shègwa a sam mvi skwi a Zhiklè.

Genèse 24:7

Ndo nzi pèc pècèk, Zhiklè giɗfèk, man a nckay auda te gi bab ga, te kokwar gwoli ga, man a ngaɗayè, a mbaɗayè: herkeda haha i woy a i va ta ndohi verzi ngaya – nengaʼa a da zlindè gol nengaʼa a ma ngaya, a ka da ngatsa na ngwoz a kra ga te pa.

Genèse 26:25

A nengaʼa a nrom sam mvi skwi a Zhiklè a pa, a ntsa na ri a Ndo nzi pèc pècèk. A Isaac a ngu gi na a pa, a ɓèlèlihi na ta rau thal iyam a pa.

Genèse 26:3

Nza a kokwar haha a mbrok, i woy a i zhè a nda ka, a i pshè ka ma. Aman i woy a i va ka herkeɗa haha tèlèba, i woy a i va ka a ndohi verzi ngaya, a i gi ara man i mbaɗa na a Abraham, bab ngaya.

Genèse 28:13

Na haha Ndo nzi pèc pècèk a nzlatsa te géɗèʼa, a ngaɗa na: I Ndo nzi pèc pècèk, Zhiklè Abraham, bab ngaya, a Zhiklè Isaac: herkeda man ka mana a pa, i da va ka, a wudahi ngaya.

Genèse 28:4

Da va ka mpshè ma Abraham, a ka a ndohi verzi ngaya, a ka da kwèr herkeda man ka nzi a pa ara mbrok, man Bi Zhiklè a va na Abraham.

Genèse 32:30

A Jacob a mbaha na samaʼa Peniel. I rka Zhikiè a iyam di ga, a nshèffè ga a zhè genè, ar na.

Genèse 33:20

A pa a nzlatseda kwa a nshinè a te pa, a nrom sam mvi skwi a Zhiklè, a mbaha na El-Elphé-Israel.

Genèse 35:12

A herkeda man i va na Abraham a Isaac, i woy a i va ka, a i woy a i va ta ndohi verzi ngaya.

Genèse 35:7

Te pa a nrom sam mvi skwi a Zhiklè, a mbaha na samaʼa El-Béthel, a géɗ man Zhiklè a ngudoko na va a dai, aman a nhu na a sam Esau, kramam na.

Genèse 50:24

A Joseph a ngaɗa ta kramamhi na: Anai, i metsi ga. Aman Bi Zhiklè a da takaha kinè, a da hel kinè auda te kokwar haha, a de kinè a kokwar man a mbaɗa na a Abraham, Isaac a Jacob.

Genèse 8:20

A Noé a nrom sam mvi skwi a Ndo nzi pèc pècèk. A nco te va skwi man Zhiklè a sla na mpanaʼa, te va ɗiakihai man Zhiklè a sla ta mpanaʼa, a ndarda a vogwa a sam mvi skwi a Zhiklè.

II Samuel 24:25

David a nrom sam mvi skwi a Ndo nzi pèc pècèk a samaʼa, a nʼndara na skwi a Zhiklè, a mva na skwi a Zhiklè te nshid gèɗ. A Ndo nzi pèc pècèk a ntsena ntsi rai a géɗ kokwar, a gidiɓèr te Israel a ndal na.

I Rois 18:32

A ndizla kwa a ngi a sam mvi skwi a Zhiklè a nzlembaɗ Ndo nzi pèc pècèk, a ntèuda sam mvi skwi a Zhiklè a vèvèɗ, samaʼa aman ta zleki dau guv guv ri cèw.

I Chroniques 16:16

ma man ta derzla a Abraham, ma man a mbaɗa na Isaac.

I Chroniques 16:18

A ngaɗa: I woy a i va ka kokwar Canaan a skwi nʼndi gi ngaya.

II Chroniques 20:11

ta zhè a ta woy a ta ngwoda nga va a gèɗ, a ta dzam nga te herkeda man nga ngots a skwi nʼndi gai, te herkeda man ka va nga.

II Chroniques 20:7

Ka, Zhi-klè nga, man ka dzam ta ndohi auda te kokwar haha a ma ndohi Israel, a ka va ta a skwi ndohi te verzi Abraham a mèdèp.

Esdras 3:2

Josué, kra Jotsadak, a nslambada, a nda kramamhi na, ndohi mvi skwi a Zhiklè, a Zorobabel, kra Shealthiel, a nda kramamhi na, a ta rom sam mvi skwi a Zhiklè Israel, aman ta ndara na skwi zaʼa, ara man a mwinda te ɗèlèwèr ma kita Moise, ndo Zhiklè.

Exode 17:15

A Moise a nrom sam mvi skwi a Zhiklè, a mbaha na Ndo nzi pèc pècèk, tolom var ga.

Exode 24:4

A Moise a mwindo ma Zhiklè tèlèba. Te mangoslèmaʼa a prèk, a ngau sam mvi skwi a Zhiklè a der za, a nzlatseda kwa ndzaraʼa 12, ara verzi Israel 12.

Exode 32:13

Hur bèlèlihi ngaya, Abraham, Isaac a Israel, aman ka mbada ta a ma ngaya, a ka gada ta, i woya man i ga kinè tser a vata, a kin mènè a vata, ara bantihai te gidfèk, a kokwar haha tèlèba, man i gada i da va kinè, i woy a i va ta ndohi verzi kinè a mèdèp.

Exode 33:1

Te deɓaʼa Ndo nzi pèc pècèk a ngaɗa na Moise: Do a nda ndohi man ka helka ta te kokwar Egypte, a kin dè a kokwar man i mbada ta nda Abraham, Isaac a Jacob, a i gada: I woy a i va ta ndohi verzi kinè.

Exode 6:3

i gudoko na va a di a Abraham, Isaac a Jacob a nzlembaɗ Zhiklè, Bi wuɗai. Aman nzlembaɗ ga Ndo nzi pèc pècèk, i ngra ta bai.

Exode 6:4

Nga derzla ma, i da va ta kokwar Canaan, kokwar man ta nza te pa ara mbrok.

Jérémie 3:18

Te ndev nasa ndohi Juda ta da humdè va ta a ndohi Israel, a ta tsokolko va ta a deɓa te kokwar te man a géɗèʼa, a ta dè a kokwar man i va ta babhi ta a skwi nʼndi gi ta.

Nombres 26:53

Va-kezla ta kokwar a skwi nʼndi gai, ara nʼngér nzlembaɗ ta.

Nombres 32:11

Ndohi man ta shkè auda te kokwar Egypte, a hinè te mvi 20 a ndè a ma ma, ta da rka herkeda man i pasla ta ri a hi a mʼmbèɗè a Abraham, Isaac a Jacob, asaɓai, a géɗ man ta dozodzor ma ga tèlè ɓai;

Actes 7:5

A mva na skwi nʼndi gi te pa ɓai, ko sam man a pi sak a pa. A nʼngra na, a woya a mva ta ndohi te verzi nengaʼa, ko a mya kra di ɓai.

Romans 9:8

ara man: Wudahi Zhiklè, tengaʼa ka ɓai, man ndo a yeka ta, aman sèi wudahi man ta yu te mpèsl rai, tengaʼa verzi Abraham zuraʼa.

Galates 3:16

Anai Zhiklè a mpasla na ri a hi a Abraham a ndo te verzi nengaʼa. A gèɗè azɓai, a ndohi verzi nengaʼa, ara man ta kumba. Sèi a ndo staɗgenè – a ndo te verzi nengaʼa, nengaʼa Kristi.

Galates 4:28

Aman kinè, dalahimam ga, kinè ara Isaac, man Zhiklè a mpasleda ria a hai.

Deutéronome 1:8

Na haha, i va kinè kokwaraʼa, vo-do, va-duma kokwar man Ndo nzi pèc pècèk a mpasla ta ri a babhi kinè a mbèdè, a gaɗa i da va ta a Abraham, Isaac, a Jacob, a ndohi te verzi ta.

Deutéronome 30:20

a ka woy Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ka gshè va a vna. Aman nshèffè ngaya a hün te pa; a Zhiklè a da nderɗa ka pats nshèffè ngaya a ma ma. Aranta ba ka da nzi te kokwar man Ndo nzi pèc pècèk a mbaɗa a da va ta babhi ngaya, Abraham, Isaac a Jacob.

Deutéronome 34:4

Te deɓaʼa Ndo nzi pèc pècèk a ngaɗa na: Na haha kokwar man i pasla ta ri a hi a pa a Abraham, Isaac a Jacob a mʼmbèdè, a i gaɗa: I da va ta ndohi te verzi ngaya. I ngreda ka, a ka rka a di ngaya; aman ka ndikè a pa azɓai.

Deutéronome 6:10

Aman Ndo nzi pèc pècèk a de ka a kokwar man a mbaɗa ta a Abraham, Isaac a Jacob, babhi ngaya, aman a da va ka: kokwar mbiaʼa, mbelaʼa, man ka, ka nrom ka ɓai.

Deutéronome 9:5

A géɗ nlèɓèslè ngaya ka ɓai, a gèɗ ndav ngaya man nzuraʼa ka ɓai, a gèɗ ngi-zuraʼa ngaya ka ɓai, man Ndo nzi pèc pècèk, Zhiklè ngaya, a ndzam ta ndohi herkeda haha; aman ka da dum kokwar tengaʼa, a géɗ man mali ta a ndev ɓai. A ma nengaʼa man a mbaɗa ta a Abraham, Isaac a Jacob, babhi ngaya, a ndikeda.

Hébreux 11:13

Ndohi haha tèlèba ta bazl ta te ncè-a-ndav tengaʼa, a ta ngatsa skwi mpèsl a ri ɓai, aman ta rka dra genè. Ta ga na mbali dra, a ta suna a vava, ta mbrokihai, ta ndohi nshèwèlè a géɗ herkeda genè.

Hébreux 11:8

A géɗ ncè-a-ndav na, Abraham a ndzodzor ma Zhiklè, aman a baha na, a ndo a sam man Zhiklè a gaɗa na do a pa, aman a da ngècèʼa a nda ndohi nʼndi gi nengaʼa. A nengaʼa a mdo, ko a sun sam man a dè a pa ɓai.

Josué 1:6

Gsa ndav ngaya a ka nze taraʼa a ma ma; ka da kezli kokwar a ndohi haha a skwi nʼndi gai man i woy a i va ta, ara man i mbaɗa ta babhi tengaʼa.

Josué 22:10

A ta ndika a Geliloth, a ma woyam Jourdain, te kokwar Canaan, ndohi Ruben, a ndohi Gad, a rèta verzi ndohi Manassé, ta rom sam mvi skwi a Zhiklè, ndul ndul a sam woyam Jourdain, sam mvi skwi a Zhiklè mbiaʼa, man a rkè dra.

Josué 8:30

Te deɓaʼa Josué a nrom sam mvi skwi a Ndo nzi pèc pècèk, Zhiklè Israel, a géɗ za Ebal,

Juges 6:24

A Gédéon a nrom sam mvi skwi a Ndo nzi pèc pècèk a samaʼa, a mbaha na ‘Ndo nzi pèc pècèk man a vi gumai’. Na zhè ha patsna, te Ophrah, a sam gwoli Abiézer.

I Samuel 7:17

Te deɓaʼa a mʼmen na a deɓa a kokwar Rama, man gi nengaʼa te pa, a nʼnga ta kita a ndohi Israel te pa. Te pa a nrama na sam mvi skwi a Ndo nzi pèc pècèk.